উত্তৰ বংগ বিশ্ববিদ্যালয়

উত্তৰ বংগ বিশ্ববিদ্যালয় চমুকৈ (এন.বি.ইউ.) পশ্চিমবংগ ৰাজ্যৰ উত্তৰ বংগ অঞ্চলৰ এখন ৰাজহুৱা ৰাজ্যিক বিশ্ববিদ্যালয়। বিশ্ববিদ্যালয়ৰ মূল চৌহদ পশ্চিমবংগ ৰাজ্যৰ দাৰ্জিলিং জিলাৰ শিলিগুৰিৰ ৰজাৰামমোহনপুৰত অৱস্থিত। দ্বিতীয় চৌহদ জলপাইগুৰি জিলাৰ ডাংগুয়াঝাৰত আৰু তৃতীয় চৌহদ কলিকতাৰ বিধাননগৰৰ ছল্ট লেকত অৱস্থিত। বিশ্ববিদ্যালয়খন ১৯৬২ চনত পশ্চিমবংগ চৰকাৰে প্ৰতিষ্ঠা কৰে। উত্তৰ বংগ বিশ্ববিদ্যালয়ত স্নাতক, স্নাতকোত্তৰ, ডক্টৰেট আৰু পোষ্ট ডক্টৰেট কাৰ্যসূচীত ডিগ্ৰী প্ৰদান কৰা হয়। বিশ্ববিদ্যালয়খনক ৰাষ্ট্ৰীয় মূল্যায়ন আৰু স্বীকৃতি পৰিষদ(NAAC) দ্বাৰা B++ গ্ৰেডৰ সৈতে স্বীকৃতি প্ৰদান কৰা হৈছে।

ইতিহাস

উত্তৰ বংগ বিশ্ববিদ্যালয় আইন ১৯৬১ দ্বাৰা পশ্চিমবংগৰ বিধানসভাই এই আইনখণ গৃহীত কৰে।^১ ১৯৬২ চনত বিশ্ববিদ্যালয়খনে কাৰ্যক্ষমতা আৰম্ভ কৰা উত্তৰবংগ অঞ্চলৰ প্ৰথমখন বিশ্ববিদ্যালয়। বিশ্ববিদ্যালয়খনে প্ৰথমতে উত্তৰবংগৰ ছয়খন জিলা দাৰ্জিলিং, জলপাইগুৰি, কোচবিহাৰ, মালদা, উত্তৰ দিনাজপুৰ আৰু দক্ষিণ দিনাজপুৰ, আৰু চুবুৰীয়া ছিকিমৰ প্ৰধানকৈ গ্ৰাম্য অঞ্চলত সেৱা আগবঢ়াইছিল।

বিশ্ববিদ্যালয়খনত বছৰি ৩৬ হাজাৰতকৈ অধিক স্নাতক ছাত্ৰ-ছাত্ৰী আৰু ১৫০০ৰো অধিক স্নাতকোত্তৰ ছাত্ৰ-ছাত্ৰী আৰু পণ্ডিত(গৱেষক)ৰ নামভৰ্তি হয়।

শাসন ব্যৱস্থা=

=উত্তৰ বংগ বিশ্ববিদ্যালয়ৰ উপাচাৰ্য্য বিশ্ববিদ্যালয়খনৰ মুখ্য কাৰ্যবাহী বিষয়া। বৰ্তমান বিশ্ববিদ্যালয়খনৰ উপাচাৰ্যৰ পদ খালী হৈ আছে।

অধ্যাপক আৰু বিভাগ

উত্তৰ বংগ বিশ্ববিদ্যালয়ৰ ৩০টা বিভাগ দুটা অনুষদ পৰিষদেৰে সংগঠিত। ^২

কেন্দ্ৰসমূহ

বিশ্ববিদ্যালয়খনে কেম্পাছৰ ভিতৰত আৰু বাহিৰত গৱেষণা আৰু শৈক্ষিক কেন্দ্ৰসমূহৰ সৈতে সংযোগ প্ৰদান কৰে।

সংলগ্নতাসমূহ

বিশ্ববিদ্যালয়খন দাৰ্জিলিং, কালিম্পং, আলিপুৰদুৱাৰ, জলপাইগুৰিৰ চাৰিখন আৰু উত্তৰ দিনাজপুৰ জিলাৰ ইছলামপুৰ মহকুমা বিস্তৃত কেইবাখনো সংযুক্ত মহাবিদ্যালয় আছে।

শৈক্ষিক বিষয়

উত্তৰ বংগ বিশ্ববিদ্যালয়ে চাৰি বছৰীয়া (বি.এ./বি.এছ.চি./বি.কম.) স্নাতক ডিগ্ৰী আৰু পাঁচ বছৰীয়া বি.এ. এল এল বি ডিগ্ৰী, দুবছৰীয়া মাষ্টাৰ অৱ আৰ্টছ(এম.এ.), এম.কম., মাষ্টাৰ অৱ বিজনেছ এডমিনিষ্ট্ৰেচন(এম.বি.এ.), এম.এছ.চি., মাষ্টাৰ অৱ কম্পিউটাৰ আবেদন(এম.চি.এ.) আৰু মাষ্টাৰ অৱ ফাৰ্মাচী(M.Pharm) ডিগ্ৰী, দুবছৰীয়া মাষ্টাৰ অৱ ফিলচপি(M.Phil) ডিগ্ৰী আৰু পিএইচডি ডিগ্ৰী প্ৰদান কৰা হয়।^৪

স্বীকৃতি

২০২২ চনত বিশ্ববিদ্যালয়খনে ৰাষ্ট্ৰীয় মূল্যায়ন আৰু স্বীকৃতি পৰিষদ(NAAC) দ্বাৰা "B++" গ্ৰেডত সাত পইণ্টৰ স্কেলত ২.৮২ চিজিপিএৰে(যিটো ৫ বছৰৰ বাবে বৈধ) স্বীকৃতি লাভ কৰে।^৫

মিউজিয়াম

উত্তৰ বংগ বিশ্ববিদ্যালয়ত ১৯৬৫ চনৰ ফেব্ৰুৱাৰী মাহত স্থাপন কৰা অক্ষয় কুমাৰ মৈত্ৰেয় ঐতিহ্য সংগ্ৰহ সংলগ্ন সন্নিৱিষ্ট ৰাজা ৰাজাৰাম সংগ্ৰহালয় বৰ্তমান উত্তৰ বংগৰ ইতিহাসৰ সৈতে জড়িত অন্যান্য বিষয়ৰ লগতে ভাস্কৰ্য্য, মুদ্ৰা, চিত্ৰ আৰু পাণ্ডুলিপিৰ ভঁৰাল হৈ পৰিছে। ভাৰতবৰ্ষৰ কেইটামান আঞ্চলিক সংগ্ৰহালয় আৰু বিশ্ববিদ্যালয় সংগ্ৰহালয়সমূহৰ ভিতৰত এই সংগ্ৰহালয় অন্যতম। ইয়াত অঞ্চলটোত আৱিষ্কৃত প্ৰত্নতাত্ত্বিক ধ্বংসাৱশেষসমূহ সংগ্ৰহ, সংৰক্ষণ আৰু অধ্যয়ন কৰা হয়।

উল্লেখযোগ্য প্ৰাক্তন ছাত্ৰ

• সুভাষী দে, হাইড্ৰলিচিয়ান আৰু শিক্ষাবিদ।
• চাৰু মজুমদাৰ, ভাৰতীয় কমিউনিষ্ট পাৰ্টিৰ প্ৰতিষ্ঠাপক।
• আব্দুল কৰিম চৌধুৰী, পশ্চিম বংগ চৰকাৰৰ গণ শিক্ষা সম্প্ৰসাৰণ আৰু পুথিভঁৰাল সেৱাৰ প্ৰাক্তন মন্ত্ৰী।
• মহিমা চৌধুৰী, ভাৰতীয় অভিনেত্ৰী আৰু মডেল।
• ডেনি ডেনজংপা, ভাৰতীয় অভিনেতা, গায়ক আৰু চলচ্চিত্ৰ পৰিচালক।
• জ্যোতি প্ৰকাশ তামাং, ভাৰতীয় খাদ্য প্ৰযুক্তিবিদ, অণুজীৱবিজ্ঞানী।
• পাৰ্থসাৰথি চক্ৰৱৰ্তী, ভাৰতীয় পৰিৱেশ। ভূ-ৰসায়নবিদ, এজন প্ৰাক্তন জ্যেষ্ঠ বিজ্ঞানী।
• দেবকুমাৰ মুখোপাধ্যায়,উপাচাৰ্য (কোচবিহাৰ পঞ্চানন বৰ্মা বিশ্ববিদ্যালয়)।
• প্ৰেম সিং তামাং, ছিকিমৰ মুখ্যমন্ত্ৰী।
• সুমনা ৰায়, ভাৰতীয় সাহিত্যিক আৰু কবি।
• ভীম হাং লিম্বু, ছিকিমৰ জনস্বাস্থ্য অভিযান্ত্ৰিক মন্ত্ৰী।
• ছাবিনা ইয়েছমিন, ভাৰতৰ কেবিনেট ৰাজ্যিক মন্ত্ৰী।
• সৌৰভ চক্ৰৱৰ্তী, ৰাজনীতিবিদ,অধ্যক্ষ(শিলিগুৰি জলপাইগুৰি উন্নয়ন প্ৰাধিকৰণ)।
• চোকিলা আয়েৰ, ভাৰতৰ প্ৰথম মহিলা বিদেশ সচিব
• শ্ৰীৰূপা মিত্ৰ চৌধুৰী, সমাজকৰ্মী, মহিলা অধিকাৰ কৰ্মী।
• সুকান্ত মজুমদাৰ, পশ্চিম বংগৰ ভাৰতীয় জনতা পাৰ্টিৰ দশম সভাপতি; সংসদ সদস্য, লোকসভা।