ইউৱান কিনয়ুৱে

ইউৱান কিনয়ুৱে (জন্ম ২১ ডিচেম্বৰ ১৯৯৬) এগৰাকী চীনা ভাষা ভলীবল খেলুৱৈ। তেওঁ চীনৰ মহিলা ৰাষ্ট্ৰীয় ভলীবল দলৰ প্ৰাক্তন অধিনায়ক। ক্লাব পৰ্যায়ত তেওঁ ভাকিফ বেংক এছ.কে.-ৰ হৈ খেলে।

২.০৩ মিটাৰ উচ্চতাৰে ইউৱান চীনৰ মহিলা ৰাষ্ট্ৰীয় ভলীবল দলৰ ইতিহাসত আটাইতকৈ ওখ খেলুৱৈ। তেওঁৰ এই বিশাল উচ্চতাই নেটৰ ওচৰত তেওঁক এক শক্তিশালী স্থিতি প্ৰদান কৰে। তেওঁক তেওঁৰ সতীৰ্থ খেলুৱৈ ঝু টিং আৰু ঝাং চাংনিংৰ সৈতে দলটোৰ অন্যতম গুৰুত্বপূৰ্ণ খেলুৱৈ হিচাপে গণ্য কৰা হয়।

কেৰিয়াৰ

ইউৱান কিনয়ুৱে এগৰাকী পেছাদাৰী ভলীবল খেলুৱৈ হিচাপে বায়ী দলত নিজৰ কেৰিয়াৰ আৰম্ভ কৰিছিল, যিটো দলে ৰাষ্ট্ৰীয় প্ৰতিযোগিতাসমূহত পিপলছ লিবাৰেচন আৰ্মীক প্ৰতিনিধিত্ব কৰে। ২০১৩ চনৰ অনুৰ্ধ-১৮ বিশ্ব চেম্পিয়নশ্বিপত তেওঁৰ উৎকৃষ্ট প্ৰদৰ্শনৰ বাবে তেওঁক 'মষ্ট ভেলুৱেবল প্লেয়াৰ' হিচাপে স্বীকৃতি দিয়া হৈছিল। ইয়াৰ পিছতে চীনৰ মহিলা ৰাষ্ট্ৰীয় ভলীবল দলৰ মুখ্য প্ৰশিক্ষক লাং পিঙৰ দৃষ্টি তেওঁৰ ওপৰত পৰে। সেই বছৰতে তেওঁক জেষ্ঠ দলৰ প্ৰশিক্ষণ শিবিৰৰ বাবে বাছনি কৰা হয় আৰু ২০১৪ চনত তেওঁ আনুষ্ঠানিকভাৱে জেষ্ঠ দলত যোগদান কৰে।

ইউৱান ইটালীত অনুষ্ঠিত হোৱা ২০১৪ এফ.আই.ভি.বি. ভলীবল মহিলা বিশ্ব চেম্পিয়নশ্বিপত চীনা ৰাষ্ট্ৰীয় দলৰ অংশ আছিল, য’ত ফাইনেলত আমেৰিকা যুক্তৰাষ্ট্ৰৰ হাতত চীন পৰাজিত হোৱাৰ পিছত তেওঁ ৰূপৰ পদক লাভ কৰে।^১ বিশ্ব চেম্পিয়নশ্বিপত তেওঁৰ দৰ্শনীয় প্ৰদৰ্শনৰ স্বীকৃতি স্বৰূপে তেওঁক ২০১৪ চনৰ চি.চি.টি.ভি. স্পৰ্টছ পাৰ্চনেলিটি এৱাৰ্ডত শ্ৰেষ্ঠ নৱাগত বঁটা প্ৰদান কৰা হয়। পৰৱৰ্তী বছৰত তেওঁ ২০১৫ এফ.আই.ভি.বি. ভলীবল ৱৰ্ল্ড গ্ৰেণ্ড প্ৰিস্কত অংশগ্ৰহণ কৰে,^২ লগতে ২০১৫ এফ.আই.ভি.বি. মহিলা বিশ্ব কাপত অংশ লৈ এটা দশকৰো অধিক সময়ৰ পিছত দলটোক এক বৃহৎ বিশ্ব প্ৰতিযোগিতাত প্ৰথমটো স্বৰ্ণ জয় কৰাত সহায় কৰে।

২০১৬ চনত তেওঁ ৰিঅ' অলিম্পিক গেমছত চীনক প্ৰতিনিধিত্ব কৰিছিল।^৩ ১৯৮৪ আৰু ২০০৪ চনৰ বিজয়ৰ পিছত দলটোৱে এইবাৰ তৃতীয়টো স্বৰ্ণ পদক লাভ কৰিবলৈ সক্ষম হয়।

২০১৭ চনত তেওঁ এফ.আই.ভি.বি. ভলীবল ৱৰ্ল্ড গ্ৰেণ্ড প্ৰিস্ক আৰু এফ.আই.ভি.বি. ৱৰ্ল্ড গ্ৰেণ্ড চেম্পিয়নছ কাপত চীনক প্ৰতিনিধিত্ব কৰে আৰু শেহতীয়া প্ৰতিযোগিতাখনত দলটোক স্বৰ্ণ জয় কৰাত সহায় কৰে। তেওঁক ৱৰ্ল্ড গ্ৰেণ্ড চেম্পিয়নছ কাপত শ্ৰেষ্ঠ মিডল ব্লকাৰ বঁটা প্ৰদান কৰা হৈছিল।^৪

২০১৮ চনত ইউৱানে প্ৰথমবাৰৰ বাবে অনুষ্ঠিত হোৱা এফ.আই.ভি.বি. ভলীবল মহিলা নেচনছ লীগত অংশ লয়, য’ত দলটোৱে ব্ৰঞ্জৰ পদক লাভ কৰে। আগষ্ট মাহত ইউৱানে ইণ্ডোনেছিয়াৰ জাকাৰ্টাত অনুষ্ঠিত ২০১৮ এছিয়ান গেমছত অংশগ্ৰহণ কৰে। আঠখন খেলৰ আটাইকেইখনতে ৩-০ ব্যৱধানত জয়লাভ কৰি আৰু এটা চেটো নোৱাৰাকৈয়ে দলটোৱে চেম্পিয়ন খিতাপ দখল কৰি প্ৰতিযোগিতাখনত আধিপত্য বিস্তাৰ কৰে।^৫ অক্টোবৰ মাহত ইউৱানে জাপানত অনুষ্ঠিত এফ.আই.ভি.বি. ভলীবল মহিলা বিশ্ব চেম্পিয়নশ্বিপত চীনক প্ৰতিনিধিত্ব কৰে।^৬ ছেমি ফাইনেলত ইটালীৰ বিৰুদ্ধে এক কঠিন যুঁজৰ অন্তত দলটোৱে ব্ৰঞ্জৰ পদক লাভ কৰে।

২০১৯ চনত ইউৱানে দ্বিতীয় ভলীবল নেচনছ লীগত অংশ লয়। হংকঙত অনুষ্ঠিত গ্ৰুপ পৰ্যায়ৰ খেলত চীনা দলটোৱে পুনৰ সেই ইটালীৰ মুখামুখি হৈছিল যিয়ে তেওঁলোকক ২০১৮ চনৰ বিশ্ব চেম্পিয়নশ্বিপত পৰাস্ত কৰিছিল। খেলখনত ০-২ ব্যৱধানত পিছ পৰি থকাৰ পিছতো চীনে একেৰাহে তিনিটা চেট জিকি অৱশেষত ৩-২ ব্যৱধানত ইটালীৰ বিৰুদ্ধে এক আচৰিত বিজয় সাব্যস্ত কৰে। এই বিজয়ত ইউৱানে গুৰুত্বপূৰ্ণ ভূমিকা পালন কৰিছিল। বিশেষকৈ তৃতীয় চেটত তেওঁৰ ব্লকে চীনক খেলখনত টিকি থকাত সহায় কৰিছিল।

২০১৯ চনৰ ছেপ্টেম্বৰত ইউৱানে পুনৰ এফ.আই.ভি.বি. মহিলা বিশ্ব কাপত চীনক প্ৰতিনিধিত্ব কৰে,^৭ য’ত চীনে একেৰাহে ১১খন খেলত জয়লাভ কৰি আন এক বিশ্ব খিতাপ দখল কৰে। সমগ্ৰ প্ৰতিযোগিতাখনত চীনে প্ৰতিদ্বন্দ্বী দলৰ বিৰুদ্ধে মাত্ৰ তিনিটা চেটতহে হাৰিছিল। এই অভূতপূৰ্ব বিজয়ৰ ইউৱান অন্যতম মূল কাণ্ডাৰী আছিল।

ক্লাবসমূহ

• বায়ী (আৰ্মী) কেমিং চাৰফেচ ইণ্ডাষ্ট্ৰী (২০০৯–২০১৩)
• গুৱাংডং এভাৰগ্ৰাণ্ডে ভিচি (মহিলা) (২০১৩–২০১৪)
• বায়ী (আৰ্মী) কেমিং চাৰফেচ ইণ্ডাষ্ট্ৰী (২০১৪–২০২০)
• জিয়াংছু মহিলা ভলীবল দল (২০১৭–২০১৮) (ঋণত)
• তিয়ানজিন বোহাই বেংক মহিলা ভলীবল দল (২০২০–২০২৪)
• ভাকিফ বেংক এছ.কে. (২০২৪–২০২৫)

বঁটা আৰু সন্মান

ৰাষ্ট্ৰীয় দল

জুনিয়ৰ দল

• ২০১২ এছিয়ান যুৱ মহিলা ভলীবল চেম্পিয়নশ্বিপ –

ৰূপৰ পদক

• ২০১৩ ইউ-১৮ বিশ্ব চেম্পিয়নশ্বিপ –

স্বৰ্ণ পদক

ছিনিয়ৰ দল

• ২০১৪ বিশ্ব চেম্পিয়নশ্বিপ –

ৰূপৰ পদক

• ২০১৫ এছিয়ান চেম্পিয়নশ্বিপ –

স্বৰ্ণ পদক

• ২০১৫ বিশ্ব কাপ –

স্বৰ্ণ পদক

• ২০১৬ অলিম্পিক গেমছ –

স্বৰ্ণ পদক

• ২০১৭ ৱৰ্ল্ড গ্ৰেণ্ড চেম্পিয়নছ কাপ –

স্বৰ্ণ পদক

• ২০১৮ ভলীবল নেচনছ লীগ –

ব্ৰঞ্জৰ পদক

• ২০১৮ এছিয়ান গেমছ –

স্বৰ্ণ পদক

• ২০১৮ বিশ্ব চেম্পিয়নশ্বিপ –

ব্ৰঞ্জৰ পদক

• ২০১৯ বিশ্ব কাপ –

স্বৰ্ণ পদক

• ২০২৩ ভলীবল নেচনছ লীগ –

ৰূপৰ পদক

• ২০২২ এছিয়ান গেমছ： স্বৰ্ণ পদক

ব্যক্তিগত বঁটা

• ২০১২ এছিয়ান যুৱ মহিলা ভলীবল চেম্পিয়নশ্বিপ - "শ্ৰেষ্ঠ ব্লকাৰ"
• ২০১৩ এফ.আই.ভি.বি. ইউ-১৮ বিশ্ব চেম্পিয়নশ্বিপ - "মষ্ট ভেলুৱেবল প্লেয়াৰ"
• ২০১৩ এফ.আই.ভি.বি. ইউ-১৮ বিশ্ব চেম্পিয়নশ্বিপ - "শ্ৰেষ্ঠ মিডল ব্লকাৰ"
• ২০১৭ এফ.আই.ভি.বি. ৱৰ্ল্ড গ্ৰেণ্ড চেম্পিয়নছ কাপ - "শ্ৰেষ্ঠ মিডল ব্লকাৰ"
• ২০২৩ এফ.আই.বি.বি. নেচনছ লীগ - "শ্ৰেষ্ঠ মিডল ব্লকাৰ"

ক্লাব পৰ্যায়ত

• ২০১৪–২০১৫ চীনা ভলীবল লীগ – স্বৰ্ণ পদক (বায়ী দলৰ সৈতে)
• ২০১৭–২০১৮ চীনা ভলীবল লীগ – ব্ৰঞ্জৰ পদক (জিয়াংছু দলৰ সৈতে)
• ২০২১–২০২২ চীনা ভলীবল লীগ – স্বৰ্ণ পদক (তিয়ানজিন দলৰ সৈতে)
• ২০২৩ এফ.আই.ভি.বি. ভলীবল মহিলা ক্লাব বিশ্ব চেম্পিয়নশ্বিপ – ব্ৰঞ্জৰ পদক (তিয়ানজিন দলৰ সৈতে)
• ২০২৩–২০২৪ চীনা ভলীবল লীগ – স্বৰ্ণ পদক (তিয়ানজিন দলৰ সৈতে)