আৰিফা ছৈয়দ জাহিৰ

আৰিফা ছৈয়দ জাহিৰ (ইংৰাজী: Arifa Sayed Zaheer; জন্ম: ১৭ ফেব্ৰুৱাৰী ১৯৯৮) মহাৰাষ্ট্ৰৰ এগৰাকী ভাৰতীয় পেছাদাৰী ফুটবলাৰ৷ তেওঁ ইণ্ডিয়ান মহিলা লীগত ক্লাব ওড়িশাৰ^১ ডিফেণ্ডাৰ হিচাপে খেলে। ২০২২ চনত তেওঁক ভাৰত মহিলা ৰাষ্ট্ৰীয় ফুটবল দলৰ শিবিৰলৈ মাতি অনা হয়।^২ ইয়াৰ পূৰ্বে তেওঁ কেনক্ৰে এফ চি আৰু সেতু এফ চিৰ সৈতে খেলিছিল।^৩

প্ৰাৰম্ভিক জীৱন

মুম্বাইত জন্মগ্ৰহণ কৰা জাহিৰে জীৱনৰ প্ৰথম সময়খিনি কুৱেইট আৰু চৌদি আৰবত কটায়।^৪ তাত তেওঁ স্থানীয় চেমুৱেল ফুটবল একাডেমী আৰু কমিউনিটি ফুটবল ক্লাব ইণ্ডিয়াৰ সৈতে খেলিবলৈ আৰম্ভ কৰে।

কেৰিয়াৰ

২০২২ চনত ভাৰতীয় মহিলাৰ ২৩ বছৰ অনুৰ্ধ ৩ জাতিৰ প্ৰতিযোগিতা শিবিৰলৈ তেওঁক মাতি অনা হৈছিল। ২০২২ চনত তেওঁ সেতু এফ চিৰ হৈ খেলে যিয়ে ইণ্ডিয়ান মহিলা লীগ ২০২২ত ৰানাৰ্ছ আপৰ স্থান দখল কৰে।^৫ ২০২৩ চনৰ জুলাই মাহত ওড়িশা এফ চিয়ে তেওঁক দুবছৰৰ বাবে চুক্তিবদ্ধ কৰে। ওড়িশা এফ চিয়ে অভিষেক ঘটাৰ লগে লগে তেওঁ ষষ্ঠ ইণ্ডিয়ান মহিলা লীগ খেলিব।^৬ ২০২৩ চনত তেওঁ গোৱাৰ ফাটৰডাত ২৭ সংখ্যক ছিনিয়ৰ ৰাষ্ট্ৰীয় মহিলা ফুটবল চেম্পিয়নশ্বিপ খেলিছিল।