আলভাণ্ড

আলভাণ্ড (Alvand) হৈছে পশ্চিম ইৰানৰ জাগ্ৰ'ছ পৰ্বতমালাৰ এটা উপশ্ৰণী। এই পৰ্বতমালা হামাদান প্ৰদেশৰ হামাদান চহৰৰপৰা ১০ কিলোমিটাৰ দক্ষিণে অৱস্থিত। ইয়াৰ শিখৰৰ উচ্চতা হৈছে 3580 মিটাৰ.^১ আলভাণ্ড পৰ্বতমালাৰ মূল অংশ পূবৰপৰা পশ্চিমলৈ প্ৰায় ৫০ কিলোমিটাৰ বিস্তৃত, আনহাতে উত্তৰৰপৰা দক্ষিণলৈ ইয়াৰ সৰ্বোচ্চ প্ৰস্থ প্ৰায় ৩০ কিলোমিটাৰ। .^১ জুৰাছিকৰ শেষৰফালে আৰু ক্ৰিটেচিয়াছৰ আৰম্ভণিৰ যুগত জাগ্ৰ'ছ পৰ্বতমালা গঠন প্ৰক্ৰিয়াৰ অংশ হিচাপে গঠিত এই পৰ্বতবোৰ চাৰিওফালৰ সমভূমিৰপৰা হঠাতে ওপৰলৈ উঠি যায় আৰু বহুতো গভীৰ উপত্যকাৰদ্বাৰা বিভক্ত। ^১ পৰ্বতবোৰ মূলতঃ গ্ৰেনাইট আৰু ডাইঅ’ৰাইটৰদ্বাৰা গঠিত, যিবোৰ একপ্ৰকাৰৰ অন্তঃজাত শিল বা পাতলীয়া শিলাৰে গঠিত।^১

এসময়ত এই অঞ্চলটো লঘু ওক গছৰ অৰণ্যৰে আবৃত আছিল, ^১ কিন্তু ঐতিহাসিক কালত ব্যাপক বনাঞ্চল ধ্বংসৰ বাবে এতিয়া ইয়াক সৰু অঞ্চলত সীমাবদ্ধ কৰি ৰখা হৈছে, বেছিভাগেই উপত্যকাত অৱস্থিত।^২ বৰ্তমানে ওখ অঞ্চলত ঘাঁহৰ আৱৰণ যথেষ্ট পাতল, আনহাতে বসন্ত আৰু নৈৰ চাৰিওফালে ঘাঁহ অধিক ঘন হয়।^১ আলভাণ্ড উপত্যকাত সাধাৰণতে খেতি কৰা এটা গুৰুত্বপূৰ্ণ উদ্ভিদ হ’ল ‘গাৱাৰ’ বা ‘এষ্ট্ৰাগেলাছ উদ্ভিদ ’। এই উদ্ভিদৰপৰা পৰা ‘ট্ৰেগাকেন্থ’ নামৰ আঠা উৎপন্ন হয়। এই আঠাবিধ চিকিৎসা আৰু উদ্যোগত ব্যৱহাৰ কৰা হয়। ^২

যদিও এই পাহাৰত কোনো বসতি নাই। কিন্তু উপত্যকা আৰু ইয়াৰ আশে-পাশে থকা সমভূমি অঞ্চলত অসংখ্য নগৰ আৰু গাঁও আছে।^১ আলভাণ্ড পৰ্বতমালাৰ তলত কেইবাখনো বৃহৎ চহৰ অৱস্থিত, য'ত হামাদান, মালেয়াৰ আৰু টুইচেৰকান আদিও আছে।^১ এই বসতিসমূহ অতি উৎপাদনশীল কৃষি ভিত্তিৰ ওপৰত নিৰ্ভৰশীল। এই অঞ্চলত ঘেঁহু খেতি আৰু ভেড়া, ছাগলী,গৰু আদি পশুপালন কৰা হয়। ^১ এই অঞ্চলৰ কৃষি সমৃদ্ধিৰ এটা ভাল কাৰক হৈছে হাইলেণ্ডৰ অনুকূল জলবায়ু আৰু আলভাণ্ড পৰ্বতৰপৰা বৈ অহা প্ৰচুৰ পানীৰ সমন্বয়। ^১

আচেমেনীড যুগৰ ঐতিহাসিক স্থান গঞ্জ নামেহ হামাদানৰপৰা ১০ কিলোমিটাৰ দক্ষিণে আলভাণ্ড পৰ্বতৰ তলত অৱস্থিত, ইয়াতেই দুখন ত্ৰিভাষিক শিলালিপি পোৱা গৈছিল। ^১ আলভাণ্ড পৰ্বতমালাই তুৰ্কী, কুৰ্দি, পাৰ্চী আৰু লুৰি ভাষাৰ মাজত ভাষিক সীমা গঠন কৰে। ^১

জলবায়ু

মাউণ্ট আলভাণ্ড ভৌগোলিক অৱস্থানত ভূমধ্যসাগৰীয় জলাবায়ুৰ প্ৰভাৱৰ ফলত বসন্তকালত বৰষুণ হয়।

জলবিজ্ঞান

আলভাণ্ড পৰ্বতমালে হামাদান প্ৰদেশৰ মূল জলভাগ গঠন কৰে; প্ৰদেশখনৰ বেছিভাগ নদী মাউণ্ট আলভাণ্ডত গলি যোৱা বৰফৰপৰা উৎপত্তি হয় আৰু তাৰ পিছত উত্তৰ বা দক্ষিণ দিশলৈ বৈ যায়। ^২ সাধাৰণতে পৰ্বতমালাৰ উত্তৰ অংশত বৈ যোৱা নদীবোৰ বেছিভাগেই ঋতুভিত্তিক, আনহাতে দক্ষিণ অংশৰ নদীবোৰ বছৰজুৰি বৈ যায়। ^২

টালভাৰ নদীৰ উৎপত্তি উত্তৰ-পশ্চিম কুহ-ই ছাফেদত হয় আৰু শেষত চেফিড্ৰুদৰ সৈতে যোগ হয়; চেফিড্ৰুড ইৰাণৰ আটাইতকৈ দীঘল নদী, এই নদী কাস্পিয়ান সাগৰলৈ বৈ যায়। ^২ কুৰিচে নদীৰ উৎপত্তি হামাদান আৰু মালেয়াৰৰ মাজৰ হাইলেণ্ডত।[3] ই আলভাণ্ড পৰ্বতমালাৰ উত্তৰ হাইলেণ্ডৰ মাজেৰে বৈ গৈ শেষত ক’ম হ্ৰদৰ লগত মিলি যায়। ^২

যাযাবৰী জীৱন

আলভাণ্ড হাইলেণ্ড কেইবাটাও যাযাবৰী জনগোষ্ঠীৰ পৰম্পৰাগত চৰণীয়া পথাৰ।^১ লাকি ভাষী টৰ্কেছভাণ্ডসকলে গ্ৰীষ্মকালীন চৰণীয়া পথাৰলৈ তথা আলভাণ্ডৰ পশ্চিম ঢাললৈ প্ৰব্ৰজন কৰে, আনহাতে ইয়াৰিমেট'গ্লুৱে পূব দিশলৈ প্ৰব্ৰজন কৰে। ^১ শ্বাহসেৱানসকলৰ সৈতে সম্পৰ্কিত তৃতীয় এটা গোটেও পূব দিশলৈ প্ৰব্ৰজন কৰে যদিও তেওঁলোকৰ সংখ্যা বহুত কম।^১ ২০ শতিকাৰপৰাই পূৰ্বতে যাযাবৰী লোকে বসবাস কৰা অঞ্চলসমূহত বসতিপ্ৰধান কৃষি আৰু পশুপালনৰ যথেষ্ট সম্প্ৰসাৰণ ঘটিছে। ^১

বাহ্যিক সংযোগ

• Profile at SummitPost.Org
• "Kuh-e Alvand, Iran" on Peakbagger