আন্না বাণ্টি

আন্না বাণ্টি ( Anna Banti; জন্ম: লুচিয়া লোপ্ৰেষ্টি; ২৭ জুন ১৮৯৫ – ২ ছেপ্টেম্বৰ ১৯৮৫) আছিল এগৰাকী ইটালীয় লেখিকা, শিল্প ইতিহাসবিদ, সমালোচক আৰু অনুবাদক।

জীৱন আৰু কৰ্ম

বাণ্টিৰ জন্ম হৈছিল ফ্ল’ৰেন্সত। যৌৱনকালত তেওঁ ৰোমত সময় কটায়, ৰোম আৰু ব’ল’গনা বিশ্ববিদ্যালয়ত অধ্যয়ন কৰাৰ পাছত স্থায়ীভাৱে ফ্ল’ৰেন্সলৈ উভতি যায়। বিশ্ববিদ্যালয়ত শিল্প ইতিহাসত ডিগ্ৰী লাভ কৰে। তেওঁৰ ছদ্মনামটো যৌৱনত চিনি পোৱা "এগৰাকী ব্যতিক্ৰমী ধুনীয়া মহিলা"ৰপৰা লৈছে। ১৯৫০ চনত তেওঁ শিল্প সমালোচক ৰবাৰ্ট লংঘিৰ সৈতে বিবাহপাশত আবদ্ধ হয় আৰু ১৯৫০ চনত তেওঁলোকে দ্বি-মাহেকীয়া শিল্প আলোচনী পেৰাগন প্ৰতিষ্ঠা আৰু সম্পাদনা কৰে।^১

বাণ্টিয়ে পৰৱৰ্তী দশকবোৰত কেইবাটাও গল্প প্ৰকাশ কৰে, ইয়াৰ ভিতৰত উপন্যাস লাভিনিয়া ফুগিটা^২ চিত্ৰশিল্পী আৰ্টেমিচিয়া জেণ্টিলেছিৰ আধাৰত নিৰ্মিত তেওঁৰ সুপৰিচিত ঐতিহাসিক উপন্যাস আৰ্টেমিছিয়াৰ সৈতে ইয়াৰ ঘনিষ্ঠ বিষয়ভিত্তিক সম্পৰ্কৰ বাবে গুৰুত্বপূৰ্ণ হৈয়েই আছে। বাণ্টিক চিত্ৰকৰজনৰ সৈতে ইমানেই চিনাক্ত কৰা হৈছিল যে এখন বাতৰি কাকতে বাণ্টিৰ মৃত্যুৰ বাতৰিৰ শিৰোনাম হিচাপে আডিঅ', আৰ্টেমিচিয়া বুলি লিখিছিল।^৩ উপন্যাসখনে জেণ্টিলেস্কিৰ কৰ্ম আৰু জীৱনৰ প্ৰতি আগ্ৰহ পুনৰ জগাই তুলিছিল।^৪

১৯৮১ চনত প্ৰকাশিত বাণ্টিৰ আত্মজীৱনীমূলক গ্ৰন্থ আন গ্ৰীডো লেচেৰেণ্টে এণ্টনিঅ' ফেলট্ৰিনেলি বঁটা লাভ কৰে।^৫

এজন সফল লেখিকা হোৱাৰ উপৰি বন্তীক সাহিত্য, চিনেমা আৰু শিল্প সমালোচক হিচাপে স্বীকৃতি দিয়া হৈছে।^৬ ১৯৭০ চনত লংঘিৰ মৃত্যুৰ পাছত তেওঁৰ ঠাইত পেৰাগ’নৰ সম্পাদিকা হিচাপে কাম কৰে।^৭

ৰবাৰ্ট লংঘিয়ে তেওঁৰ মৃত্যুৰ পাছত ফণ্ডাজিয়ন ডি ষ্টুডি ডি ষ্ট'ৰিয়া ডেল'আৰ্টে ৰবাৰ্ট লংহি (ফণ্ডাজিয়ন ৰবাৰ্ট লংহি বুলিও জনা যায়) সৃষ্টি কৰে।^৮ তেওঁ নিজৰ শিল্প সংগ্ৰহ, কিতাপ আৰু ফটোগ্ৰাফ ফাউণ্ডেশ্যনটোক উইল কৰি দিছিল। লোপ্ৰেষ্টিয়ে তেওঁলোকৰ ঘৰ ভিলা ইল টাছ' (ভিলা ইল ফিকালবো নামেৰেও জনাজাত) ফাউণ্ডেশ্যনক উইল কৰি দিয়ে।^৯ স্বামীৰ মৃত্যুৰ পাছত শিল্প ইতিহাস অধ্যয়নৰ বিকাশৰ বাবে উৎসাহিত কৰিবলৈ এই ভেটিটো সৃষ্টি কৰা হৈছিল।

আন্না বাণ্টিৰ ৰচনা ইংৰাজীলৈ অনুবাদ

• আৰ্টেমিচিয়া (১৯৮৮) অনুবাদ আৰু এটা আফটাৰৱৰ্ডৰ সৈতে শ্বাৰলী ডি'আৰ্ডিয়া কাৰাচিঅ'লো। লিংকন আৰু লণ্ডন: ইউনিভাৰ্চিটি অৱ নেব্ৰাস্কা প্ৰেছ।
• আৰ্টেমিচিয়া (১৯৮৯) -- উপন্যাসখনৰপৰা নিৰ্বাচিত। জোয়ান ই বৰেলিয়ে অনুবাদ কৰিছে লংমেন এণ্টলজী অৱ ৱৰ্ল্ড লিটাৰেচাৰ বাই উইমেন, ১৮৭৫-১৯৭৫, মেৰিয়ান আৰ্কিন আৰু বাৰ্বাৰা শ্বোলাৰৰ সম্পাদনাত। নিউয়ৰ্ক: লংমেন, পৃষ্ঠা ৩৪০-৩৪৩।
• "দ্যা কাৰেজ অফ ৱ’মেন" (১৯৮৯) (Il corraggio delle donne ৰ পৰা) মাৰ্থা জে কিঙৰদ্বাৰা অনুবাদ কৰা নিউ ইটালিয়ান উইমেন: মাৰ্থা কিঙৰ সম্পাদনাত চুটি কল্পকাহিনীৰ সংকলন। নিউয়ৰ্ক: ইটালিকা প্ৰেছ।
• "আফটাৰ লাভিনিয়াজ ফ্লাইট" (১৯৯১) (Lavinia fuggita) অনুবাদ: সাহিত্য অনুবাদৰ জাৰ্নেলত জোয়ান ই বৰেলিৰদ্বাৰা ইটালীয় ভাষাৰপৰা অনুবাদ। কলম্বিয়া ইউনিভাৰ্চিটি, ভলিউম ২৫, নং ২, বসন্ত ১৯৯১, পৃষ্ঠা ২৪১-২৭১।
• এ পিয়ৰ্চিং ক্ৰাই (১৯৯৭) (Un grido lacerante) অনুবাদ কৰিছে ডাৰিয়া ভেলেণ্টিনি আৰু এছ মাৰ্ক লুইছে। নিউয়ৰ্ক: পিটাৰ লেং, ইনক।
• "দ্য চিগনোৰিনা" আৰু অন্যান্য কাহিনী (২০০১) ("লা চিগনোৰিনা" ই আলট্ৰি ৰেকনটি) অনুবাদ কৰিছে মাৰ্থা জে কিং আৰু কেৰল লাজাৰো-ৱেইছে। নিউয়ৰ্ক: মডাৰ্ণ লেংগুৱেজ এছ’চিয়েচন অৱ আমেৰিকা।