আনেৰী বাজানি

আনেৰী বাজানি (জন্ম: ২৬ মাৰ্চ ১৯৯৪) এগৰাকী ভাৰতীয় অভিনেত্ৰী যিয়ে মূলতঃ হিন্দী দূৰদৰ্শনত কাম কৰে। ২০১২ চনত কালী – এক পুনৰ অৱতাৰত পাখিৰ চৰিত্ৰত অভিনয়েৰে তেওঁ অভিনয় জগতত আত্মপ্ৰকাশ কৰিছিল। বাজানি নিশা ঔৰ উচকে কাজিনচত নিশা গাংৱাল আৰু বেহদত সাঁঝ মাথুৰ চৰিত্ৰত কৰা অভিনয়ৰ বাবে পৰিচিত। ইয়াৰ উপৰি তেওঁ চিলচিলা বদলতে ৰিস্তো কা ২ত পৰী মালহোত্ৰা, পৱিত্ৰ ভাগ্যত প্ৰণতি মিশ্ৰ আৰু অনুপমাত মালৱিকা কাপাড়িয়াৰ চৰিত্ৰত অভিনয় কৰিছে।

প্ৰাৰম্ভিক জীৱন

বাজানিৰ জন্ম ১৯৯৪ চনৰ ২৬ মাৰ্চত এটা গুজৰাটী পৰিয়ালত হৈছিল।^১২

কৰ্মজীৱন

আৰম্ভণি আৰু সফলতা (২০১২-২০১৫)

বাজানীয়ে ২০১২ চনত কালী – এক পুনৰ অৱতাৰত পাখিৰ চৰিত্ৰৰ জৰিয়তে অভিনয়ত আত্মপ্ৰকাশ কৰে। ২০১৩ চনত সমাপ্ত হোৱা এই ধাৰাবাহিকখন বিখ্যাত নীতিশ কাটাৰা হত্যাকাণ্ডৰ ওপৰত আধাৰিত আছিল।^৩ ইয়াৰ পিছত তেওঁ ২০১৩ চনৰ অনুষ্ঠান ক্ৰেজি ষ্টুপিড ইশ্কত হিবা নৱাব, হৰ্ষ ৰাজপুত আৰু বিশাল বশিষ্ঠৰ সৈতে শানায়া খানৰ চৰিত্ৰত অভিনয় কৰে।^৪

২০১৪ চনৰপৰা ২০১৫ চনলৈ বাজানীয়ে নিশা ঔৰ উচকে কাজিনচত মিশকত বৰ্মাৰ বিপৰীতে নিশা গাংৱাল কুমাৰৰ চৰিত্ৰত অভিনয় কৰিছিল।^৫ নিশাৰ চৰিত্ৰত কৰা অভিনয়ৰ বাবে তেওঁ ইণ্ডিয়ান টেলী বঁটাৰ ফ্ৰেছ নিউ ফেচ (মহিলা) শাখাত মনোনয়ন লাভ কৰিছিল। ইয়াৰ পিছত তেওঁ প্যাৰ তুনে ক্যা কিয়াৰ সপ্তম ছিজনত এগৰাকী সাঁতোৰবিদ আৰুষীৰ চৰিত্ৰত অভিনয় কৰে।^৬

সফলতা আৰু শেহতীয়া কাম (২০১৬-বৰ্তমান)

২০১৬ চনৰপৰা ২০১৭ চনলৈ বাজানীয়ে বেহদত কুশল টেণ্ডন আৰু জে্নিফাৰ উইংগেটৰ বিপৰীতে সাঁঝ মাথুৰ শৰ্মাৰ চৰিত্ৰত অভিনয় কৰিছিল।^৭ তেওঁৰ অভিনয়ৰ বাবে তেওঁ যথেষ্ট প্ৰশংসা বুটলিছিল।^৮ ইয়াৰ পিছত তেওঁ য়ে হ্যায় আশিকীৰ চতুৰ্থ ছিজনত ৰিদ্ধিৰ চৰিত্ৰত অভিনয় কৰিছিল য'ত তেওঁ পুনৰ বৰ্মাৰ সৈতে কাম কৰাৰ সুযোগ পাইছিল।^৯

২০১৬ চনত তেওঁ আই ডণ্ট ৱাটচ টিভিত তুলসী হিচাপে অভিনয় কৰে, যিটো আছিল তেওঁৰ প্ৰথম ৱেব ছিৰিজ। ২০১৮ চনত তেওঁ লাল ইশ্কত সমৃদ্ধ বাৱাৰ বিপৰীতে শ্ৰেয়াৰ চৰিত্ৰত অভিনয় কৰিছিল।^১০ তেওঁৰ দ্বিতীয়টো ৱেব শ্ব’ ভুটৰ (Voot) চিলচিলা বদলতে ৰিস্তো কা ২ত কুনাল জয়সিংৰ বিপৰীতে পৰী মালহোত্ৰাৰ চৰিত্ৰত অভিনয় কৰিছিল।^১১

ইয়াৰ পিছত বাজানীয়ে পৱিত্ৰ ভাগ্যত প্ৰণতি মিশ্ৰ খুৰানাৰ চৰিত্ৰত অভিনয় কৰে, য'ত তেওঁ পুনৰ জয়সিংৰ সৈতে কাম কৰে।^১২ এই অভিনয়ৰ বাবে তেওঁ আইটিএ বঁটাৰ জনপ্ৰিয় অভিনেত্ৰী শাখাৰ মনোনয়ন লাভ কৰিছিল।^১৩ ইয়াৰ পিছত তেওঁ এমএক্স প্লেয়াৰৰ ৱেব ছিৰিজ কুকিজত অৰুন্ধতী সিং হিচাপে উপস্থিত হয়।

তেলেগু ছবি এফ চি ইউ কে: ফাদাৰ চিত্তি উমা কাৰ্তিকৰ জৰিয়তে তেওঁ চলচ্চিত্ৰ জগতত খোজ পেলায় য’ত তেওঁক প্ৰিয়ংকাৰ চৰিত্ৰত দেখা গৈছিল।^১৪ তেওঁ আই হেট গুডবাইচ নামৰ এখন চুটি ছবিতো আনেৰী নামৰ এটা চৰিত্ৰত অভিনয় কৰিছিল।

২০২১ চনৰপৰা ২০২২ চনলৈ তেওঁ অনুপমাত মালৱিকা কাপাড়িয়াৰ চৰিত্ৰত অভিনয় কৰিবলৈ আৰম্ভ কৰে।^১৫ তেওঁ ২০২২ চনত ফিয়াৰ ফেক্টৰ: খতৰো কে খিলাড়ী ১২ত অংশগ্ৰহণ কৰিবলৈ স্থায়ীভাৱে অনুষ্ঠানটো ত্যাগ কৰে।^১৬১৭