আনা কৰ্টেছ

আনা এমা ডেল ৰজাৰিয়া কৰ্টেছ জুলিয়ান, অধিকতৰ আনা কৰ্টেছ নামেৰে জনাজাত ( জন্ম: ২৪ আগষ্ট ১৮৯৫ – মৃত্যু: ৫ জানুৱাৰী ১৯৯৮), গ্ৰুপো মণ্টপাৰ্নাছৰ এগৰাকী চিলিৰ চিত্ৰশিল্পী আছিল। ১৯৭৪ চনত চিলিৰ কলাৰ ৰাষ্ট্ৰীয় বঁটা লাভ কৰি তেওঁ প্ৰথমগৰাকী চিত্ৰশিল্পী হিচাপে পৰিগণিত হয়।

জীৱনী

১৮৯৫ চনৰ ২৪ আগষ্টত চিলিৰ চেণ্টিয়াগোত জন্মগ্ৰহণ কৰা আনা কৰ্টেছ আৰ্নেষ্টো কৰ্টেছ ৰামিৰেজ আৰু আনা জুলিয়ান চেছিৰ সাতটা সন্তানৰ ভিতৰত তৃতীয় আছিল। সৰুতে মেডাম লাছ’লছৰ ঘৰত অধ্যয়ন কৰিছিল, তাৰ পিছত তিনি বছৰ পেৰিছত তেওঁৰ গডপেৰেণ্ট আলেজান্দ্ৰ’ বাৰ্ট্ৰেণ্ড আৰু মাৰ্চিডিজ ভিডালৰ সৈতে আছিল। চিলিলৈ উভতি আহি তেওঁ লা চেৰেনা হাইস্কুলত অধ্যয়ন সম্পূৰ্ণ কৰে।^১ ১৯১৯ চনত কৰ্টেছে চিলি বিশ্ববিদ্যালয়ৰ স্কুল অৱ ফাইন আৰ্টছত নামভৰ্তি কৰে আৰু ফৰাচী জুয়ান ফ্ৰান্সিস্কো গনজালেজ আৰু ৰিকাৰ্ডো ৰিচন-ব্ৰুনেটে তেওঁক শিক্ষা দান কৰে^২। ইয়াৰ ফলত তেওঁ কেৰিয়াৰত গুৰুত্বপূৰ্ণ প্ৰভাৱ পৰিছিল।^১ ১৯২৫ চনত তেওঁ পেৰিছলৈ উভতি আহি আন্দ্ৰে লোটেৰ অধীনত একাডেমী দে লা গ্ৰেণ্ডে চৌমিয়েৰত পৰৱৰ্তী দুবছৰ অধ্যয়ন কৰে আৰু সেই বছৰতে একাডেমী ক'লাৰ'ছিত ভৰ্তি হয়।^২১ পৰৱৰ্তী তিনি বছৰ ইউৰোপত কৰ্টেছে ইটালী, ফ্ৰান্স, স্পেইন, ছুইজাৰলেণ্ড আৰু বেলজিয়ামৰ সংগ্ৰহালয় ভ্ৰমণ কৰিছিল,^২ আৰু স্কুল অৱ পেৰিছৰ বিমূৰ্ত ৰচনাৰ পৰা অনুপ্ৰাণিত হৈছিল।^৩ ১৯২৭ চনত তেওঁৰ কৰ্মৰাজি চেলন ডি অটমনত প্ৰদৰ্শিত হয়।^৪

১৯২৮ চনত কৰ্টেছে চিলিলৈ উভতি যায় আৰু চিলি বিশ্ববিদ্যালয়ৰ শিক্ষক কৰ্মচাৰীত যোগদান কৰে আৰু ইয়াৰ প্ৰথম মহিলা অধ্যাপিকা হিচাপে যোগদান কৰে।^২ তিনি দশক ধৰি তেওঁতাতে আছিল।^৫

২০১৫ চনত তেওঁৰ নেচনেল মিউজিয়াম অৱ ফাইন আৰ্টছত ত্ৰিশখনতকৈও অধিক চিত্ৰ আৰু অংকনৰ একক প্ৰদৰ্শনী অনুষ্ঠিত হয়।^৫

বৰ্তমান তেওঁৰ কৰ্মৰাজি মিউজিঅ' বেলাছ আৰ্টেছ ডি ভালপাৰাইছ'ত প্ৰদৰ্শিত হৈছে।^৬