অনোখী মিউজিয়াম অৱ হেণ্ড প্ৰিণ্টিং

অনোখী মিউজিয়াম অৱ হেণ্ড প্ৰিণ্টিং (Anokhi Museum of Hand Printing) হৈছে ৰাজস্থানৰ অম্বৰত অৱস্থিত হেণ্ড-ব্লক প্ৰিন্টিঙৰ কলাৰ প্ৰতি উৎসৰ্গিত এক ব্যক্তিগত সংগ্ৰহালয়। ২০০৫ চনত মুকলি কৰা এই সংগ্ৰহালয়টো অনোখীৰ প্ৰতিষ্ঠাপকসকলৰ পদক্ষেপ, যি ব্লক-প্ৰিণ্টেড কাপোৰৰ এটা ভাৰতীয় খুচুৰা ব্ৰেণ্ড। ^১

ৰেচেল ব্ৰেকেন-সিং আৰু তেওঁৰ স্বামী প্ৰীতম সিঙে এই সংগ্ৰহালয়টোৰ পৰিকল্পনা কৰিছিল।^২ ইয়াৰ উদ্দেশ্য হৈছে পৰম্পৰাগত শিল্পকৰ্মসমূহ সংৰক্ষণ কৰা, ব্লক-প্ৰিণ্টিং শিল্পকলাৰ কৌশল আৰু ইয়াৰ চহকী ইতিহাসৰ বিষয়ে জানিবলৈ এক স্পৰ্শনীয় অনুভৱ প্ৰদান কৰা। সংগ্ৰহালয়টোত বস্ত্ৰ আৰু সা-সঁজুলিৰ এক বিস্তৃত সংগ্ৰহ প্ৰদৰ্শিত কৰা হৈছে। ^৩

সংগ্ৰহ

সংগ্ৰহালয়টোত বিভিন্ন ধৰণৰ সংগ্ৰহ আছে, যিবোৰ শিল্পৰ ইতিহাসৰ সৈতে সংপৃক্ত। ইয়াৰ উপৰিও ইয়াত বিৰল পৰম্পৰাগত সাজ-পোছাকৰ পৰা আৰম্ভ কৰি শিল্পীসকলে সৃষ্টি কৰা উদ্ভাৱনীমূলক চানেকিলৈকে বিভিন্ন ধৰণৰ সমসাময়িক কাপোৰৰ সামগ্ৰী প্ৰদৰ্শন কৰা হৈছে। অনোখী আৰ্কাইভত ১৯৭০ দশকৰ পৰা আৰম্ভ হোৱা কাপোৰ আৰু ঘৰুৱা সামগ্ৰীৰ সংগ্ৰহ আছে।^৪ ইয়াত প্ৰদৰ্শিত বস্ত্ৰ পৰম্পৰাসমূহৰ ভিতৰত ৰাজস্থানৰ বলোটাৰ গ্ৰামীণ পৰিধানৰ পৰা লৈ গুজৰাটৰ ‘অজৰক’ ৰংকৰণ (dying) কৌশললৈকে অন্তৰ্ভুক্ত কৰা হৈছে।^৩ কোট আৰু জেকেট, বিচাউনি বা বেডকভাৰ, আৰু ব্লক প্ৰিণ্টিং শিল্পত ব্যৱহৃত সঁজুলি, যেনে কাঠ আৰু লোহাৰ ব্লক, চিজেল, ড্ৰিল আদিও এই সংগ্ৰহৰ এক গুৰুত্বপূৰ্ণ অংশ।^৪