ৱাৰড্ৰ'ব (ইংৰাজী ভাষা: Wardrobe) বা কাপোৰৰ ভঁৰাল শব্দটো এটা বস্তুৰ ভিতৰত থকা সামগ্ৰীসমূহক বুজাবলৈ ব্যৱহাৰ কৰা এক পৰিভাষিক শব্দ। সাধাৰণতে ই এবিধ আচবাবক বুজায়, য’ত কাপোৰ ওলোমাই থবলৈ হাকোটা, ৰে'ল বা ৰেকৰ দৰে ব্যৱস্থা থাকে। এজন ব্যক্তিৰ "ৱাৰড্ৰ'ব" বুলিলে তেওঁ পৰিধান কৰা প্ৰতিটো কাপোৰৰ সংগ্ৰহক বুজোৱা হয়।
ব্যক্তিগত ৱাৰড্ৰ’ব
বেচিক ৱাৰড্ৰ’ব হৈছে কিছুমান চিৰসেউজ আৰু ফেশ্বনেবল সাজ-পাৰৰ সংগ্ৰহ, যিবোৰে বিভিন্ন অনুষ্ঠানৰ বাবে আটাইতকৈ আকৰ্ষণীয় ৰূপ সৃষ্টি কৰাত আধাৰ হিচাপে কাম কৰে।১২ ই সাজ-পাৰৰ এনে এক মূল ভেটি যাৰ সহায়ত আন নতুন ফেশ্বনেবল উপাদানসমূহ সহজে মিলাই পিন্ধিব পৰা যায়।৩ এইবোৰ সাধাৰণতে নিৰপেক্ষ (neutral) ৰঙৰ আৰু সৰল শৈলীৰ কাপোৰ।৪ বেচিক ৱাৰড্ৰ’বৰ মূল উদ্দেশ্য হৈছে জীৱনটো সৰল কৰা: ইয়াৰ সহায়ত আপুনি বেছি চিন্তা নকৰাকৈয়ে এটা সুন্দৰ ৰূপ তৈয়াৰ কৰিবলৈ সক্ষম হ’ব, কিয়নো ইয়াত থকা কাপোৰবোৰ ইটোৰ লগত সিটো সহজে মিলি যায়।
কেপচুল ৱাৰড্ৰ’ব হৈছে অতি সাৱধানে নিৰ্বাচন কৰা সীমিতসংখ্যক বহুমুখী আৰু দীৰ্ঘস্থায়ী কাপোৰৰ এক সংগ্ৰহ, যিবোৰক বহুতো সংমিশ্ৰণত পিন্ধিব পাৰি। ইয়াৰ লক্ষ্য হৈছে সাজ-পাৰ বাছনি কৰাৰ ক্ষেত্ৰত অতিমাত্ৰা চিন্তা কৰাটো পৰিহাৰ কৰা আৰু দৈনন্দিন জীৱনত কাপোৰ বাছনি কৰাটো সহজ কৰি তোলা। ইয়াৰ উপৰিও ই কাপোৰৰ বহনক্ষম ব্যৱহাৰত সহায় কৰে। শৈলীৰ ওপৰত নিৰ্ভৰ কৰি কেপচুল ৱাৰড্ৰ’বটো ফেশ্বনেবল বা চিৰসেউজ হ’ব পাৰে। উদাহৰণস্বৰূপে, ইয়াত উজ্জ্বল ৰং আৰু বহুতো প্ৰিণ্ট থাকিব পাৰে, অথবা অধিক নিৰপেক্ষ ৰং আৰু প্ৰিণ্ট নোহোৱা কাপোৰো থাকিব পাৰে।৫
তথ্যসূত্ৰ
- ↑ Dated, Modern and Timeless Base Wardrobe. blog.mysteries-of-style.com
- ↑ خزانة الملابس الأساسية: دليل شامل للأناقة المستدامة والتنظيم الذكي. www.creativeclosetsme.com
- ↑ The Best Basic Wardrobe Essentials To Look Put Together. theuniquespott.com
- ↑ How to build a versatile and timeless wardrobe. www.hindustantimes.com
- ↑ Kapselgarderobe. www.pengesnakk.no
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “ৱাৰড্ৰ'ব” প্ৰবন্ধৰ সংশোধন ৬১৪১২৬ (২৪ জুন ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।