ৱানৱিমোল জেনাছাৱমেথি

ৱানৱিমোল জেনাছাৱমেথি (থাই ভাষা: วรรณวิมล เจนอัศวเมธี; জন্ম ১৯ এপ্ৰিল ২০০০), ডাকনাম জুন (จูน), এগৰাকী থাই ভাষা অভিনেত্ৰী।^১ তেওঁ টাৰ্ণ লেফ্ট টাৰ্ণ ৰাইট (২০২০), এফ ফোৰ থাইলেণ্ড° বয়েজ অ’ভাৰ ফ্লাৱাৰ্ছ (২০২১) আৰু ২৩.৫ (২০২৪) ধাৰাবাহিকত অভিনয় কৰাৰ বাবে বিশেষভাৱে জনাজাত।

প্ৰাৰম্ভিক জীৱন আৰু শিক্ষা

ৱানৱিমোলৰ জন্ম থাইলেণ্ডৰ সমুত প্ৰাকানত হৈছিল। তেওঁ ৰাটৱিনিত বাংকাও বিদ্যালয়ৰপৰা শিক্ষা সমাপ্ত কৰে আৰু পিছত শ্ৰীনাখাৰিন্ৱিৰোট বিশ্ববিদ্যালয়ত অধ্যয়ন কৰি ২০২২ চনত সামাজিক যোগাযোগ উদ্ভাৱন মহাবিদ্যালয়ৰপৰা কম্পিউটাৰ ইন’ভেচন ফৰ কমিউনিকেশ্বনত স্নাতক ডিগ্ৰী লাভ কৰে।^২

কেৰিয়াৰ

ৱানৱিমোলে ২০১৮ চনত ক্লিন এণ্ড ক্লিয়াৰৰ “গো অন গাৰ্ল ষ্টাৰ ছাৰ্চ” প্ৰতিযোগিতাত বিজয়ী হৈ নিজৰ কেৰিয়াৰ আৰম্ভ কৰে আৰু সেই বছৰতে জিএমএমটিভিৰ সৈতে চুক্তিবদ্ধ হয়।^৩ তেওঁৰ প্ৰথম অভিনয় আছিল দ্য গিফ্টেড (২০১৮) ধাৰাবাহিকত “কয়ি” নামৰ চৰিত্ৰত।

পিছত তেওঁ বয় ফৰ ৰেণ্ট (২০১৯) ধাৰাবাহিকত অভিনয় কৰে।

২০২০ চনত তেওঁ টাৰ্ণ লেফ্ট টাৰ্ণ ৰাইট ধাৰাবাহিকত ছাংনুৱো নামৰ চৰিত্ৰত অভিনয় কৰে।

২০২১ চনত তেওঁ মিষ্টাৰ লিপষ্টিক ধাৰাবাহিকত ডুজদাওৰ চৰিত্ৰত অভিনয় কৰে। সেই বছৰতে তেওঁ এফ ফোৰ থাইলেণ্ড° বয়েজ অ’ভাৰ ফ্লাৱাৰ্ছ ধাৰাবাহিকত হানাৰ চৰিত্ৰত অভিনয় কৰে।

২০২২ চনত তেওঁ প্ৰথমবাৰৰ বাবে মুখ্য চৰিত্ৰত অভিনয় কৰি দ্য ৱাৰ অৱ ফ্লাৱাৰ্ছ ধাৰাবাহিকত আইৰিছৰ ভূমিকাত দেখা যায়। তাৰ পিছত তেওঁ ১০ ইয়াৰ্ছ টিকেট (২০২২) আৰু ডেঞ্জাৰাছ ৰোমান্স (২০২৩) ধাৰাবাহিকত অভিনয় কৰে।

২০২৪ চনত তেওঁ ২৩.৫ নামৰ থাই গাৰ্লছ লাভ ধাৰাবাহিকত লুনা নামৰ চৰিত্ৰত অভিনয় কৰি অধিক জনপ্ৰিয়তা লাভ কৰে। সেই বছৰতে তেওঁ প্ৰথম চলচ্চিত্ৰ লাভ ইউ টু ডেটত নীটা নামৰ চৰিত্ৰত অভিনয় কৰে। লগতে প্লয়’ছ ইয়াৰবুক আৰু হাই স্কুল ফ্ৰেনেমি ধাৰাবাহিকতো অভিনয় কৰে।