ৰ’জেনা মাৰ্ট (জন্ম ১৯৬২) এগৰাকী দক্ষিণ আফ্ৰিকান লেখিকা, আৰু অধ্যাপিকা, বৰ্তমান ডাৰবানত বাস কৰে। চেণ্টাৰ ফৰ ক্ৰিটিকেল ৰিচাৰ্চ অন ৰেচ এণ্ড আইডেণ্টিটিৰ সঞ্চালিকা। তেওঁৰ লেখাৰ বাবে, আৰু বৰ্ণবৈষম্য আৰু নাৰীৰ ওপৰত হোৱা হিংসাৰ বিৰোধিতা কৰা কামৰ বাবে তেওঁ স্বীকৃতি লাভ কৰিছে। সমগ্ৰ কানাডা, আমেৰিকা আৰু বিশ্বৰ বহু ঠাইত বক্তৃতা প্ৰদান কৰিছে।
জীৱনী
দক্ষিণ আফ্ৰিকাৰ কেপ টাউনৰ জিলা ছয়ত, কেপ টাউনৰ পুৰণি দাস অঞ্চলত তেওঁ জন্মগ্ৰহণ কৰিছিল। চৰকাৰৰ বলপূৰ্বক অপসাৰণ আইনৰ ফলত ১৯৭৩ চনত জিলা ছয়ৰপৰা তেওঁৰ পৰিয়ালক বলপূৰ্বকভাৱে আঁতৰাই দিয়া হৈছিল। ১৯৮৭ চনত যেতিয়া তেওঁৰ বয়স ২৪ বছৰ আছিল,নাৰীৰ বিৰুদ্ধে হিংসাৰ বিৰোধিতা কৰা কামৰ বাবে আৰু চাৰিগৰাকী মহিলাৰ সৈতে কেপ টাউনত প্ৰথমটো কৃষ্ণাংগ নাৰীবাদী সংগঠন উইমেন এগেইনষ্ট ৰিপ্ৰেছন (WAR) আৰম্ভ কৰাৰ বাবে মাৰ্টে জোহান্সবাৰ্গত আয়োজিত "বছৰৰ মহিলা" বঁটাৰ বাবে মনোনীত হৈছিল।
১৯৮৯ চনত কানাডালৈ গুচি যায় আৰু ১৯৯০ চনত প্ৰথমখন কবিতা গ্ৰন্থ Talk About It! ১৯৯২ চনত তেওঁৰ চুটিগল্প "নো ৰোজা, ন' ডিষ্ট্ৰিক্ট ছিক্স"ৰ বাবে যাত্ৰা বঁটা লাভ কৰে, যিটো পিছলৈ তেওঁৰ প্ৰথম চুটিগল্প সংকলন "ৰোজাৰ ডিষ্ট্ৰিক্ট ছয়"ত প্ৰকাশ পায়। কবিতা, চুটি কল্পকাহিনী, অকল্পকাহিনী আৰু উপন্যাসৰ কেইবাখনো গ্ৰন্থৰ লেখিকা, শেহতীয়াকৈ ২০০৭ চনত প্ৰকাশিত উপন্যাস দ্য ৰাইটিং চাৰ্কল (টি এছ এ আৰ পাব্লিকেচনছ) যিখনক বৈশিষ্ট্যপূৰ্ণ ছবি হিচাপে নিৰ্মাণ কৰা হৈছে। ২০০৬ চনত কানাডাত ৰোজাৰ ডিষ্ট্ৰিক্ট ছিক্সে সাপ্তাহিক বেষ্টচেলাৰ তালিকা আৰু দক্ষিণ আফ্ৰিকাত ২০০৬ চনৰ HOMEBRU তালিকাত স্থান লাভ কৰে।
তেওঁ ইউ.কে.ৰ বাৰ্মিংহাম বিশ্ববিদ্যালয়ৰপৰা পি এইচ ডি ডিগ্ৰী লাভ কৰিছে (১৯৯৩–১৯৯৬) চেণ্টাৰ ফৰ কালচাৰেল ষ্টাডিজ।১
তেওঁৰ ৰচনাই ৰাজনৈতিক দৰ্শন, কৃষ্ণাংগ চেতনা, ডেৰিডা আৰু বিগঠন, মনোবিশ্লেষণ, নাৰীবাদী তত্ত্ব, আৰু জাতি আৰু বৰ্ণবাদৰ সমালোচনাত্মক তত্ত্বৰ মাজত আৰু মাজৰ সম্পৰ্ক পৰীক্ষা কৰে।
শেহতীয়াকৈ মাৰ্টে ইউনেস্ক’ৰ দক্ষিণ-দক্ষিণ দাৰ্শনিক সংলাপৰ বৈজ্ঞানিক সমিতিৰ সদস্য হিচাপে কাৰ্যনিৰ্বাহ কৰিছিল, যিয়ে চাৰিটা অঞ্চল—আফ্ৰিকা, এছিয়া, দক্ষিণ আৰু মধ্য আমেৰিকা আৰু আৰব অঞ্চল—চাৰিটা ভাষাত (ইংৰাজী, ফৰাচী, স্পেনিছ আৰু আৰবী) সামৰি এখন দাৰ্শনিক পাঠ্যপুথি প্ৰস্তুত কৰিছিল।
২০১০ চনত দ্য ৰাইটিং চাৰ্কলে তেওঁৰ গৃহভূমি দক্ষিণ আফ্ৰিকাৰ দক্ষিণ আফ্ৰিকান সাহিত্যৰ শীৰ্ষ দহখন গ্ৰন্থৰ ভিতৰত অন্যতম হিচাপে উল্লেখ কৰে আৰু আফ্ৰিকান ষ্টাডিজ এছ’চিয়েশ্যনে আইডু-স্নাইডাৰ বুক প্ৰাইজৰ বাবে মনোনীত কৰে।
বাহ্যিক সংযোগ
তথ্যসূত্ৰ
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “ৰ’জেনা মাৰ্ট” প্ৰবন্ধৰ সংশোধন ৫৯৩৯৮৪ (২৫ মাৰ্চ ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।