ৰেশ্মি মিৰ্জা

ৰেশ্মি মিৰ্জা (ইংৰাজী: Resmi Mirza) এগৰাকী বাংলাদেশী লোক-গায়িকা তথা মিশ্ৰিত ধাৰাৰ কণ্ঠশিল্পী।^১২৩ ২০১২ চনত চেনেল ৯ৰ ৰিয়েলিটি শ্ব' "পাৱাৰ ভইচ ২০১২"ত অংশগ্ৰহণ কৰাৰ পিছত তেওঁৰ সংগীত কেৰিয়াৰ আৰম্ভ কৰে। এই অনুষ্ঠানটোৱে বাংলাদেশৰ সংগীত জগতত তেওঁক স্বীকৃতি প্ৰদান কৰে।^১৪ তাৰ পিছৰ পৰা তেওঁ কেইবাটাও এলবাম আৰু একক গীত যেনে তেওঁৰ প্ৰথম একক এলবাম "ৰেছমি অ' মাটি" মুকলি কৰে, য'ত ৯টা গীতৰ সংকলন আছে।^৫৬ ইয়াৰ উপৰিও "প্ৰেমৰ লাড্ডু", "নিন্দুকৰ মুখে চাই", "খেলতেছি", "ইতৰপোনা", "ময়না", আৰু "আমি জাৰে বাছি ভালো", "চুইয়াচি চুইয়াচি", "শ্বপনো ভেংগে চুৰমাৰ" ইত্যাদি মুক্তি পাইছে।^{৭৮৯১০} তেওঁ বাংলাদেশ টেলিভিছনৰো (বিটিভি) এগৰাকী তালিকাভুক্ত শিল্পী।^১১১২

কৰ্মজীৱন

নিচেই কম বয়সতে ৰেশ্মিৰ সংগীত কেৰিয়াৰ আৰম্ভ হৈছিল। তেওঁৰ পিতৃ মিৰ্জা গোলাম ৰছুল খুলনা শিল্পকলা একাডেমীৰ সংগীত শিক্ষক তথা তেওঁৰ প্ৰথম গুৰু আছিল। তেওঁৰ সংগীত প্ৰশিক্ষণ ঘৰতে আৰম্ভ হৈছিল৷ তেতিয়াই তেওঁ বাংলা লোক-সংগীত আৰু হিন্দুস্তানী শাস্ত্ৰীয় সংগীতৰ সৈতে পৰিচিত হৈছিল। ২০০১ চনত "জাতীয় শিক্ষা সপ্তাহো" প্ৰতিযোগিতাত তেওঁৰ প্ৰথম বৃহৎ ৰাজহুৱা অনুষ্ঠান পৰিবেশন কৰিছিল, তাত তেওঁ দেশপ্ৰেম আৰু লোকগীত পৰিবেশন কৰিছিল। পিছলৈ ২০১২ চনত চেনেল ৯ৰ "পাৱাৰ ভইচ" ৰিয়েলিটি শ্ব’ত অংশগ্ৰহণ কৰিছিল, ইয়ে তেওঁক স্বীকৃতি লাভ কৰাত সহায় কৰিছিল।

বঁটা

• ঢলিউড চলচ্চিত্ৰ আৰু সংগীত বঁটা ২০২৩
• এন আৰ বি তাৰকা বঁটা ২০২৪
• আইকনিক (ICONIC) ষ্টাৰ ফেশ্বন এণ্ড বিজনেছ এৱাৰ্ড ২০২৪