ৰুবানা হক

ৰুবানা হক (: Rubana Haque; জন্ম: ৯ ফেব্ৰুৱাৰী ১৯৬৪)^১ এগৰাকী বাংলাদেশী ব্যৱসায়ী, বিশ্ববিদ্যালয়ৰ শিক্ষাবিদ আৰু কবি।^২ তেওঁ ২০২২ চনৰ ফেব্ৰুৱাৰী মাহৰপৰা এছিয়ান ইউনিভাৰ্চিটি ফৰ উইমেন (AUW)ৰ উপাচাৰ্য হিচাপে কাৰ্য্য নিৰ্বাহ কৰি আছে।^৩

ৰুবানা বাংলাদেশী সংঘবদ্ধ সংস্থা মহম্মদী গ্ৰুপৰ অধ্যক্ষা।^৪৫ ২০১৩ আৰু ২০১৪ চনত বিবিচি ১০০ উইমেনত তেওঁক তালিকাত ভুক্ত কৰা হৈছিল।^৬ ২০১৯–২০২১ চনৰ ভিতৰত বিজিএমইএৰ প্ৰথমগৰাকী মহিলা সভানেত্ৰী হিচাপে নিৰ্বাচিত হয়।^৭

প্ৰাৰম্ভিক জীৱন আৰু শিক্ষা

১৯৬৪ চনৰ ৯ ফেব্ৰুৱাৰীত তেতিয়াৰ পূব পাকিস্তান আৰু বৰ্তমানৰ বাংলাদেশৰ ঢাকাত ৰুবানাৰ জন্ম হৈছিল।^১ তেওঁ ভিকাৰুনিছা নন স্কুলৰপৰা স্কুলীয়া শিক্ষা সাং কৰাৰ পাছত, হলি ক্ৰছ কলেজত উচ্ছশিক্ষা গ্ৰহণ কৰে।^১ইয়াৰ পিছত ২০০৮ চনত ইষ্ট ৱেষ্ট ইউনিভাৰ্চিটিৰপৰা ইংৰাজী সাহিত্যত স্নাতকোত্তৰ আৰু ২০১৮ চনত জাদৱপুৰ বিশ্ববিদ্যালয়ৰপৰা পি এইচ ডি সম্পূৰ্ণ কৰে।^১৮

কৰ্ম জীৱন

১৯৯৫ চনৰপৰা ২০১৭ চনলৈকে ৰুবানাই তেওঁৰ স্বামী আননিছুল হকে প্ৰতিষ্ঠা কৰা ৰেডি মেড গাৰ্মেণ্টছ সংঘ মহম্মদী গ্ৰুপৰ পৰিচালন সঞ্চালক হিচাপে কাম কৰিছিল।^৯ ৰুবানাই ২০০৬ চনৰপৰা ২০১০ চনলৈকে টিভি চাউথেছিয়াৰ মুখ্য কাৰ্যবাহী বিষয়া হিচাপে কাৰ্যনিৰ্বাহ কৰিছিল।^১০১১

২০১৭ চনত আননিছুলৰ মৃত্যু হয়। স্বামীৰ মৃত্যুৰ পাছত তেওঁ মহম্মদী গ্ৰুপৰ অধ্যক্ষা পদত অধিষ্ঠিত হয়।^১২

২০১৯ চনত তেওঁ বাংলাদেশ গাৰ্মেণ্ট মেনুফেকচাৰ্ছ এণ্ড এক্সপ’ৰ্টাৰ্ছ এছ’চিয়েচনৰ (বিজিএমইএ) প্ৰথমগৰাকী মহিলা সভানেত্ৰী হিচাপে নিৰ্বাচিত হয়।^১৩ ৰুবানাই বিজিএমইএ, ইউএনএফচিচিচি ফেশ্বন চাৰ্টাৰ, এছিয়ান ইউনিভাৰ্চিটি ফৰ উইমেন (এউডব্লিউ), আৰু গন সহযোগ সংস্থা (জিএছএছ)ৰ ব’ৰ্ডতো কাৰ্যনিৰ্বাহ কৰে।^{১৪১৫১৬১৭}

২০২২ চনৰ ১৫ ফেব্ৰুৱাৰীত ৰুবানা এছিয়ান ইউনিভাৰ্চিটি ফৰ উইমেনৰ উপাচাৰ্য হয়।^১৮১৯ আৰু তাৰ লগে লগে বাংলাদেশ গাৰ্মেণ্ট মেনুফেকচাৰ্ছ এণ্ড এক্সপ’ৰ্টাৰ্ছ এছ’চিয়েচনৰ (বিজিএমইএ)ৰ সভাপতি পদৰপৰা পদত্যাগ কৰে।^২০ বিজিএমইএত তেওঁৰ ঠাইত ক্ৰনি গ্ৰুপৰ অধ্যক্ষা নীলা হোছন আৰাক নিযুক্তি দিয়া হয়।^২১

বঁটা আৰু স্বীকৃতি

২০১৩ আৰু ২০১৪ চনত বিবিচি ১০০ মহিলাৰশৃংখলাত ৰুবানাক স্বীকৃতি দিয়া হৈছিল।^৬ ২০১৪ চনত তেওঁক "বছৰৰ অসাধাৰণ ব্যাৱসায়িক মহিলা"ৰ বাবে ডি এইচ এল-ডেইলী ষ্টাৰ বাংলাদেশ ব্যাৱসায়িক বঁটাৰে সন্মানিত কৰা হয়।^২২

ব্যক্তিগত জীৱন

ৰুবানা, উত্তৰ ঢাকাৰ প্ৰাক্তন মেয়ৰ আনছুল হকৰ বিধৱা পত্নী। আনছুল হক আৰু ৰুবানাৰ বৈবাহিক জীৱনৰ তিনিজন সন্তান আছে।^১