ৰামৰায়

ৰামৰায় আছিল দামোদৰ দেৱৰ অন্যতম প্ৰধান শিষ্য লোচ সত্ৰৰ প্ৰতিষ্ঠাপক অৰ্জুনদেৱৰ শিষ্য। ৰামৰায়ৰ প্ৰকৃত নাম হৈছে জগতানন্দ। তেওঁ শংকৰদেৱৰ জ্ঞাতিভাই আছিল। ৰামৰায়ৰ কন্যা ভূৱনেশ্বৰী আই বা কমলপ্ৰিয়াক কোঁচ সেনাপতি চিলাৰায় বা শুক্লধ্বজলৈ বিয়া দিয়া হৈছিল। ৰামৰায়ে কোঁচৰজা চন্দ্ৰনাৰায়ণৰ ৰাজত্ব কালত (১৬৪০-৬০ খ্ৰী.) গুৰুলীলা বা সন্ত-যশামৃত পুথি ৰচনা কৰে। গুৰুলীলাত দামোদৰদেৱৰ জন্মৰপৰা ভট্টদেৱৰ মৃত্যুলৈকে সকলো বিৱৰণ পোৱা যায়। দামোদৰদেৱৰ চৰিতকেইখনৰ ভিতৰত এইখনেই প্ৰাচীনতম বুলি ক'ব পাৰি আৰু বিশেষভাৱে দামোদৰদেৱৰ জীৱনৰ ঘটনাৱলী বৰ্ণনা কৰিছে। ৰামৰায় আৰু নীলকণ্ঠ দামোদৰ চৰিতৰপৰা শংকৰদেৱৰ লগত দামোদৰৰ ঘনিষ্ঠ সৌহাৰ্দ্যপূৰ্ণ সম্বন্ধ আছিল সেই কথা বুজিব পাৰি আৰু মহাপুৰুষীয়া পন্থৰ লগত দামোদৰী পন্থৰ কি কি বিষয়ত প্ৰভেদ সেই কথাও এই চৰিতৰপৰা বুজিব পাৰি।‌^১