ৰাম্যা বেহাৰা

ৰাম্যা বেহাৰা এগৰাকী ভাৰতীয় নেপথ্য কণ্ঠশিল্পী, যিয়ে মূলতঃ তেলেগু ছবিত কাম কৰে। তেলেগু, কানাড়া, তামিল, মালয়ালম আৰু হিন্দী ছবিত তেওঁ ১৮০ টাতকৈও অধিক গীত গাইছে।^১ তেলেগু ছবি “বাহুবলী: দ্য বিগিনিঙ”ৰ (২০১৫) "ধীৱৰা" তেওঁৰ সফল গীত আছিল।^২

বেহাৰাৰ জন্ম ভাৰতৰ অন্ধ্ৰপ্ৰদেশৰ গুন্টুৰ জিলাৰ নৰসৰাওপেটত^৩৪ আৰু ডাঙৰ-দীঘল হৈছিল হায়দৰাবাদত।^৫ তেওঁ উল্লেখ কৰে যে তেওঁৰ গায়কীৰ প্ৰতি থকা আকৰ্ষণ সপ্তম শ্ৰেণীত পঢ়ি থকাৰ পৰাই আৰম্ভ হৈছিল। তেওঁ লিটিল মিউজিক একাডেমীলৈ যায় আৰু ৰামাচাৰীৰ অধীনত প্ৰশিক্ষণ গ্ৰহণ কৰে।^৬ এম.এম.কীৰৱানীয়ে তেওঁক ছবিৰ সৈতে পৰিচয় কৰাই দিছিল।^৭ বেহাৰাৰ প্ৰথম গীতটো তেলেগু ছবি “ভেংগামাম্বা”ৰ বাবে বাণীবদ্ধ কৰা হৈছিল।^৮