সৃষ্টি ৰাণা

সৃষ্টি ৰাণা (Srishti Rana) এগৰাকী ভাৰতীয় মডেল আৰু সৌন্দৰ্য্য প্ৰতিযোগিতাৰ খিতাপধাৰী। তেওঁ মিছ ডিভা - মিছ ইউনিভাৰ্ছ ইণ্ডিয়া ২০১৩ত অংশগ্ৰহণ কৰি মিছ ইণ্ডিয়া এছিয়া পেচিফিক ২০১৩ৰ খিতাপ লাভ কৰে। তাৰ পাছত ২০১৩ চনৰ অক্টোবৰ মাহত কোৰিয়াৰ ছিউলত অনুষ্ঠিত হোৱা মিছ এছিয়া পেচিফিক ৱৰ্ল্ড ২০১৩ত ভাৰতক প্ৰতিনিধিত্ব কৰে। তেওঁ বিভিন্ন দেশৰ আন ৫১ গৰাকী প্ৰতিযোগীক পৰাস্ত কৰি মিছ এছিয়া পেচিফিক বিশ্ব খিতাপ বিজয়ী হিচাপে আত্মপ্ৰকাশ কৰে। ২০০০ চনত দি‍য়া মিৰ্জাই লাভ কৰা বহুল আকাংক্ষিত মিছ এছিয়া পেচিফিক আন্তঃৰাষ্ট্ৰীয় খিতাপটোৰ দৰেই এই খিতাপ।^১

২০১৩ চনৰ ফেমিনা মিছ ইণ্ডিয়াৰ প্ৰতিযোগী হিচাপেও শীৰ্ষ ৫ স্থান দখল কৰিছিল। ২০১৪ আৰু ২০১৫ চনৰ বাবে টাইমছ অৱ ইণ্ডিয়াৰ ৫০ গৰাকী আটাইতকৈ বাঞ্ছনীয় মহিলাৰ তালিকাত তেওঁৰ নাম আছিল।

তেওঁ শ্ব’ ষ্টপাৰ হিচাপে আৰু ক্ল’জিং মডেল হিচাপে কেইবাজনো ডিজাইনাৰৰ বাবে খোজ কাঢ়িছে। তেওঁ মনীষ মালহোত্ৰা, অঞ্জু মোডী, বৰুণ বাহল, গৌৰৱ গুপ্তা, ৰোহিত বাল, শ্বেহলা খান, শান্তনু আৰু নিখিল, ৰকি এছ, ছৈছা শিণ্ডে, মন্দিৰা উইৰ্ক, আৰু নীতা লুল্লাকে ধৰি ডিজাইনাৰসকলৰ বাবে খোজ কাঢ়িছে।

প্ৰাৰম্ভিক জীৱন আৰু শিক্ষা

আনন্দ ৰাণা আৰু সুমন ৰানাৰ ঘৰত ৰাণৰ জন্ম হৈছিল। তেওঁৰ পিতৃ এগৰাকী অধিবক্তা আৰু মাতৃ এগৰাকী গৃহিণী। তেওঁ ফৰিদাবাদৰ মডাৰ্ণ বিদ্যা নিকেতন স্কুলৰ পৰা স্কুলীয়া শিক্ষা গ্ৰহণ কৰিছিল, আৰু দিল্লী বিশ্ববিদ্যালয়ৰ পৰা ইংৰাজী মেজসহ অনাৰ্ছ। তেওঁ মানৱ ৰচনা আন্তঃৰাষ্ট্ৰীয় বিশ্ববিদ্যালয়তো অধ্যয়ন কৰি সাংবাদিকতা আৰু গণসংযোগৰ পাঠ্যক্ৰম কৰে, তাৰ পিছত এছিয়ান একাডেমী অৱ ফিল্ম এণ্ড টেলিভিছনৰ পৰা গণসংযোগ আৰু সাংবাদিকতাত স্নাতকোত্তৰ ডিগ্ৰী লাভ কৰে।^২

বঁটা আৰু স্বীকৃতি

মিছ এছিয়া পেচিফিক ৱৰ্ল্ড ২০১৩

ৰাণাক মিছ এছিয়া পেচিফিক ৱৰ্ল্ড প্ৰতিযোগিতাত ভাৰতীয় প্ৰতিনিধি হিচাপে প্ৰেৰণ কৰা হৈছিল আৰু পিছত মিছ এছিয়া পেচিফিক ৱৰ্ল্ড ২০১৩ৰ খিতাপ লাভ কৰিছিল।^১

মিছ ইণ্ডিয়া ইউনিভাৰ্ছ ২০১৩

তেওঁ ফেমিনা মিছ ইণ্ডিয়া ইউনিভাৰ্ছ (মিছ ডিভা - ২০১৩)ত অংশগ্ৰহণ কৰি মিছ ইণ্ডিয়া এছিয়া পেচিফিক ৱৰ্ল্ড ২০১৩ৰ মুকুট পিন্ধিছিল।

মিছ দিৱা দিল্লী ২০১৩

ৰাণা মিছ ডিভা দিল্লী ২০১৩ ৰ বিজয়ী আছিল।

ফেমিনা মিছ ইণ্ডিয়া ২০১৩

২০১৩ চনৰ ২৪ মাৰ্চত ফেমিনা মিছ ইণ্ডিয়াৰ তৃতীয় ৰানাৰ্ছ আপ হৈছিল, আৰু ফেমিনা মিছ ফেশ্বন আইকনৰ খিতাপও লাভ কৰিছিল।

ফেমিনা মিছ ইণ্ডিয়া দিল্লী ২০১৩

তেওঁ ২০১৩ চনত পণ্ডছ ফেমিনা মিছ ইণ্ডিয়া দিল্লীৰ তিনিজন খিতাপধাৰীৰ ভিতৰত এগৰাকী আছিল।