সাঁৱৰীয়া জী মন্দিৰ

সাঁৱৰীয়া জী মন্দিৰ হʼল ৰাজস্থানৰ চিত্তৌৰগড় জিলাত অৱস্থিত ভগৱান কৃষ্ণক উৎসৰ্গিত এটি প্ৰসিদ্ধ হিন্দু মন্দিৰ৷ এই মন্দিৰটোক শ্ৰী সাঁৱলিয়া ছেঠ নামেৰেও জনা যায়৷^১২

কিংবদন্তি

কিংবদন্তি অনুসৰি, ১৮৪০ চনত ভোলাৰাম নামৰ এজন গৰখীয়াই বাগুণ্ড গাঁৱৰ ছাপৰ নামে ঠাইত মাটিৰ তলত পুতি থোৱা তিনিটা ঐশ্বৰিক মূৰ্তিৰ সপোন দেখিছিল। এই স্থানত খননৰ সময়ত ভগৱান শ্ৰীকৃষ্ণৰ তিনিটা মূৰ্তি পোৱা গৈছিল, যিটো সপোনত দেখা গৈছিল। ইয়াৰে এটা মূৰ্তি মণ্ডফিয়াত, দ্বিতীয়টো ভাদসোড়াত আৰু তৃতীয়টো মূৰ্তি বাগুণ্ড গাঁৱৰ ছাপৰত স্থাপন কৰা হৈছিল, যʼত মূৰ্তিটো পোৱা গৈছিল। এই তিনিওটা ঠাইতে মন্দিৰ নিৰ্মাণ কৰা হৈছিল আৰু প্ৰায় ৫ কিলোমিটাৰ দূৰত্বৰ ব্যৱধানত এই সকলোবোৰ মন্দিৰ এটা-আনটোৰ ওচৰতে অৱস্থিত।^৩

প্ৰধান মন্দিৰ

এই তিনিটা মন্দিৰৰ ভিতৰত মণ্ডফিয়াৰ মন্দিৰক সাঁৱলিয়া জী ধাম (সাঁৱলিৰ বাসস্থান) হিচাপে প্ৰতিষ্ঠিত কৰা হৈছে। এই মন্দিৰটো ৰাজস্থান, মধ্য প্ৰদেশ আৰু গুজৰাটৰ পৰা অহা ভক্তসকলৰ বাবে এক প্ৰধান তীৰ্থস্থান।^৪

স্থান

সাঁৱলিয়া জী মন্দিৰ, চিত্তৌৰগড় ৰেলৱে ষ্টেচনৰ পৰা ৪১ কিলোমিটাৰ দূৰত্বত আৰু ডবোক বিমানবন্দৰৰ পৰা ৬৫ কিলোমিটাৰ দূৰত্বত অৱস্থিত। এই মন্দিৰটো শ্ৰী নাথদ্বাৰৰ পিছত বৈষ্ণৱ পন্থাৰ অনুগামীসকলৰ বাবে দ্বিতীয়টো গুৰুত্বপূৰ্ণ তীৰ্থস্থান বুলি গণ্য কৰা হয়।^৫৬

বাহ্যিক সংযোগ

• श्री सांवलिया सेठ मंदिर की आधिकारिक वेबसाइट