সত্যেন্দ্ৰ কুমাৰ জৈন

সত্যেন্দ্ৰ কুমাৰ জৈন দিল্লী চৰকাৰৰ এজন কেবিনেট মন্ত্ৰী তথা আম আদমি পাৰ্টীৰ এজন ৰাজনীতিবিদ।^১অৰবিন্দ কেজৰিৱালৰ নেতৃত্বত থকা দিল্লী চৰকাৰৰ সাতজন কেবিনেট মন্ত্ৰীৰ ভিতৰত তেওঁ অন্যতম।^২ তেওঁৰ দপ্তৰ সমূহৰ ভিতৰত আছে স্বাস্থ্য আৰু পৰিয়াল কল্যাণ, উদ্যোগ, গৃহ, শক্তি, পানী, নগৰ উন্নয়ন আৰু জলসিঞ্চন আৰু বান নিয়ন্ত্ৰণ।^২ তেওঁ বৰ্তমান দিল্লীৰ স্বাস্থ্যমন্ত্ৰী হিচাপে তৃতীয়বাৰৰ বাবে কাৰ্যকালত আছে। তেওঁৰ প্ৰথম কাৰ্যকালত তেওঁ ২০১৩ চনৰ ২৮ ডিচেম্বৰৰ পৰা ২০১৪ চনৰ ১৪ ফেব্ৰুৱাৰীলৈকে স্বাস্থ্য আৰু পৰিয়াল কল্যাণ, গুৰুদ্বাৰ নিৰ্বাচন আৰু উদ্যোগ মন্ত্ৰী হিচাপে কাৰ্যনিৰ্বাহ কৰিছিল আৰু, দ্বিতীয় কাৰ্যকালত ১৪ ফেব্ৰুৱাৰী,২০১৫ৰ পৰা ১৩ ফেব্ৰুৱাৰী ২০২০ লৈ তেওঁ আপ চৰকাৰত স্বাস্থ্য আৰু পৰিয়াল কল্যাণ, উদ্যোগ, গৃহ, পি ডব্লিউ ডি, শক্তি, পানী, পৰিবহণ, নগৰ উন্নয়ন আৰু জলসিঞ্চন আৰু বান নিয়ন্ত্ৰণ আদি বিভাগৰ মন্ত্ৰী হিচাপে কাৰ্যনিৰ্বাহ কৰিছিল।^৩ পেছাত জৈন এজন স্থপতিবিদ আছিল।^৪