লী য়ন

লী য়ন (কোৰিয়ান: 이연; জন্ম: ২৭ ফেব্ৰুৱাৰী ১৯৯৫)^১ হৈছে এগৰাকী দক্ষিণ কোৰিয়ান অভিনেত্ৰী। তেওঁ ২০২২ চনত নেটফ্লিক্সত প্ৰচাৰিত দক্ষিণ কোৰিয়ান নাটক জুভেনাইল জাষ্টিছত বেক চং-উ নামৰ পুৰুষ চৰিত্ৰটো ৰূপায়ণ কৰাৰ বাবে বিশেষভাৱে পৰিচিত।^২

কৰ্মজীৱন

লী য়নে ২০১৮ চনত দক্ষিণ কোৰিয়ান চলচ্চিত্ৰ এননিমাছ-ৰ জৰিয়তে অভিনেত্ৰী হিচাপে আত্মপ্ৰকাশ কৰে। তেওঁ কেইবাখনো চলচ্চিত্ৰ আৰু দূৰদৰ্শন ধাৰাবাহিকত অভিনয় কৰিছে, যাৰ ভিতৰত ২০২১ চনৰ দক্ষিণ কোৰিয়ান নেটফ্লিক্স নাটক ডি.পি.ত মুখ্য অভিনেতা জং হে-ইন অভিনীত চৰিত্ৰটোৰ কনিষ্ঠ ভগ্নীৰ ভূমিকাত এটি কেমিঅ’ উপস্থিতিও অন্তৰ্ভুক্ত।^৩৪

তেওঁৰ গুৰুত্বপূৰ্ণ সফলতা আহে ২০২২ চনৰ নেটফ্লিক্স নাটক জুভেনাইল জাষ্টিছৰ জৰিয়তে, য’ত তেওঁ ১৩বছৰীয়া কিশোৰ বেক চং-উৰ চৰিত্ৰত অভিনয় কৰে, যিজন নাটকখনৰ প্ৰথম দুটা খণ্ডত এজন বিদ্যালয়ৰ ছাত্ৰক হত্যা কৰাৰ অভিযোগত অভিযুক্ত হয়। মহিলা হোৱা সত্বেও আৰু সেই সময়ছোৱাত তেওঁৰ কোৰিয়ান বয়স ২৮ বছৰ হোৱা সত্বেও, সুস্থ-মগজুৰ হত্যাকাৰীৰ ৰূপত তেওঁৰ অভিনয় আৰু ৰূপান্তৰণ দৰ্শক আৰু সমালোচকৰপৰা প্ৰশংসা লাভ কৰে।^৫৬ জুভেনাইল জাষ্টিছ-ত তেওঁৰ অভিনয়ৰ ফলস্বৰূপে তেওঁ ৫৮ সংখ্যক বেকছাং কলা বঁটাত "শ্ৰেষ্ঠ নৱাগতা অভিনেত্ৰী" বঁটা লাভৰ বাবে মনোনয়ন লাভ কৰে, যদিও শেষত বঁটাখন কিম হ্যে-জুন-ক প্ৰদান কৰা হয়।^৭৮ লী য়নে বিভিন্ন ধৰণৰ চৰিত্ৰত অভিনয় কৰি নিজৰ বহুমুখী প্ৰতিভাৰ শক্তিশালী আৰু প্ৰশংসনীয় পৰিচয় দিছে।