লায়েট ন-চুঙী গাঁও

লায়েট ন-চুঙী যোৰহাট জিলাৰ তিতাবৰ মহকুমা মহকুমাৰ এখন গাঁও। এই গাঁওখন বিৰিণশায়েক গাঁও পঞ্চায়ত আৰু আমগুৰি খৰিকটীয়া মৌজাৰ অন্তৰ্গত॥গাঁওখনৰ দাঁতি-কাষৰীয়া গাঁওকেইখন হ’ল- ফালেঙীচুক, বেপাৰীচুক, হাঁহখোৱা চুক,হাতীপৰা, মৰাণি চুক চেলাউৰীয়া, চেঙেলীচুক, দিহিঙ্গীয়া, অগ্নিগাঁও আৰু বিৰিণাশায়েক গাঁও।^১

নামৰ উৎপত্তি

লায়েট নামটো আহিছে লায়েক শব্দৰ পৰা। পুৰণি কালত অঞ্চলটোত এখন বাচক-বনীয়া উৰ্ব্বৰ পথাৰ আছিল যাৰ নাম আছিলে 'লায়েক বছা পথাৰ'। পিছলৈ ইয়াৰে অপভ্ৰংশ ৰূপত নামটো হয় 'লায়েট বছা পথাৰ'। এই পথাৰৰ উপকণ্ঠত এখনি গাঁও আছিল যাৰ নাম আছিল লায়েট বছা গাঁও। কুৰি শতিকাৰ আৰম্ভণিতে যেতিয়া কলেৰা মহামাৰী হৈছিল তেতিয়া গাঁওখনটো ইয়াৰ প্ৰভাৱ পৰিছিল; যিকেইঘৰ মানুহ সুস্থ আছিল তেওঁলোক এক ফাৰ্লং মান উজাই আহি নতুনকৈ গাঁও স্থাপন কৰিলে আৰু ন-চুং পাতিলে। গাঁৱৰ নাম সলাই তেতিয়া লায়েট ন-চুঙী গাঁও ৰখা হ'ল।^১

যাতায়াত

গাঁওখনৰ মাজেদি দিহিঙ্গীয়া-বিৰিণাশায়েক পথটো গৈছে। এই পথটো এটা পকী পথ। এই পথটোৰ পৰা ওলোৱা উপপথবোৰে গাঁওখনক চুবুৰীয়া গাঁওকেইখনৰ লগত সংযোগ কৰিছে।

অনুষ্ঠানসূহ

গাঁওখনৰ মূলপথটোৰ দাঁতিতে গাঁওখনৰ প্ৰাথমিক, আৰু অংগনবাড়ী বিদ্যালয়কেইখন আছে। গাঁওখনৰ যুৱ-সংঘৰ নাম হ’ল ‘জাগৰণ যুৱ সংঘ’। এই সংঘটোৱে ১৯৪৮ চনত জন্ম লাভ কৰিছিল লায়েট ন-চুঙী চৰকাৰী নিম্ন বুনিয়াদী বিদ্যালয়ৰ চৌহদত। তেতিয়া ইয়াৰ নাম আছিল লায়েট ন-চুঙী যুৱক সংঘ ।^১ গাঁওখনৰ মইনা-পাৰিজাত সংগঠনটোৰ নামো "জাগৰণ"।