মায়া বৰ্মন

মায়া বৰ্মন ১৯৭১ চনত জন্মা^১ এগৰাকী ফৰাচী শিল্পী।

জীৱনী

ফ্ৰান্সৰ লট এট গেৰনত জন্মগ্ৰহণ কৰা বৰ্মনে ফ্ৰান্সত ডাঙৰ-দীঘল হৈছিল। প্ৰথমতে তেওঁ স্থপতিবিদ হিচাপে প্ৰশিক্ষণ লৈছিল যদিও এই বৃত্তিটো অতি ৰক্ষণশীল বুলি বিবেচনা কৰিছিল আৰু চিত্ৰকলাৰ প্ৰতি হাত ঘূৰাই নিছিল।^২ তেওঁ মূলতঃ কলম আৰু চিয়াঁহী, আৰু জলৰঙৰ কাম কৰে। এই স্বতঃস্ফূৰ্ত মাধ্যমে তেওঁক ধাৰাবাহিক ৰচনা সৃষ্টি কৰিবলৈ উৎসাহিত কৰে, কাৰণ প্ৰতিখন ছবিৰ অতিৰিক্ত কাম বা নতুন ধাৰণাৰে পুনৰ কাম কৰাটো কঠিন।^২ ভাৰত, ফ্ৰান্স আৰু ব্ৰিটেইনত তেওঁৰ কৰ্মৰ প্ৰদৰ্শনী অনুষ্ঠিত হৈছে।

শিল্পীৰে ভৰপূৰ এটা ডাঙৰ পৰিয়ালৰ তেওঁ আটাইতকৈ কনিষ্ঠ সদস্য: তেওঁৰ পিতৃ শক্তি বৰ্মন (কলকাতা) আৰু ফৰাচী মাতৃ মাইটে ডেলটেইল দুয়োজনেই বিশিষ্ট শিল্পী,^১ লগতে তেওঁৰ খুৰাকৰ ছোৱালী জয়শ্ৰী বৰ্মন আৰু জয়শ্ৰীৰ স্বামী পৰেশ মাইটিও।

বঁটা

শিল্পকৰ্মৰ বাবে তেওঁ কেইবাটিও বঁটা লাভ কৰে।

• ইয়ং পেইণ্টাৰৰ বাবে বঁটা - Salon de Colombes (1997)^১
• ছানন'ইছৰ ফাইন আৰ্ট এছ'চিয়েচনৰ বঁটা (১৯৯৮)^১
• চেলন ডি অটোমনে পেৰিছৰ বঁটা (২০০০)^১
• জলৰঙী পেইন্টিং অংশৰ বঁটা Salon de Colombes (২০০১)^১

ব্যক্তিগত জীৱন

বৰ্মনৰ ২৩ বছৰ বয়সত ভাৰতত বিবাহ হৈছিল আৰু পৰৱৰ্তী সময়ত তেওঁৰ এজন পুত্ৰ সন্তান জন্ম হৈছিল। দুবছৰৰ পিছত বিবাহৰ অন্ত পৰে আৰু বৰ্মনে পুত্ৰৰ সৈতে ফ্ৰান্সলৈ উভতি যায়।^১