মানি প্লাণ্ট

মানি প্লাণ্ট বা এপিপ্ৰেমনাম অৰেয়াম (Epipremnum aureum) হৈছে অৰেয়াম পৰিয়ালৰ অন্তৰ্গত আৰাচিয়া প্ৰজাতিৰ এক উদ্ভিদ। ই ফৰাচী পলিনেছিয়াৰ ছ'চাইটি দ্বীপপুঞ্জৰ ম'ৰিয়াৰ স্থানীয় উদ্ভিদ।^১ এই প্ৰজাতিটো নাতিশীতোষ্ণ অঞ্চলত জনপ্ৰিয় গৃহ সজ্জাৰ বাবে ব্যৱহৃত উদ্ভিদ যদিও উত্তৰ দক্ষিণ আফ্ৰিকা,^২ অষ্ট্ৰেলিয়া, দক্ষিণ-পূব এছিয়া, দক্ষিণ এছিয়া, প্ৰশান্ত মহাসাগৰীয় দ্বীপপুঞ্জ আৰু ৱেষ্ট ইণ্ডিজকে ধৰি বিশ্বৰ গ্ৰীষ্মমণ্ডলীয় আৰু উপগ্ৰীষ্মমণ্ডলীয় অৰণ্যতো উপলব্ধ হৈ পৰিছে। কিছুমান ক্ষেত্ৰত এই উদ্ভিদে পৰিৱেশগত ক্ষতিসাধন কৰে।^২

এই উদ্ভিদক ডেভিলছ ভিন বা ডেভিলছ আইভি বুলিও কোৱা হয় কাৰণ ইয়াক হত্যা কৰাটো প্ৰায় অসম্ভৱ আৰু আন্ধাৰত ৰাখিলেও ই সেউজীয়া হৈ থাকে।^৩ উদ্ভিদ বিক্ৰী কেন্দ্ৰত কেতিয়াবা ভুলকৈ এই উদ্ভিদবিধ ফিল’ডেণ্ড্ৰন, প’থ’ছ বা চিণ্ডাপছাছ বুলি লেবেল লগোৱা থাকে। ভাৰতীয় উপমহাদেশৰ বহু ঠাইত ইয়াক মানি প্লাণ্ট হিচাপেই জনা যায়।^৪৫ কৃত্ৰিম হৰম’ন পৰিপূৰক অবিহনে ইয়াৰ ফুল খুব কমেইহে হয়; ১৯৬৪ চনত এই উদ্ভিদৰ খেতিৰ সময়ত শেষবাৰৰ বাবে স্বতঃস্ফূৰ্ত ফুল ফুলাৰ এক ৰিপৰ্ট পোৱা গৈছিল।^৬

এই উদ্ভিদবিধে ৰয়েল হৰ্টিকালচাৰেল ছ'চাইটিৰ গাৰ্ডেন মেৰিটৰ বঁটা লাভ কৰিছে।^৭৮