ভেলোৰী কাৰী

ভেলোৰী কাৰী (ইংৰাজী ভাষা: Valorie Curry; জন্ম: ১২ ফেব্ৰুৱাৰী, ১৯৮৬^১) এগৰাকী আমেৰিকা যুক্তৰাষ্ট্ৰন অভিনেত্ৰী। তেওঁৰ কেৰিয়াৰৰ উল্লেখযোগ্য কামসমূহৰ ভিতৰত আছে ভেৰোনিকা মাৰ্চ (২০০৫–০৬), দ্য ফলোয়িং (২০১৩–১৪) আৰু দ্য টিক (২০১৬–১৯)। তেওঁ প্লেষ্টেচন ৩-ৰ টেক ডেম’ কাৰাত (২০১২) নাম চৰিত্ৰত অভিনয় কৰিছিল আৰু ভিডিও গেম ডিট্ৰয়েট: বিকাম হিউমেনত (২০১৮) কাৰা হিচাপে পুনৰ অভিনয় কৰিছিল। ২০২৪ চনৰপৰা তেওঁ আমাজন প্ৰাইম ভিডিও ধাৰাবাহিক দ্য বয়জত ছুপাৰহিৰো ফায়াৰক্ৰেকাৰৰ চৰিত্ৰত অভিনয় কৰিছে।

প্ৰাৰম্ভিক জীৱন

কাৰী কেলিফৰ্ণিয়াৰ অৰেঞ্জ কাউণ্টিত তেওঁৰ ভাতৃ ডেভিদ আৰু ভগ্নী কলিনৰ সৈতে ডাঙৰ-দীঘল হৈছিল। ২০০৪ চনত তেওঁ কেলিফৰ্ণিয়াৰ লা হাব্ৰাৰ চন’ৰা হাইস্কুলৰপৰা স্নাতক ডিগ্ৰী লাভ কৰে।^২ তেওঁ কেলিফৰ্ণিয়া ষ্টেট ইউনিভাৰ্চিটি, ফুলাৰটনত অধ্যয়ন কৰিছিল আৰু ২০০৮ চনত থিয়েটাৰত স্নাতক ডিগ্ৰী লাভ কৰিছিল।^৩ তেওঁ 'দ্য চেকেণ্ড চিটি' আৰু 'ফেণ্টম প্ৰজেক্টছ' থিয়েটাৰ গোটৰ সৈতেও কাম কৰিছে। তাত তেওঁ দ্য ডিভাইনৰ্ছত জেনি মে আৰু আউট, আউট, ব্ৰিফ কেণ্ডেল! -ত মনিক চৰিত্ৰত অভিনয় কৰাৰ লগতে ওকলাহোমা! , বাছ ষ্টপ, হাউ টু চাকচিড ইন বিজনেছ উইদাউট ৰিয়েলী ট্ৰায়িং আৰু দ্য ডায়েৰী অফ এনি ফ্ৰাংক আদি নাটকত অভিনয় কৰিছে।^৪

ব্যক্তিগত জীৱন

কাৰীয়ে ২০১৯ চনত নিজকে প্যানচেক্সুৱেল (pansexual) বুলি বৰ্ণনা কৰিছিল,^৫৬ আৰু পৰৱৰ্তী সময়ত একাংশ সংবাদ মাধ্যমে তেওঁক লেচবিয়ান বুলি উল্লেখ কৰিছে।^৭৮

২০১৬ চনত কাৰীয়ে তেওঁৰ দ্য ফলোয়িংৰ সহ-অভিনেতা চেম আণ্ডাৰউডৰ সৈতে বিবাহপাশত আবদ্ধ হৈছিল।^৯ ২০২২ চনত তেওঁলোকৰ মাজত বিচ্ছেদ ঘটে আৰু ২০২৩ চনৰ এপ্ৰিলত আইনীভাৱে বিবাহ বিচ্ছেদ হয়।^১০