বিমল কৰ

বিমল কৰ (Bimal Kar; ১৯ ছেপ্টেম্বৰ ১৯২১ – ২৬ আগষ্ট ২০০৩) এজন বাঙালী ভাৰতীয় সাহিত্যিক। উত্তৰ ২৪ পৰগনাৰ টাকীত তেওঁৰ জন্ম। পিতৃৰ নাম জ্যোতিষচন্দ্ৰ কৰ আৰু মাতৃ নিশিবালা কৰ। ^{১ ২}

প্ৰাৰম্ভিক জীৱন

জব্বলপুৰ, হাজাৰীবাগ, ধানবাদ, আছানছোল আদি ঠাইত বিমল কৰৰ শৈশৱ অতিবাহিত হয়। বিদ্যাসাগৰ মহাবিদ্যালয়ৰ পৰা বি এ পাছ কৰে। তাৰ পিছত আছানছোল এমুউনেশ্বন প্ৰডাকচন ডিপোত এ আৰ পি হিচাপে কৰ্মজীৱন আৰম্ভ কৰে। ^১

সাহিত্য

১৯৪৪ চনত প্ৰৱৰ্তক আলোচনীত অম্বিকানাথে‍ৰ মুক্তি নামৰ তেওঁৰ প্ৰথম চুটিগল্পটি‍ প্ৰকাশিত হয়। ১৯৪৬ চনত মণিলাল গংগোপাধ্যায় সম্পাদিত পৰাগ আলোচনীত তেওঁ সহযোগী সম্পাদকৰ চাকৰি লাভ কৰে। সহযোগী সম্পাদক হিচাপে‍ পশ্চিমবঙ্গ আৰু সত্যযুগ কাকততো সেৱা আগ বঢ়াইছিল। ১৯৫৪ চনত তেওঁৰ প্ৰথম গল্প সংকলন বৰফ চাহেবে‍ৰ মেয়ে‍ প্ৰকাশিত হয়। সেই বছৰতে তেওঁ দেশ আলোচনীৰ বিভাগীয় মুৰব্বী হিচাপে যোগদান কৰে। ১৯৮২ চনলৈকে তেওঁ এই পদত অধিষ্ঠিত আছিল। ^১ ইয়াৰ উপৰিও শিলাদিত্য আৰু গল্পপত্ৰ আলোচনীৰ সৈতেও তেওঁ জড়িত আছিল। ^৩

তেওঁ সৰু ল'ৰা-ছোৱোলীৰ বাবে সৃষ্টি কৰা এটি‍ চৰিত্ৰ হৈছে অৱসৰপ্ৰাপ্ত যাদুকৰ কিংকৰ কিশোৰ ৰায় বা কিকিৰা। কিকিৰাৰ উপন্যাস পূজাবাৰ্ষিকীৰ আনন্দমেলাত প্ৰকাশিত হৈ‍ছিল। ^৩

তেওঁৰ দ্বাৰা ৰচিত বহুকেইটা গল্পৰ আধাৰত চলচ্চিত্ৰ নিৰ্মিত হৈছে। বসন্ত বিলাপ, হ্ৰদ ( চলচ্চিত্ৰ), বালিকা বধূ (যিখন হিন্দী ভাষাতো নিৰ্মিত হৈছিল), যদুবংশ, ছুটি (এইখন নিৰ্মাণ কৰা হৈছিল তেওঁৰ খড়কুটো'' উপন্যাসৰ আধাৰত)। ^৩

১৯৭৫ চনত অসময় উপন্যাসৰ বাবে বিমল কৰে‍ সাহিত্য অকাডেমী বঁটা লাভ কৰিছিল। কলিকতা বিশ্ববিদ্যালয়ৰ শৰৎচন্দ্ৰ পুৰস্কাৰ, দিল্লী বিশ্ববিদ্যালয়ৰ নৰসিংহ দাস বঁটা লাভ আদিয়ো তেওঁ লাভ কৰিছে। তেওঁ দুবাৰকৈ আনন্দ পুৰস্কাৰ লাভ কৰিছিল। তেওঁ বহুসংখ্যক চুটিগল্পৰ লগতে‍ কিশোৰ উপন্যাসও ৰচনা কৰিছিল। ^১

মৃত্যু

বিধাননগৰৰ নিজা বাসগৃহত ৮২ বছৰ বয়সত বিমল কৰৰ মৃত্যু হয়। মৃত্যুৰ সময়ত তেওঁ পত্নীৰ লগতে‍ তিনিগৰাকী কন্যা আৰু এজন পুত্ৰক এৰি থৈ যায়। ^৩

গ্ৰন্থতালিকা

চিনেমা

আৰু চাওক

• বাংলা ভাষাৰ বাবে সাহিত্য অকাডেমী বঁটা বিজয়ীসকলৰ তালিকা