বদ্ৰী টেইমোৰতাছ

বদ্ৰী টেইমোৰতাছ (১২৮৭-১৩৭৪ S.H) ইৰাণৰ প্ৰথম মহিলা দন্ত চিকিৎসক^১ আৰু ইৰাণত তেওঁক "দন্ত চিকিৎসাৰ মাতৃ" বুলি কোৱা হয়।

তেওঁ ইৰাণৰ চেমনান অঞ্চলৰ কালপুছ গাঁৱত জন্মগ্ৰহণ কৰিছিল

জীৱনী

১৯০৮ চনত মাছহাদত এটা প্ৰভাৱশালী ইৰাণী পৰিয়ালত জন্মগ্ৰহণ কৰা বদ্ৰী আছিল ইৰানৰ পহ্লৱী বংশৰ প্ৰাৰম্ভিক সময়ৰ দ্বিতীয় শক্তিশালী ৰাজনৈতিক ব্যক্তিত্ব আব্দলহোছেইন টেইমোৰতাছৰ ভগ্নী। ১৯২০ চনৰ শেষৰফালে তেওঁক বেলজিয়ামলৈ পঠিওৱা হয় আৰু দন্ত চিকিৎসা বিদ্যালয়ত নামভৰ্তি কৰে।

দন্ত চিকিৎসা বিদ্যালয়ৰপৰা স্নাতক হোৱাৰ পিছত মানৱীয় কাম হাতত ল’বলৈ বেলজিয়াম কংগোলৈ যোৱাৰ কথা ভাবিছিল বুলি অনুমান কৰা হৈছে। কিন্তু ১৯৩২ চনত তেওঁৰ ভাতৃ আব্দলহোছেইন টেইমোৰতাছৰ অনুগ্ৰহৰপৰা বঞ্চিত হোৱাৰ ফলত তেওঁ ইৰাণলৈ উভতি যায় য'ত টেইমোৰতাছৰ পত্নী আৰু সন্তানৰ সৈতে তেওঁ আঠ বছৰ ধৰি গৃহবন্দী আৰু খোৰাছানৰ পৰিয়ালটোক দূৰৈৰ ইষ্টেটলৈ দিয়া নিৰ্বাসন সহ্য কৰিবলগীয়া হয়। ১৯৪১ চনত ৰেজা শ্বাহে পদত্যাগ কৰাৰ লগে লগে সাধাৰণ ক্ষমা অনুসৰি সকলো ৰাজনৈতিক বন্দীক মুকলি কৰি দিয়া হয় আৰু বদ্ৰী টেইমোৰতাছে মাছাদলৈ গুচি যায় আৰু তাতেই তেওঁ দন্ত চিকিৎসা আৰম্ভ কৰে।

১৯৬৫ চনত তেওঁ আৰু ইছমাইল ছণ্ডুজীয়ে মাছহাদ বিশ্ববিদ্যালয়ৰ স্কুল অৱ ডেণ্টিষ্ট্ৰি প্ৰতিষ্ঠা কৰে।^২ ১৯৮৯ চনত অৱসৰ গ্ৰহণ কৰে (১৩৬৮ এছ.এইচ),^৩ আৰু ১৯৯৫ চনত তেওঁৰ মৃত্যু হয়। দন্ত চিকিৎসাৰ ক্ষেত্ৰত তেওঁৰ পুথি প্ৰকাশ কৰিছিল, তাৰ ভিতৰত "দাহান পেজেস্কি" (Oral Medicine = Les Affections de la Cavite Buccale) পাঠ্যপুথিখন আছিল অতি গুৰুত্বপূৰ্ণ।^৪

মছহাদৰ পৱিত্ৰ সমাধি (ছাহনে আজাদী)ত তেওঁক সমাধিস্থ কৰা হয়। মাছহাদ বিশ্ববিদ্যালয়ৰ স্কুল অৱ ডেণ্টিষ্ট্ৰিৰ পুথিভঁৰালটোৰ নাম তেওঁৰ সন্মানত তেওঁৰ নামলৈ সলনি কৰা হয়।