জিন চিংকফৰ্ড

জিন ক্ৰেগ চিংকফৰ্ড (জন্ম ১৯৩৩) এগৰাকী আমেৰিকান দন্ত চিকিৎসক আৰু একাডেমিক প্ৰশাসক। তেওঁ আমেৰিকাৰ দন্ত চিকিৎসা বিদ্যালয়ৰ প্ৰথমগৰাকী মহিলা ডীন আছিল। আমেৰিকান ডেণ্টেল এডুকেচন এছ’চিয়েশ্যনৰ ৰেচিডেন্সত জ্যেষ্ঠ পণ্ডিত আৰু হাৱাৰ্ড বিশ্ববিদ্যালয়ৰ ডেণ্টেল স্কুলৰ অধ্যাপিকা আৰু ডীন এমেৰিটাছ।

জীৱনী

১৯৩৩ চনত জন্মগ্ৰহণ কৰা চিংকফৰ্ডৰ চাৰিগৰাকী ভগ্নীৰ কেউগৰাকীয়ে উচ্চশিক্ষা ল’ব বিচাৰিছিল আৰু তাৰে ভিতৰত এগৰাকী আছিল জিন। তেওঁ কয় যে তেওঁৰ পিতৃ-মাতৃ, এজন দাদা আৰু কেথলিক মধ্যবিদ্যালয়ত পোৱা অভিজ্ঞতাই তেওঁৰ অনুশাসিত লালন-পালনত অৰিহণা যোগাইছিল। তেওঁ ৱাশ্বিংটন ডি চিৰ ডানবাৰ হাইস্কুলত পঢ়িছিল, যিখন বিদ্যালয় আছিল উচ্চ কৃতিত্বসম্পন্ন আফ্ৰিকান আমেৰিকানসকলৰ বাবে, য'ত তেওঁ কেডেট কৰ্পৰ সদস্য আছিল।^১

১৬ বছৰ বয়সত চিংকফৰ্ডে হাৱাৰ্ড বিশ্ববিদ্যালয়ত কলেজত নামভৰ্তি কৰে, তাত দন্ত চিকিৎসা বিদ্যালয়ত অধ্যয়ন কৰাৰ আগতে মনোবিজ্ঞান আৰু ৰসায়ন বিজ্ঞান অধ্যয়ন কৰে। ডেণ্টেল স্কুলৰপৰা স্নাতক হোৱাৰ পিছত চিংকফৰ্ড প্ৰষ্ট’ডণ্টিকছৰ অধ্যাপক আছিল, অংশকালীন ডেণ্টাল প্ৰেকটিছ কৰিছিল আৰু পি.এইচ.ডি. নৰ্থৱেষ্টাৰ্ণ বিশ্ববিদ্যালয়ত শৰীৰবিজ্ঞানত স্নাতক ডিগ্ৰী লাভ কৰে। ইয়াৰ ফলত তেওঁ পি এইচ ডি ডিগ্ৰীধাৰী প্ৰথমগৰাকী মহিলা প্ৰষ্ট'ডণ্টিষ্ট হিচাপে পৰিগণিত হয়।^২

পিছলৈ তেওঁ হাৱাৰ্ডৰ প্ৰষ্ট'ডণ্টিকছ বিভাগৰ অধ্যক্ষতা কৰে,^১ আৰু ১৯৭৪–১৯৭৫ চনত শিশু দন্ত চিকিৎসাৰ ৰেচিডেন্সি সম্পূৰ্ণ কৰে।^৩ ১৯৭৫ চনৰ ১ জুলাইত ছিংকফৰ্ড আমেৰিকাৰ দন্ত চিকিৎসা বিদ্যালয়ৰ প্ৰথমগৰাকী মহিলা ডীন হিচাপে নিযুক্তি লাভ কৰে যেতিয়া তেওঁক হাৱাৰ্ড বিশ্ববিদ্যালয়, স্কুল অৱ ডেণ্টিষ্ট্ৰিৰ ডীন হিচাপে নিযুক্তি দিয়া হয়।^৪ ১৯৯১ চনলৈকে ছিংকফৰ্ড ডীন হৈ আছিল। তাৰ পিছত ছিংকফৰ্ড আমেৰিকান ডেণ্টেল এডুকেচন এছ'চিয়েচনৰ সহযোগী কাৰ্যবাহী সঞ্চালক হয়।^৫ ১৯৯৮ চনত তেওঁ ইয়াৰ চেণ্টাৰ ফৰ ইকুইটি এণ্ড ডাইভাৰচিটি স্থাপন কৰে আৰু ১৭ বছৰ ধৰি ইয়াৰ পৰিচালনা কৰে।^৬

২০১৫ চনত চিংকফৰ্ডে আমেৰিকান ডেণ্টেল এছ'চিয়েচনৰপৰা ডিষ্টিংচড চাৰ্ভিচ বঁটা লাভ কৰে।^৭ নেশ্যনেল ক’লিচন অৱ ১০০ ব্লেক উইমেনৰপৰা কেণ্ডেছ বঁটাও অতীত লাভ কৰিছে। তেওঁ ইনষ্টিটিউট অৱ মেডিচিনৰ সদস্য আৰু আমেৰিকান কলেজ অৱ ডেণ্টিষ্ট আৰু ইণ্টাৰনেশ্যনেল কলেজ অৱ ডেণ্টিষ্টৰ ফেলো।^৮

চিংকফৰ্ডে হাৱাৰ্ড বিশ্ববিদ্যালয়ত স্বামী ষ্টেনলীক লগ পাইছিল। তেওঁ হৃদৰোগ বিশেষজ্ঞ হৈ আছিল।^১ তেওঁলোকৰ তিনিটা সন্তান আছিল।^৯