প্ৰধানমন্ত্ৰী কিষাণ সন্মান নিধি

প্ৰধানমন্ত্ৰী কিষাণ সন্মান নিধি(Pradhan Mantri Kisan Samman Nidhi Or PM-KISAN) হৈছে ভাৰত চৰকাৰ এক যুগান্তকাৰী পদক্ষেপ যি কৃষকসকলক ন্যূনতম আৰ্থিক সাহায্য হিচাপে প্ৰতি বছৰে ৬,০০০ টকা পৰ্যন্ত প্ৰদান কৰে। ২০১৯ চনৰ ১ ফেব্ৰুৱাৰীত ভাৰতৰ অন্তৱৰ্তীকালীন কেন্দ্ৰীয় বাজেটৰ সময়ত পীয়ুষ গোয়েলে এই পদক্ষেপৰ কথা ঘোষণা কৰিছিল।^১২৩৪ আৰু ২০১৯ চনৰ ২৪ ফেব্ৰুৱাৰীত আচঁনিখন শুভাৰম্ভ কৰে।এই আঁচনিখনৰ বাবে প্ৰতি বছৰে ৭৫,০০০ কোটি টকা (বা ২০২৩ চনত ৯.৭ বিলিয়ন আমেৰিকান ডলাৰৰ সমতুল্য) ব্যয় হৈছে।^৫৬

ইতিহাস

এই আঁচনিখন প্ৰথমে তেলেংগানা চৰকাৰৰ এক আঁচনি ৰাইথু বন্ধু আঁচনি হিচাপে কল্পনা কৰিছিল আৰু ৰূপায়ণ কৰিছিল, য'ত এক নিৰ্দিষ্ট পৰিমাণৰ ধন পোনপটীয়াকৈ যোগ্য কৃষকসকলক দিয়া হয়। এই আঁচনিখনে বিশ্ব বেংককে ধৰি ইয়াৰ সফল ৰূপায়ণৰ বাবে বিভিন্ন সংস্থাৰ পৰা প্ৰশংসা লাভ কৰিছে।^৭ বহুতো অৰ্থনীতিবিদে পৰামৰ্শ দিয়ে যে কৃষি ঋণ ৰেহাইৰ তুলনাত এই ধৰণৰ বিনিয়োগৰ সমৰ্থন ভাল।^৮ এই আঁচনিৰ ইতিবাচক ফলাফলৰ সৈতে, ভাৰত চৰকাৰে ইয়াক দেশজোৰা প্ৰকল্প হিচাপে ৰূপায়ণ কৰিব বিচাৰিছিল আৰু ২০১৯ চনৰ ১ ফেব্ৰুৱাৰীত ভাৰতৰ অন্তৱৰ্তীকালীন কেন্দ্ৰীয় বাজেটৰ সময়ত পীয়ুষ গোয়েলে এই কথা ঘোষণা কৰিছিল।^৯৪৩

২০১৮-২০১৯ ৰ বাবে, এই আঁচনিৰ অধীনত ২০,০০০ কোটি টকা আৱণ্টন কৰা হৈছিল। ২০১৯ চনৰ ২৪ ফেব্ৰুৱাৰীত প্ৰধানমন্ত্ৰী নৰেন্দ্ৰ মোদীয়ে উত্তৰ প্ৰদেশ ৰ গোৰখপুৰত আঁচনিখনৰ শুভাৰম্ভ কৰে আৰু প্ৰথম কিস্তি হিচাপে ২,০০০ টকাকৈ এক কোটিৰো অধিক কৃষকলৈ হস্তান্তৰ কৰে।^১০১১

কৃষি আৰু কৃষক কল্যাণ মন্ত্ৰালয়ে পিএম কিষাণ সন্মান নিধি যোজনাৰ অধীনত শীৰ্ষ প্ৰদৰ্শন কৰা ৰাজ্য আৰু জিলাসমূহক বঁটা প্ৰদান কৰিছে।^১২ পিএম কিষানৰ উপৰিও,কৃষক আৰু অন্যান্য হিতাধিকাৰীসকলক বিত্তীয় সাহায্য আৰু সমৰ্থন প্ৰদান কৰাৰ লক্ষ্যৰে চৰকাৰী আঁচনিসমূহৰ এক বিস্তৃত পৰিসৰৰ অন্বেষণ কৰিব পাৰে।^১৩ ই তথ্য সংশোধন, কৃষকৰ অভিযোগসমূহৰ সমাধান, আৰু সময়মতে শাৰীৰিক প্ৰমাণীকৰণ অনুশীলনৰ দৰে মানদণ্ডৰ ওপৰত আধাৰিত।^১৪

লগতে চাওক

• ভাৰতত কৃষি
• ভাৰতত কৃষি বীমা
• ভাৰতত জলসিঞ্চন
• ৰাষ্ট্ৰীয় কৃষি বিকাশ যোজনা