পিলু মমতাজ

পিলু মমতাজ (প্ৰায় ১৯৫৩ – ২৩ মে' ২০১১)^১ এগৰাকী বাংলাদেশী লোক-গায়িকা।^২

পটভূমি আৰু কেৰিয়াৰ

মমতাজৰ জন্ম হৈছিল ঢাকাত। বাংলাদেশী গায়ক উস্তাদ মমতাজ আলীৰ সাতটা সন্তানৰ ভিতৰত তেঁও তৃতীয় সন্তান আছিল।^২ ১৯৭১ চনত বাংলাদেশৰ স্বাধীনতাৰ ঠিক পিছৰ বছৰবোৰত তেওঁ নিজৰ কেৰিয়াৰ আৰম্ভ কৰে।^২ তেওঁৰ গীতসমূহৰ ভিতৰত আছিল "একদিন থো চলে জাবো", "চৰা গাচ-এ ফুল ফুইটাচে", আৰু বাংলাদেশী গীতিকাৰ আৰু কবি জাচিমুদ্দিনে লিখা "মাঝি নাও ছৈৰা দে"।^২

২০১০ চনৰ চিটিচেল-চেনেল ই মিউজিক এৱাৰ্ডত (Citycell-Channel i Music Awards) তেওঁৰ অন্তিমবাৰ ৰাজহুৱাকৈ গীত পৰিবেশন কৰিছিল।^২ মমতাজে বঁটা বিতৰণী অনুষ্ঠানত ফকিৰ আলমগিৰ আৰু ফাৰ্ডুছ ৱাহিদৰ সৈতে মঞ্চত উঠি প্ৰয়াত গায়ক ফিৰোজ শ্বাইৰ প্ৰতি শ্ৰদ্ধাঞ্জলি হিচাপে "এক চেকেণ্ড-এৰ নাই ভোৰোছা" গীতটো পৰিবেশন কৰে।^২

ব্যক্তিগত জীৱন আৰু মৃত্যু

মমতাজৰ এগৰাকী ভগ্নী আছিল দীপু মমতাজ। ৭ গৰাকী ভগ্নীৰ ভিতৰত মমতাজ আছিল তৃতীয় ভগ্নী। লেফটেনেণ্ট কৰ্ণেল আনোৱাৰুজ্জামানৰ সৈতে তেওঁ বিবাহপাশত আবদ্ধ হৈছিল। দুয়োৰে এগৰাকী কন্যা হোমাইৰা জামান মৌৰ জন্ম হয়।^২ ২০১১ চনৰ ২৩ মে'ত ঢাকাৰ এপ'ল' হাস্পতালত ৫৮ বছৰ বয়সত হৃদ ৰোগত আক্ৰান্ত হৈ মমতাজৰ মৃত্যু হয়।^২