নিক'ল ৱালেচ

নিক'ল আলেহান্দ্ৰা ৱালেচ দেল বাৰিঅ (জন্ম: ২২ মাৰ্চ ২০০২) এগৰাকী স্পেনীয় অভিনেত্ৰী আৰু গায়িকা। তেওঁ Skam Españaত নোৰা গ্ৰেচ, মাই ফ'ল্টত নোয়া, আৰু Netflix-ৰ ৰাইজিং ভইচেচত আলমাৰ ভূমিকাত অভিনয় কৰাৰ বাবে জনাজাত।

প্ৰাৰম্ভিক জীৱন আৰু শিক্ষা

নিক'ল ৱালেচৰ জন্ম আৰু ডাঙৰ হোৱা মাদ্ৰিদ, স্পেইনত। তেওঁৰ পিতৃ এজন আমেৰিকান, যাৰ ফলত তেওঁ স্পেনীছ আৰু ইংৰাজী দুয়োটা ভাষাতে দক্ষ।^১

তেওঁ শৈশৱতে সংগীত শিক্ষাগ্ৰহণ কৰিছিল, বিশেষকৈ ভায়োলা আৰু পিয়ানো বজোৱাত দক্ষতা অৰ্জন কৰিছিল, লগতে গানৰ প্ৰশিক্ষণো লৈছিল। ইয়াৰ উপৰি, তেওঁ হিপ-হপ, ফাংক আৰু আধুনিক নৃত্য অনুশীলন কৰিছিল।^২

তেওঁ মনোবিজ্ঞান বিষয়ত দূৰশিক্ষা গ্ৰহণ কৰিছিল যদিও অভিনয় কৰিয়েই আগবাঢ়ি গ'ল।^৩

অভিনয় জীৱন

ৱালেচে ২০০৮ চনত Excision নামৰ চুটি চলচ্চিত্ৰৰে অভিনয় আৰম্ভ কৰিছিল। কিন্তু ২০১৮ চনত Skam España-ত নোৰা গ্ৰেচৰ চৰিত্ৰত অভিনয় কৰি জনপ্ৰিয়তা লাভ কৰে।^৪

২০২৩ চনত তেওঁ My Fault চলচ্চিত্ৰত মুখ্য চৰিত্ৰ নোয়াৰ ভূমিকাত অভিনয় কৰে। এই Prime Video চলচ্চিত্ৰটো Wattpad উপন্যাস শৃংখলা Culpables-ৰ ওপৰত ভিত্তি কৰি নিৰ্মাণ কৰা হৈছিল।^৫

চলচ্চিত্ৰটোৰ সফলতাৰ পিছত, Prime Video-এ তাৰ দুইটো অংশ Your Fault আৰু Our Fault ঘোষণা কৰে, য'ত ৱালেচে নিজৰ চৰিত্ৰ পুনৰ অভিনয় কৰিব।^৬

তেওঁ ২০২৩ চনৰ Vera চলচ্চিত্ৰতো অভিনয় কৰিছিল, যিটো Steffy Argelich-এ পৰিচালনা কৰিছিল। তেওঁ বিভিন্ন চুটি চলচ্চিত্ৰ আৰু অন্য বহু প্ৰকল্পতো অংশগ্ৰহণ কৰিছে।