দোপো (কাপোৰ)

দোপো ( Dopo clothing) হৈছে হানবক নামৰ পোছাকৰ ভিতৰুৱা প' বা অভাৰকোট, যিটো প্ৰথমবাৰৰ বাবে ১৬ শতিকাৰ জো’চেন যুগৰ মাজভাগৰ পৰা পিন্ধা হৈছিল।^১২৩৪ জো’চেন যুগত চেঅ'নবি নামৰ পুৰুষ কনফুচিয়ান পণ্ডিতসকলৰ বেছিভাগেই এই দোপোটো পিন্ধিছিল।^৫৬ ইয়াক ৰজা আৰু ৰাজকুমাৰ আৰু চৰকাৰী বিষয়াসকলেও পিন্ধিছিল।^৭ দোপোৰ কনফুচিয়াছবাদৰ এটা শক্তিশালী মূল্য আছিল।^৭ ইয়াক নব্য কনফুচিয়াছ পণ্ডিতসকলে দৈনন্দিন বাহিৰৰ কাপোৰ হিচাপে পিন্ধিছিল,^৮ যাক সাধাৰণতে চৰকাৰী কামত পিন্ধা কাপোৰ হিচাপে বা আনুষ্ঠানিকতাৰ কাপোৰ বুলি কোৱা হৈছিল।^১ ইয়াৰ উপৰিও ই আছিল আদালতৰ বিষয়াসকলে পিন্ধা এটা সাধাৰণ চোলা।^১ ১৮৯৪ চনৰ সংস্কাৰ সাধনৰ পৰা দোপোকে ধৰি বহল হাতৰ সকলো ধৰণৰ প' ৰজা গ'জঙে সাধাৰণ মানুহে পিন্ধাটো নিষিদ্ধ কৰিছিল, সেয়ে ইয়াৰ পৰিৱৰ্তে মানুহে ডুৰুমাগি পিন্ধিবলগীয়া হৈছিল।^৯

গঠন আৰু শৈলী

দোপো হৈছে ভি-নেক (ইংৰাজী V আখৰটোৰ দৰে) আৰু বহল হাতৰ সৈতে এটা দীঘল অভাৰ-কোট।^১২ দোপো পিন্ধোতাজনৰ ভৰিৰ গোৰোহালৈকে ঢাক খাই থকাকৈ দীঘল।^১০১ সাধাৰণতে সাধাৰণ ব্যৱহাৰৰ বাবে বগা ৰঙৰ দোপো পিন্ধা হৈছিল, আনহাতে পাতল নীলা ৰঙৰ ড'পো উৎসৱমুখৰ অনুষ্ঠানৰ বাবে পিন্ধা হৈছিল।^১০৮ আন বহুতো ৰঙো দোপোৰ বাবে ব্যৱহাৰ কৰা হৈছিল। ৰেমিৰ পৰা তৈয়াৰী দোপো গ্ৰীষ্মকালত ব্যৱহাৰ কৰা হৈছিল; আনহাতে ৰেচম আৰু কপাহৰ পৰা তৈয়াৰী দোপো শীতকালত ব্যৱহাৰ কৰা হৈছিল।^৮ দোপো তৈয়াৰ কৰাৰ ক্ষেত্ৰত দোপোৰ মূল ৰূপটো পোন কলাৰ থকা জিক্ৰিয়ংৰ দৰেই আছিল।^৭ অৱশ্যে ই মু(gusset) আকৃতিৰ জিকিয়ংতকৈ পৃথক।^৭ দোপোৰ মু অংশ কাপোৰৰ ভিতৰত বা পিঠি ফালৰ ঠাইত পোৱা গৈছিল; ইয়াক কাপোৰৰ সম্মুখৰ অংশৰ কাষেৰে নি কাপোৰটোৰ পিছফালে দুটা ফ্লেপৰ সৃষ্টি কৰিছিল।^৭ দোপোৰ আন এটা বৈশিষ্ট্য হ'ল, ইয়াৰ পিছফালৰ অঞ্চলটো, যিটো পিঠিফালৰ সোঁমাজৰ ৰেখাত ২টা ভাগত বিভক্ত আৰু সম্পূৰ্ণৰূপে জেওনছাম নামৰ আন এটুকুৰা কাপোৰেৰে আবৃত কৰা হয়।^১ সাধাৰণ মানুহে পিন্ধা দোপোবোৰ ৰাজপৰিয়ালৰ সদস্যসকলে পিন্ধা দোপোতকৈ শৈলীৰ ফালৰ পৰা পৃথক আছিল; উদাহৰণস্বৰূপে, সাধাৰণ মানুহে পিন্ধা দোপোৰ লেপেল (বুকুৰ পৰা ডিঙিটো মেৰ খাই থকা কলাৰ অংশ) পোন আছিল আনহাতে ৰজা ইয়ংজোৱে পিন্ধা দোপোৰ লেপেল আছিল বৰ্গক্ষেত্ৰৰ আকৃতিৰ, যিটো নোমাল উপাদানৰ সংমিশ্ৰণৰ দ্বাৰা তৈয়াৰ কৰা হৈছিল।^৩

উৎপত্তি

এইটো লিখিত তথ্যৰ পৰা জনা যায় যে দোপো প্ৰথমে জোচেন বংশৰ মাজভাগত পৰিধান কৰা হৈছিল।^১ ঐতিহাসিক তথ্য আৰু ধ্বংসাৱশেষ অনুসৰি ১৬ শতিকাৰ পৰাই জোচেনত দোপৰ প্ৰচলন হ'বলৈ আৰম্ভ কৰে।^৩ লি ইউনজুৰ মতে, দোপো প্ৰথমে চীন দেশত প্ৰৱৰ্তন কৰা হৈছিল যদিও অতিৰিক্ত উপাদান সংযুক্ৰ কৰি কোৰিয়াত ইয়াক স্থানীয়কৰণ কৰা হৈছিল।^১১ Seongho saseol Ojuyeon munjang jeonsango ৰ দৰে উল্লেখযোগ্য ঐতিহাসিক নথি অনুসৰি এই কাপোৰখন বৌদ্ধ ধৰ্মৰ দ্বাৰা প্ৰভাৱিত আছিল। লেখকসকলে দাবী কৰিছিল যে, দোপো আছিল প্ৰথমে সন্ন্যাসীৰ চোলা যাক, gwontu বুলি কোৱা হৈছিল, যিটো জাংছাম বা সন্ন্যাসীৰ আন কাপোৰৰ সৈতে একে আছিল।^{১২১৩১৪} বৌদ্ধ জাংছাম (দীঘল চোলা) আছিল বৌদ্ধ ভিক্ষুসকলৰ পোছাক, যিটো “কাছায়া (কাপোৰ)’’ৰ তলত পিন্ধা হৈছিল; জোচেন যুগৰ আৰম্ভণিলৈকে, চীনা মঠৰ ঝিডুও চোলাৰ আকৃতিৰ আছিল৷^১৫ কোৰিয়াত জাপানী আক্ৰমণ(১৫৯২–১৫৯৮,ইমজিন যুদ্ধ)ৰ পিছত জোচেন ব্যৱস্থাত পোক চোলা হিচাপে গ্ৰহণ কৰা হয়, যিয়ে দোপো আৰু ডুৰুমাগি জংছাম (সন্যাসীৰ বস্ত্ৰ) হিচাপে ব্যৱহাৰ কৰা হয়।^১৫ চো গেউন-হীৰ মতে দোপো নামটোৰ উৎপত্তি চীন ভাষাৰ পৰা হ'ব পাৰে; কিন্তু দোপোৰ গঠন অন্যান্য ধৰণৰ পৰম্পৰাগত কোৰিয়ান পোছাকৰ প্ৰভাৱত বিকশিত হৈছিল৷^১৬