থ্ৰেডিং

থ্ৰেডিং হ’ল, ভাৰত আৰু মধ্য এছিয়াত উৎপত্তি হোৱা পুৰুষ আৰু মহিলা উভয়ৰে বাবে নোম আঁতৰোৱাৰ এক পদ্ধতি।^১২ বিশেষকৈ প্ৰসাধন সামগ্ৰীৰ প্ৰয়োগেৰে, বিশেষকৈ ভ্ৰূ আঁতৰোৱা/আকৃতি দিয়াৰ বাবে পশ্চিমীয়া দেশসমূহত ই জনপ্ৰিয়তা লাভ কৰিছে৷

কৌশল

থ্ৰেডিঙত কপাহৰ সূতা বা পলিয়েষ্টাৰৰ সূতা দুগুণ কৰা হয়, তাৰ পিছত পকোৱা হয়। তাৰ পিছত ইয়াক অবাঞ্চিত নোমৰ গুৰি অংশত গুটিয়াই নোমখিনি ফোলিকল স্তৰত ছিঙি পেলোৱা হয়। টুইজিঙৰ দৰে নহয়, য’ত একক চুলি এটা এটাকৈ টানি উলিওৱা হয়৷ থ্ৰেডিঙে নোমৰ চুটি চুটি শাৰীবোৰ আঁতৰাই পেলাব পাৰে।

ভ্ৰূত মম দিয়াৰ বিপৰীতে ভ্ৰূ থ্ৰেডিঙৰ বাবে উল্লেখ কৰা সুবিধাসমূহ হ’ল, ই ভ্ৰূ আকৃতি দিয়াত অধিক নিখুঁত আৰু নিয়ন্ত্ৰিত, আৰু ই ছালৰ বাবে কোমল হয়। এটা অসুবিধা হ’ল, ইয়াৰ ফলত দুখ পাব পাৰে, কিয়নো একেলগে কেইবাডালো নোম আঁতৰাই পেলোৱা হয়; কিন্তু সঠিকভাৱে অৰ্থাৎ সঠিক চাপৰ সৈতে কৰিলে ইয়াক কম কৰিব পাৰি।^৩

সূতা ব্যৱহাৰ কৰাৰ বিভিন্ন কৌশল আছে; যেনে, হাতৰ পদ্ধতি, মুখৰ পদ্ধতি আৰু ডিঙিৰ পদ্ধতি। প্ৰতিটো কৌশলৰ সুবিধা আৰু অসুবিধা আছে; কিন্তু মুখৰ পদ্ধতিটোৱেই আটাইতকৈ দ্ৰুত আৰু নিখুঁত।^৪

ভ্ৰু থ্ৰেডিং হৈছে মধ্যপ্ৰাচ্য আৰু দক্ষিণ এছিয়াত আৰম্ভ হোৱা এক শতিকা পুৰণি কৌশল।^২৫ কিছুমান দেশত ই বিবাহৰ প্ৰস্তুতিৰ বিভিন্ন অংশৰ এক আচাৰ-অনুষ্ঠানক বুজাইছিল।^২৬

১৯৮০ চনৰ শেষৰ ফালৰ পৰা আমেৰিকাত থ্ৰেডিং জনপ্ৰিয় হৈ উঠে, যেতিয়া এই দেশসমূহৰ পৰা অহা অনুপ্ৰৱেশকাৰীসকলে আমেৰিকাৰ বৃহৎ চহৰসমূহত থ্ৰেডিং ষ্টুডিঅ' স্থাপন কৰিবলৈ আৰম্ভ কৰে।^৬২ তেতিয়াৰ পৰা ইয়াৰ জনপ্ৰিয়তা বৃদ্ধি পাইছে।^৭৮ দ্য গাৰ্ডিয়ানৰ মতে, যুক্তৰাজ্যত ২০১৫ চনত থ্ৰেডিং সেৱাৰ বাবে অনলাইন চাৰ্চ ৫০% বৃদ্ধি পাইছে।^৯

লগতে চাওক

• থানাকা
• ফেচিয়েল
• ফেচিয়েল মাস্ক
• লিপষ্টিক
• মেনিকিউৰ
• পেডিকিউৰ