থ্ৰেডছ এপ

থ্ৰেডছ (Threads) হৈছে মেটা কোম্পানীৰ এটা নতুন সামাজিক মাধ্যম (social media) এপ, যাক মূলত টেক্সট-ভিত্তিক আলোচনা আৰু মতামত প্ৰকাশৰ বাবে ডিজাইন কৰা হৈছে। এই এপটো ইনষ্টাগ্ৰামৰ লগত গভীৰভাৱে সংযুক্ত, আৰু ই চলাচলৰ ক্ষেত্ৰত পূৰ্বৰ টুইটাৰ(এতিয়া X)-ৰ দৰে এটা প্লেটফৰ্ম হিচাপে বিবেচিত হৈছে। ^১

থ্ৰেডছ কি?

থ্ৰেডছ হৈছে মেটা কোম্পানীৰ ২০২৩ চনত বিকশিত বা মুকলি কৰা এটা টেক্সট-ভিত্তিক মাইক্ৰ'ব্লগিং চ’চিয়েল নেটৱৰ্কিং এপ। ইয়াত ব্যৱহাৰকাৰীয়ে ৫০০টা অক্ষৰলৈকে টেক্সট পোষ্ট কৰিব পাৰে, লগতে ফটো, ভিডিঅ’ আৰু লিংকো সংযোজন কৰিব পাৰে। এই এপটো ইনষ্টাগ্ৰামৰ লগত সম্পৰ্কিত — মানে ইনষ্টাগ্ৰামৰ পৰিচয় ব্যৱহাৰ কৰি থ্ৰেডছত লগ-ইন কৰিব পাৰি আৰু ইনষ্টাগ্ৰামৰ ফ'লোৱাৰবোৰ স্বয়ংক্ৰিয়ভাৱে লৈ যাব পাৰি। ^২

ইতিহাস

থ্ৰেডছ এপটো আনুষ্ঠানিকভাৱে ২০২৩ চনৰ ৫ জুলাইত মুকলি কৰা হৈছিল। যেতিয়া ইলন মাস্কে 'টুইটাৰ' (এতিয়াৰ X) কিনি লৈ বহুতো নতুন নিয়ম জাৰি কৰিছিল, তেতিয়া বহুতো ব্যৱহাৰকাৰীয়ে এটা বিকল্প বিচাৰি আছিল। মেটাৰ মুৰব্বী মাৰ্ক জুকাৰবাৰ্গে সেই সুযোগটো গ্ৰহণ কৰি থ্ৰেডছ এপ মুকলি কৰে।

থ্ৰেডছে কেনেকৈ কাম কৰে?

থ্ৰেডছৰ মূল উদ্দেশ্য হৈছে মানুহৰ মাজত মুক্ত আলোচনা আৰু মতামত বিনিময় সহজ কৰা। ইয়াত— টেক্সট-ভিত্তিক প্ৰকাশন বা থ্ৰেডছ লিখা হয় আন মানুহৰ পোষ্টত পছন্দচিহ্ন, প্ৰত্যুত্তৰ দিয়া, পুনৰ প্ৰকাশ কৰিব পৰা ব্যৱস্থা আছে। ইনষ্টাগ্ৰামৰ দৰে প্ৰ'ফাইল আৰু ফ'লোৱাৰছ বা অনুসৰণকাৰী সমূহ থ্ৰেডছত অনা যায় কমেণ্ট আৰু ভাৱৰ আদান-প্ৰদান কৰি আলোচনা আগবঢ়োৱা যায়। থ্ৰেডছত ডাইৰেক্ট মেচেজ (DM) আৰম্ভ হৈছে এতিয়া, আৰু ইয়াত বৰ্তমান এক-একে ব্যক্তিগত মেচেজ পাঠাব পাৰে — যদিও সংকেতীকৰণ বা গুপ্তীকৰণ সমৰ্থিত নহয়।

থ্ৰেডছৰ ব্যাপ্তি

থ্ৰেডছ ২০২৩ চনত বিশ্বজুৰি ১০০ ৰো অধিক দেশত মুকলি কৰা হৈছিল আৰু বহু মিলিয়ন ব্যৱহাৰকাৰীয়ে তাৰ পৰিচয় লাভ কৰিছে। পৰৱৰ্তী সময়ত নতুন নতুন ফিচাৰো যোগ কৰা হৈছে, যেনে—

• Ghost Posts: যি ২৪ ঘণ্টাৰ ভিতৰত স্বয়ংক্ৰিয়ভাৱে বিলুপ্ত হয়।
• সমূহীয়া বাৰ্তালাপ: একাধিক লোকৰ সৈতে গোট মেচেজিং বা বাৰ্তালাপ।

থ্ৰেডছ কিয় জনপ্ৰিয়?

থ্ৰেডছে ইনষ্টাগ্ৰাম আৰু এক্সৰ মাজত এটা নতুন ধৰণৰ প্লেটফৰ্ম প্ৰদান কৰে। ইয়াত—

• টেক্সট ভিত্তিক আলোচনা সহজ
• ইনষ্টাগ্ৰাম অনুসৰণকাৰী আনিব পাৰি
• পছন্দচিহ্ন, ৰিপ’ষ্ট, মন্তব্য ইত্যাদি ভাৱৰ আদান-প্ৰদান
• বিভিন্ন ধৰণৰ মিডিয়া (ছবি, ভিডিঅ’) সংযোগ।

সেয়েহে, ই এক নতুন ধৰণৰ “সমস্যা-সমাধান হোৱা ছচিয়েল নেটৱৰ্ক” হিচাপে আত্মপ্ৰকাশ কৰিছে।