জোনিতা গান্ধী

জোনিতা গান্ধী (Jonita Gandhi; জন্ম: ২৩ অক্টোবৰ, ১৯৮৯) ভাৰতীয় চলচ্চিত্ৰ আৰু সংগীত উদ্যোগত কৰা কামৰ বাবে পৰিচিত এগৰাকী কানাডাৰ গায়িকা।^১২ পেছাগতভাৱে জোনিতা নামেৰে জনা যায়।^৩৪ ২০২৪ চনৰ পৰা তেওঁ প্ৰথমবাৰৰ বাবে স্বতন্ত্ৰ ইপি ‘লাভ লাইক ডেট’ মুকলি কৰি একক পপ শিল্পী ৰূপে প্ৰদৰ্শন কৰে।^৫৬

তেওঁ মুখ্যতঃ হিন্দী, তামিল, তেলেগু ভাষাত গীত বাণীবদ্ধ কৰিছে। পাঞ্জাবী, মাৰাঠী, গুজৰাটী, বাংলা ভাষাতো তেওঁ কম পৰিমাণে গীত বাণীবদ্ধ কৰিছে। তেওঁৰ কিছুমান প্ৰশংসিত গীতৰ ভিতৰত "দ্য ব্ৰেক আপ চং ", "মেণ্টেস মানাদিল " অন্যতম। তেওঁ নিজৰ ইউটিউব উপস্থিতিৰ বাবেও জনা যায়। ২০১৩ চনত চেন্নাই এক্সপ্ৰেছৰ জৰিয়তে তেওঁৰ চলচ্চিত্ৰত নেপথ্য কণ্ঠশিল্পী ৰূপে যাত্ৰা আৰম্ভ হয়।^৭৮