জমীন কি দোস্ত

জমীন কি দোস্ত; পোছাকী নাম: উইলিমিনা লিওনোৰা আৰ্মষ্ট্ৰং, জন্ম: ১৪ আগষ্ট, ১৮৬৬ চন – মৃত্যু: ২ নৱেম্বৰ, ১৯৪৭ চন; আছিল এগৰাকী আমেৰিকান চিকিৎসক, লেখিকা আৰু প্ৰবক্তা। তেওঁৰ গ্ৰন্থ ইনচেন্স অৱ চেণ্ডেলউড (১৯০৪)^১ আৰু উইল লেভিংটন কম্ফৰ্টৰ সহযোগত লিখা আৰু ছন অৱ পাৱাৰ (১৯২০) নামেৰে প্ৰকাশিত ভাৰতৰ কাহিনীৰ বাবে তেওঁ বেছিকৈ পৰিচিত।^২

প্ৰাথমিক জীৱন আৰু শিক্ষা

১৮৬৬ চনত নেব্ৰাস্কাত উইলিয়াম লিঅ'নাৰ্ড আৰ্মষ্ট্ৰং আৰু এলিজাবেথ ছামাৰ্ছ আৰ্মষ্ট্ৰং (১৮৩০-১৮৭০)ৰ কন্যা উইলিমিনা লিওনোৰা আৰ্মষ্ট্ৰঙৰ জন্ম হৈছিল।^৩ তেওঁৰ পিতৃ আমেৰিকাৰ গৃহ-যুদ্ধত ইউনিয়ন আৰ্মীৰ অস্ত্ৰোপচাৰ বিশেষজ্ঞ আছিল। ফিলাডেলফিয়াত তেওঁ শিক্ষা লাভ কৰিছিল।^৪

কেৰিয়াৰ

১৮৮৭ চনত তেওঁ চিকিৎসা মিছনেৰী হিচাপে ভাৰতলৈ যায় আৰু তেওঁৰ ডাঙৰ ভগ্নী চিকিৎসক চেলেনি আৰ্মষ্ট্ৰং-হপকিন্সৰ সৈতে সেৱা আগবঢ়ায়।^৫ ১৯০১ চনত তেওঁ লছ এঞ্জেলছত দৰ্শনৰ শিক্ষক,^৬ আৰু গল্প আৰু কবিতা লিখি বসতি স্থাপন কৰে।^৪ ১৯০৪ চনত তেওঁ ইনচেন্স অৱ চেণ্ডেলউদ নামৰ কিতাপখন প্ৰকাশ কৰে য'ত তেওঁ ভাৰতত বাস কৰাৰ অভিজ্ঞতা লিপিৱদ্ধ কৰে।^৫ উইল লেভিংটন কম্ফৰ্টৰ সহযোগত ছন অৱ পাৱাৰ হিচাপে প্ৰকাশিত জমীন কি দোস্ত নামৰ কলম নামেৰে ভাৰতৰ আঠাইশটা গল্প লিখিছিল।^৭ তেওঁ গীতো ৰচনা কৰিছিল।^৮ ১৯১৩ চনত আৰ্মষ্ট্ৰঙে সম্মোহনৰদ্বাৰা তেওঁৰ এগৰাকী ছাত্ৰৰপৰা ঋণ ল'বলৈ বাধ্য কৰাই মামলা কৰা হয়।^৯

মৃত্যু

১৯৪৭ চনত উইলিমিনা লিওনোৰা আৰ্মষ্ট্ৰঙৰ মৃত্যু হয় আৰু তেওঁক কেলিফৰ্ণিয়াৰ চিলমাৰৰ গ্লেন হেভেন মেম’ৰিয়েল পাৰ্কত সমাধিস্থ কৰা হয়। তেওঁৰ গৱেষণা পত্ৰসমূহ বিশেষ সংগ্ৰহ বিভাগৰ ইউচিএলএ লাইব্ৰেৰীত আছে।^১০

কৃতিত্ব

কিতাপ

তলত উল্লেখ কৰা গ্ৰন্থসমূহৰ উপৰি তেওঁ কেইবাটাও উল্লেখযোগ্য গীতো ৰচনা কৰিছিল।

• ১৯০৪ – উইলিমিনা লিওনোৰা আৰ্মষ্ট্ৰং, ইনচেন্স অৱ দ্য চেণ্ডেলউড^১
• ১৯২০ – উইল লেভিংটন কম্ফৰ্ট, উইলিমিনা লিওনোৰা আৰ্মষ্ট্ৰং, ছন অৱ পাৱাৰ^২
• ১৯৩১ – উইল লেভিংটন কম্ফৰ্ট, জমীন কি দোস্ত, কেৰ'লিন ৰেনাৰ, বেষ্টিয়েন উণ্ড হাইলিগে^১১
• ১৯৫৭ – এছেন্সিয়েল থিংছ টু নো এণ্ড ডু, নূৰ ঝানে সংকলিত কৰে^১২

গীত

• ১৯০৮ – জমীন কী দোস্ত, হেভ নো ফিয়েৰ^১৩
• ১৯০৮ – জমীন কী দোস্ত, আৰ্মাগেদন ^১৪
• ১৯০৮ – জমীন কী দোস্ত, লাইট অফ মাই আইজ^১৫
• ১৯০৮ – জমীন কী দোস্ত, আই হিয়েৰ হিজ ভয়েচ কলিং মি^১৬
• ১৯০৮ – জমীন কী দোস্ত, আমেৰিকা ইনভিন্সিবল; অফিচ ফৰ আৱাৰ ডেড^১৭ আদি।