চেলিন দিয়ঁ

চেলিন মাৰী ক্ল'দেৎ দিয়ঁ (Céline Marie Claudette Dion,; জন্ম ৩০ মাৰ্চ ১৯৬৮) এগৰাকী কানাডীয় গায়িকা, উদ্যোক্তা আৰু সমাজহিতৈষী।^১২ "পাৱাৰ বেলাডৰ ৰাণী" বুলি অভিহিত দিয়ঁ তেওঁৰ শক্তিশালী, প্ৰযুক্তিগতভাৱে দক্ষ কণ্ঠ আৰু ব্যৱসায়িকভাৱে সফল কৰ্মৰাজীৰ বাবে পৰিচিত, যিবোৰে জনপ্ৰিয় সংগীতৰ ওপৰত এক গুৰুত্বপূৰ্ণ প্ৰভাৱ পেলাইছে। বিশ্বজুৰি ২০ কোটিতকৈও অধিক ৰেকৰ্ড বিক্ৰী হোৱাৰ সৈতে দিয়ঁ সৰ্বাধিক বিক্ৰী হোৱা কানাডিয়ান ৰেকৰ্ডিং শিল্পী, সৰ্বাধিক বিক্ৰী হোৱা ফৰাচী ভাষী শিল্পী আৰু বিশ্বৰ অন্যতম সৰ্বাধিক বিক্ৰী হোৱা সংগীত শিল্পী।

শ্বাৰ্লমাইন, কেবেকৰ এটা ডাঙৰ পৰিয়ালত জন্মগ্ৰহণ কৰা দিয়ঁক তেওঁৰ ভৱিষ্যতৰ মেনেজাৰ তথা স্বামী ৰ‍্যনে অঁজেলিলে আৱিষ্কাৰ কৰিছিল আৰু ১৯৮০ৰ দশকত আঠটা ফৰাচী ভাষী এলবামেৰে নিজৰ দেশত এজন কিশোৰ তাৰকা হিচাপে আত্মপ্ৰকাশ কৰিছিল। ১৯৮৮ চনৰ ইউৰোভিজন সংগীত প্ৰতিযোগিতাত জয়লাভ কৰি তেওঁ আন্তঃৰাষ্ট্ৰীয় স্বীকৃতি লাভ কৰে, য'ত তেওঁ "ন্য পাৰ্তে পা ছঁ মোৱা" গীতটিৰে। দিয়ঁই বাৰটা ইংৰাজী ভাষী এলবাম মুকলি কৰে, যাৰ ভিতৰত আছিল সৰ্বাধিক বিক্ৰী হোৱা এলবাম The Colour of My Love (১৯৯৩), Falling into You (১৯৯৬), আৰু Let's Talk About Love (১৯৯৭), লগতে একবিংশ শতিকাৰ তেওঁৰ আটাইতকৈ বেছি বিক্ৰী হোৱা এলবাম A New Day Has Come (২০০২)। চলচ্চিত্ৰৰ মূল গীত পৰিৱেশনৰ বাবেও তেওঁ পৰিচিত হৈ পৰিছিল, যেনে ডিজনীৰ একে নামৰ চলচ্চিত্ৰখনৰ বাবে "বিউটি এণ্ড দ্য বিষ্ট" (১৯৯১), আপ ক্ল'জ এণ্ড পাৰ্চনেল (১৯৬)ৰ বাবে "Because You Loved Me", আৰু টাইটানিক (১৯৯৭)ৰ বাবে "My Heart Will Go On", যিটো সৰ্বাধিক বিক্ৰী হোৱা একক গীতসমূহৰ ভিতৰত অন্যতম হৈ পৰিছিল।

দিয়ঁই প্ৰতিটো ইংৰাজী ৰেকৰ্ডৰ মাজৰ সময়ছোৱাত ফৰাচী ভাষী এলবাম মুকলি কৰি গৈছিল, যাৰ ভিতৰত D'eux (১৯৯৫) সৰ্বাধিক বিক্ৰী হোৱা ফৰাচী ভাষী এলবাম হিচাপে পৰিগণিত হয়। ইয়াৰ উপৰিও তেওঁ লাইভ পৰিৱেশক হিচাপেও নিজৰ সুনাম গঢ়ি তুলিছিল। তেওঁৰ Let's Talk About Love World Tour (১৯৯৮–১৯৯৯) আৰু Taking Chances World Tour (২০০৮–২০০৯) — যিবোৰ ১৯৯০ আৰু ২০০০ দশকৰ সৰ্বাধিক উপাৰ্জনকাৰী কনচাৰ্ট ভ্ৰমণসমূহৰ ভিতৰত অন্যতম — লগতে A New Day... (২০০৩–২০০৭) আছিল আটাইতকৈ বেছি উপাৰ্জন কৰা কনচাৰ্ট ৰেচিডেন্সী। Los Angeles Times-এ তেওঁক ২০০০ দশকৰ সৰ্বাধিক উপাৰ্জনকাৰী শিল্পী হিচাপে নামকৰণ কৰিছিল, যাৰ সংযুক্ত এলবাম বিক্ৰী আৰু কনচাৰ্টৰ ৰাজহ ৭৪৭ নিযুত ডলাৰতকৈও অধিক আছিল। ২০২২ চনত ষ্টিফ-পাৰ্চন চিনড্ৰম ধৰা পৰাৰ পিছত দিয়ঁই তেওঁৰ Courage World Tour বাতিল কৰে।

দিয়ঁৰ সন্মানসমূহৰ ভিতৰত আছে ৫টা গ্ৰেমী বঁটা, ২০টা জুনো বঁটা, সাতটা আমেৰিকান মিউজিক এৱাৰ্ড, নটা বিলবোৰ্ড মিউজিক এৱাৰ্ড, আৰু হলিউড ৱাক অৱ ফেম তথা কানাডাজ ৱাক অৱ ফেমত স্থান লাভ। তেওঁৰ সাতটা এলবাম বিশ্বজুৰি অন্ততঃ ১ কোটি কপি বিক্ৰী হৈছে, যিটো মহিলাসকলৰ ভিতৰত দ্বিতীয় সৰ্বাধিক। VH1-এ তেওঁক সংগীতৰ মহানতম মহিলাসকলৰ ভিতৰত আৰু MTV-এ সংগীতৰ মহানতম কণ্ঠসমূহৰ ভিতৰত স্থান দিছিল। দিয়ঁ হৈছে সৰ্বাধিক উপাৰ্জনকাৰী লাইভ মিউজিক শিল্পীসকলৰ ভিতৰত অন্যতম, কনচাৰ্টৰ ৰাজহৰ পৰা ১০০ কোটি মাৰ্কিন ডলাৰ সংগ্ৰহ কৰা দ্বিতীয়গৰাকী মহিলা আৰু বিশ্বৰ অন্যতম ধনী সংগীতজ্ঞ। Forbes-এ তেওঁক ১৯৯৭, ১৯৯৮, ২০০৪ আৰু ২০০৬ চনৰ সৰ্বাধিক দৰমহা পোৱা মহিলা সংগীতজ্ঞ হিচাপে স্থান দিছিল। তেওঁ বাৰ্কলী কলেজ অৱ মিউজিক আৰু Université Laval-ৰ পৰা সংগীতৰ সন্মানীয় ডক্টৰেট ডিগ্ৰী লাভ কৰে। দিয়ঁক ফ্ৰান্সৰ সৰ্বোচ্চ অসামৰিক সন্মান লেজিয়ন অৱ অনাৰ প্ৰদান কৰা হয় আৰু তেওঁক কম্পেনিয়ন অৱ দ্য অৰ্ডাৰ অৱ কানাডালৈ উন্নীত কৰা হয়।