চিত্ৰা মণ্ডল জৈৱ অণু আৰু স্বাস্থ্য আৰু ৰোগৰ ক্ষেত্ৰত ইয়াৰ প্ৰয়োগৰ ক্ষেত্ৰখনত অধ্যয়ন কৰা এগৰাকী ৰাসায়নিক জীৱবিজ্ঞানী। পিছলৈ তেওঁ কৰ্কট ৰোগৰ চিকিৎসাৰ ওপৰত কাম কৰিছিল। তেওঁ ভাৰতৰ কলিকতাত থকা চি. এছ. আই. আৰ-ইণ্ডিয়ান ইনষ্টিটিউট অৱ কেমিকেল বায়'লজীৰ কাৰ্য্যবাহী সঞ্চালক হিচাপে ২০১৪-২০১৫ ৰ সময়ছোৱাত কাৰ্যনিৰ্বাহ কৰিছিল।
শিক্ষা আৰু কৰ্মজীৱন
মণ্ডলে তেওঁৰ কেৰিয়াৰৰ আৰম্ভণিতে বাংগালোৰৰ ইণ্ডিয়ান ইনষ্টিটিউট অৱ ছায়েন্সৰ পৰা জৈৱ-জৈৱিক ৰসায়ন বিজ্ঞানৰ ক্ষেত্ৰত পি, এইচ, ডি সম্পূৰ্ণ কৰিছিল। তেওঁ ফিলাডেলফিয়াৰ পেনচিলভেনিয়া বিশ্ববিদ্যালয় স্নাতকোত্তৰ গৱেষণা কৰিবলৈ গৈছিল। ভাৰতলৈ উভতি আহি তেওঁ চিএছআইআৰ-আইআইচিবি-ত জ্যেষ্ঠ বিজ্ঞানী হিচাপে যোগদান কৰিছিল আৰু সেৱা আগবঢ়াইছিল। পিছলৈ তেওঁ কলকাতাৰ উদ্ভাৱন কমপ্লেক্সৰ মুৰব্বী হৈছিল আৰু তাৰপিছত ২০১০ চনৰ পৰা ২০১৫ চনলৈকে ইয়াৰ সঞ্চালক আছিল। তেওঁৰ গৱেষণা ক্ষেত্ৰ হৈছে মূলতঃ জৈৱ অণুৰ গ্লাইকোচাইলেছন আৰু ৰোগ ব্যৱস্থাপনা, কৰ্কট ৰোগ আৰু টিউমাৰৰ প্ৰতিৰোধ বিজ্ঞানত ইয়াৰ সম্ভাৱ্য প্ৰয়োগ।১ পৰীক্ষাগাৰটোৱে ভাৰতৰ থলুৱা ঔষধি উদ্ভিদ ব্যৱহাৰ কৰি কম খৰচী স্বাস্থ্যসেৱা সমাধানৰ বিষয়েও তদন্ত কৰি আছে। উদাহৰণস্বৰূপে, কৰ্কট কোষৰ চিকিৎসাত এক অ-বিষাক্ত ভেষজ অণুৰ চিনাক্তকৰণ।
বাহ্যিক সংযোগ
তথ্যসূত্ৰ
- ↑ Welcome to CSIR - Indian Institute of Chemical Biology. iicb.res.in
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “চিত্ৰা মণ্ডল” প্ৰবন্ধৰ সংশোধন ৪১৯৬৯৩ (২৫ এপ্ৰিল ২০২৪)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।