কেডিষ্ট ডেল্টুৰ

কেডিষ্ট ডেল্টুৰ (জন্ম: ২৯ জুলাই ১৯৯৭) এগৰাকী বেলজিয়ান মডেল আৰু সৌন্দৰ্য প্ৰতিযোগিতাৰ খিতাপধাৰী যিয়ে মিছ বেলজিয়াম ২০২১ ৰ মুকুট লাভ কৰিছিল। তেওঁ ২০২৪ চনৰ ৯ মাৰ্চত অনুষ্ঠিত মিছ ৱৰ্ল্ড ২০২৩ প্ৰতিযোগিতাত নিজৰ দেশক প্ৰতিনিধিত্ব কৰিছিল।

প্ৰাৰম্ভিক জীৱন

ডেল্টুৰৰ জন্ম ইথিঅ’পিয়াৰ আদ্দিস আবাবাত হৈছিল।^১ তেওঁৰ আঠ বছৰ বয়সত মাতৃৰ কেন্সাৰ ৰোগত মৃত্যু হয়। ইয়াৰ পিছত তেওঁৰ পিতৃয়ে পুনৰ বিবাহ কৰায়। ডেল্টুৰৰ মাহীমাকে তেওঁক শাৰীৰিক নিৰ্যাতন চলাইছিল আৰু ন বছৰ বয়সত তেওঁৰ পিতৃয়ে ডেল্টুৰ আৰু তেওঁৰ ভাই-ভনীসকলক এটা অনাথ আশ্ৰমত এৰি থৈ আহে।^২ ডেল্টুৰৰ দহ বছৰ বয়সত তেওঁক আৰু তেওঁৰ ভাই-ভনীসকলক এহাল বেলজিয়ান দম্পতী পিটাৰ আৰু নাডেজ ডেল্টুৰে তুলি লয় আৰু তেওঁলোক ৱেষ্ট ফ্লেণ্ডাৰ্ছৰ ৱোষ্টেনলৈ গুচি আহে।^২৩ বেলজিয়ামত ডেল্টুৰে হেয়াৰ ড্ৰেচাৰ হোৱাৰ বৃত্তিমূলক প্ৰশিক্ষণ সম্পূৰ্ণ কৰে আৰু পিছলৈ ইষ্ট ফ্লেণ্ডাৰ্ছৰ নাজৰেথলৈ স্থানান্তৰিত হয়।^৪১

সৌন্দৰ্য প্ৰতিযোগিতা

২০২০ চনত ডেল্টুৰে সৌন্দৰ্য প্ৰতিযোগিতাৰ কেৰিয়াৰ আৰম্ভ কৰে আৰু মিছ ইষ্ট ফ্লেণ্ডাৰ্ছ ২০২১ নিৰ্বাচিত হয়। ইয়াৰ ফলত তেওঁ মিছ বেলজিয়াম ২০২১ ত প্ৰদেশখনক প্ৰতিনিধিত্ব কৰাৰ অধিকাৰ লাভ কৰে। ২০২১ চনৰ ৩১ মাৰ্চত আদিনকাৰ্কত অনুষ্ঠিত মিছ বেলজিয়ামৰ চূড়ান্ত প্ৰতিযোগিতাত তেওঁ বিজয়ী হয়।^৫ পুৰস্কাৰ হিচাপে তেওঁ এখন গুলপীয়া ভলভো গাড়ী লাভ কৰে।

মিছ বেলজিয়াম হিচাপে ডেল্টুৰে মিছ ইউনিভাৰ্ছ ২০২১ ত বেলজিয়াক প্ৰতিনিধিত্ব কৰিছিল যদিও কোনো স্থান লাভ কৰিব নোৱাৰিলে। পৰৱৰ্তী সময়ত তেওঁ মিছ ৱৰ্ল্ড ২০২৩ ত অংশগ্ৰহণ কৰি শীৰ্ষ ৪০ গৰাকীৰ ভিতৰত স্থান লাভ কৰে।