কেগনী লিন কাৰ্টাৰ

কেগনী লিন কাৰ্টাৰ (ইংৰাজী ভাষা: Kagney Linn Karter; ২৮ মাৰ্চ ১৯৮৭ – ১৫ ফেব্ৰুৱাৰী ২০২৪) এগৰাকী আমেৰিকা যুক্তৰাষ্ট্ৰন পৰ্ণগ্ৰাফিক চলচ্চিত্ৰৰ অভিনয় শিল্পী আৰু 'এক্সটিক ডান্সাৰ' আছিল। অভিনয় আৰু সংগীতৰ কেৰিয়াৰ গঢ়িবলৈ মিজুৰীৰ পৰা কেলিফৰ্ণিয়ালৈ অহাৰ পিছত তেওঁ কামোদ্দীপক ফটোগ্ৰাফাৰ হলী ৰেণ্ডেলৰ বাবে পোজ দিছিল আৰু 'নটি আমেৰিকা' তথা 'এলিগেণ্ট এঞ্জেল'ৰ প্ৰাপ্তবয়স্ক ছবিত অভিনয় কৰিছিল। ২০১০ চনত তেওঁ 'জিৰো টলাৰেন্স এণ্টাৰটেইনমেণ্ট'ৰ এগৰাকী একচেটিয়া চুক্তিবদ্ধ শিল্পী হৈ পৰে। ইয়াৰ উপৰিও তেওঁ পেণ্টহাউচ আৰু হাষ্টলাৰ আলোচনীত স্থান লাভ কৰিছিল।

প্ৰাৰম্ভিক জীৱন

১৯৮৭ চনৰ ২৮ মাৰ্চত টেক্সাছৰ হেৰিছ কাউণ্টিত কাৰ্টাৰৰ জন্ম হৈছিল।^১ তেওঁ মিজুৰীৰ ছেইণ্ট জোচেফ আৰু পেঞ্চিলভেনিয়াৰ ৰিজৱেত ডাঙৰ-দীঘল হৈছিল।^২

কেৰিয়াৰ

কাৰ্টাৰে মিজুৰীত থকা সময়ছোৱাত এগৰাকী ষ্ট্ৰিপাৰ হিচাপে কাম কৰিছিল আৰু ২০০৭ চনত ৰাজ্যখনৰ 'ডেজা ভু' (Déjà Vu) বছৰটোৰ শ্ৰেষ্ঠ শ্ব'গাৰ্ল হিচাপে মনোনীত হৈছিল।^৩

পৰৱৰ্তী সময়ত তেওঁ অভিনয় আৰু সংগীতৰ কেৰিয়াৰ গঢ়িবলৈ কেলিফৰ্ণিয়ালৈ গুচি যায়। তেওঁ এগৰাকী 'এক্সটিক ডান্সাৰ' হিচাপেও কাম কৰি থকা বুলি জানিব পাৰি পৰিচালকৰ সৈতে কাৰ্টাৰৰ মতানৈক্য ঘটে।^২ নৃত্য অব্যাহত ৰখাৰ লগতে তেওঁ মডেলিং জগতত প্ৰৱেশ কৰে আৰু 'এল এ ডাইৰেক্ট মডেলছ'ৰ সৈতে চুক্তিবদ্ধ হোৱাৰ পিছত কামোদ্দীপক ফটোগ্ৰাফাৰ হলী ৰেণ্ডেলৰ বাবে পোজ দিয়ে।^২

কাৰ্টাৰে ২০০৮ চনৰ ছেপ্টেম্বৰ মাহত প্ৰাপ্তবয়স্ক চলচ্চিত্ৰ উদ্যোগত প্ৰৱেশ কৰে।^৪ তেওঁৰ প্ৰথমটো দৃশ্য আছিল 'নটি আমেৰিকা'ৰ বাবে জনি চিন্সৰ সৈতে।^২ ২০০৯ চনত তেওঁ জুন মাহৰ 'পেণ্টহাউচ পেট অৱ দ্য মান্থ' হিচাপে নিৰ্বাচিত হয় আৰু এপ্ৰিল মাহত 'হাষ্টলাৰ' তথা জুন মাহত 'এভিএন' (AVN) আলোচনীৰ বেটুপাতত স্থান লাভ কৰে।^৪৫ ২০০৯ চনৰ অক্টোবৰত প্ৰকাশিত হলী ৰেণ্ডেলৰ ফটো বুক 'ইৰটিক ড্ৰিম গাৰ্লছ'ৰ বেটুপাততো কাৰ্টাৰক দেখা গৈছিল।^৬ ২০১০ চনৰ জানুৱাৰীত তেওঁ 'জিৰো টলাৰেন্স এণ্টাৰটেইনমেণ্ট'ৰ সৈতে এক একচেটিয়া অভিনয়ৰ চুক্তি স্বাক্ষৰ কৰে।^৭ ইয়াৰ উপৰিও তেওঁ 'এলিগেণ্ট এঞ্জেল'ৰ চলচ্চিত্ৰতো অভিনয় কৰিছিল।

কাৰ্টাৰে ৱিল ৰাইডাৰৰ পৰিচালনাত নিৰ্মিত 'নট মেৰীড উইথ চিল্ড্ৰেন এক্সএক্সএক্স' (২০০৯) আৰু 'অফিচিয়েল চাইলেন্স অৱ দ্য লেমবছ পেৰডী' (২০১১) নামৰ পেৰডী চিনেমা দুখনত অভিনয় কৰিছিল। তেওঁ লুই থেৰক্সৰ তথ্যচিত্ৰ 'টুইলাইট অৱ দ্য পৰ্ণ ষ্টাৰ্ছ' (২০১২) ত উপস্থিত হৈছিল, য’ত প্ৰকাশ পাইছিল যে পৰ্ণ উদ্যোগৰ পৰা হোৱা উপাৰ্জনৰ উপৰি তেওঁ ৱেবকাম শ্ব'ও কৰিছিল।^৮ ২০২৪ চনত মৃত্যুৰ এবছৰ আগলৈকে তেওঁ মাজে মাজে প্ৰাপ্তবয়স্ক ছবিত অভিনয় কৰি আছিল। তেওঁক মৰণোত্তৰভাৱে 'এক্সআৰচিঅ' হল অৱ ফেেম' (XRCO Hall of Fame) আৰু 'এভিএন হল অৱ ফেেম'ত অন্তৰ্ভুক্ত কৰা হয়।^৯১০

মৃত্যু

২০২৪ চনৰ ১৫ ফেব্ৰুৱাৰীত ৩৬ বছৰ বয়সত ওহাইঅ'ৰ ক্লিভলেণ্ডৰ ওচৰৰ নিজা বাসগৃহত কাৰ্টাৰে আত্মহত্যা কৰে।^১১১২

বঁটা আৰু মনোনয়নসমূহ