কাৰ এণ্ড বাইক

কাৰ এণ্ড বাইক (Carandbike.com) হৈছে ২০১৫ চনত প্ৰতিষ্ঠা হোৱা ভাৰতীয় অটোমোটিভ নিউজ প'ৰ্টেল আৰু ব্যৱহৃত গাড়ীৰ অনলাইন বজাৰ। ই অটোমোবাইল উদ্যোগৰ বিষয়ে বাতৰি সামৰি লয় আৰু বৰ্তমান ই এনডিটিভিৰপৰা অধিগ্ৰহণ কৰা মহিন্দ্ৰা গ্ৰুপৰ মালিকানাধীন ৱেবছাইট। এই প্লেটফৰ্মটোক এনডিটিভি অটো বুলিও কোৱা হয় আৰু ই নতুন আৰু ব্যৱহৃত গাড়ী দুয়োটাৰে বজাৰ হিচাপে কাম কৰে, লগতে অটোমোটিভ খণ্ডৰ বিষয়েও পৰ্যালোচনা প্ৰকাশ কৰে।^১২ বৰ্তমান কাৰ এণ্ড বাইকৰ মুখ্য সম্পাদক গিৰিশ কাৰ্কেৰা।^৩

ইতিহাস

কাৰ এণ্ড বাইক ২০১৫ চনত আৰম্ভ কৰা হৈছিল আৰু ই ফিফথ গিয়াৰ ভেঞ্চাৰছৰ দ্বাৰা পৰিচালিত হৈছিল।^২ ই এনডিটিভি]ৰ অংশ আছিল, যিটো পিছত মহিন্দ্ৰা ফাৰ্ষ্ট চয়ছ হুইলছ লিমিটেডৰ জৰিয়তে মাহিন্দ্ৰা এণ্ড মাহিন্দ্ৰা গ্ৰুপে অধিগ্ৰহণ কৰে।^৪

২০১৬ চনত এনডিটিভি লিমিটেডে কোম্পানীটোৰ ৩৯.৫৭ শতাংশ শ্বেয়াৰ ধৰি আছিল, যেতিয়া এনডিটিভি কনভাৰ্জেঞ্চ লিমিটেডৰ ওচৰত ৩৯.৫৮ শতাংশ শ্বেয়াৰ আছিল।^৫

জানুৱাৰী ২০১৬ চনত, কাৰ এণ্ড বাইকে মাহিন্দ্ৰা গ্ৰুপৰ সৈতে মিলি মাহিন্দ্ৰা কেভিইউ ১০০ (KUV100) লঞ্চ কৰিছিল।^৬ জানুৱাৰী ২০১৮ চনত, টাটা মটৰ্ছে টাটা টিয়াগো গাড়ীৰ অনলাইন বুকিঙৰ বাবে কাৰ এণ্ড বাইকৰ সৈতে অংশীদাৰী কৰিছিল।^১

কাৰ এণ্ড বাইক বঁটা

অটোমোবাইল উদ্যোগৰ শ্ৰেষ্ঠসকলক স্বীকৃতি দিবলৈ কোম্পানীটোৱে কাৰ এণ্ড বাইক বঁটা প্ৰদান কৰে।^৭