এবেলা ডেঞ্জাৰ

এবেলা ডেঞ্জাৰ (ইংৰাজী ভাষা: Abella Danger; জন্ম: ১৯ নৱেম্বৰ ১৯৯৫^১) এগৰাকী আমেৰিকা যুক্তৰাষ্ট্ৰন প্ৰাক্তন পৰ্ণগ্ৰাফিক চলচ্চিত্ৰৰ অভিনয় শিল্পী আৰু পৰিচালক। তেওঁ ২০১০ দশকৰ মাজভাগত প্ৰাপ্তবয়স্ক চলচ্চিত্ৰ উদ্যোগত অন্যতম জনপ্ৰিয় আৰু চাহিদাসম্পন্ন অভিনেত্ৰী হিচাপে পৰিচিত হয়। বিভিন্ন চলচ্চিত্ৰ, ৱেবছাইট আৰু ভিডিঅ' প্ৰকল্পত অভিনয় কৰাৰ বাবে তেওঁ বিশেষভাৱে জনাজাত।^২

প্ৰাৰম্ভিক জীৱন আৰু কেৰিয়াৰ

ডেঞ্জাৰৰ জন্ম আৰু লালন-পালন ফ্ল'ৰিডাৰ মায়ামিত হৈছিল।^৩ তেওঁ কৈশোৰকালত নৃত্য আৰু বিনোদন জগতৰ প্ৰতি আগ্ৰহী আছিল। ২০১৪ চনৰ জুলাই মাহত তেওঁ 'বেং ব্ৰজ' নামৰ কোম্পানীৰ জৰিয়তে প্ৰাপ্তবয়স্ক চলচ্চিত্ৰ উদ্যোগত আত্মপ্ৰকাশ কৰে।^৪ আত্মপ্ৰকাশৰ পিছতেই তেওঁ উদ্যোগটোত দ্ৰুত জনপ্ৰিয়তা লাভ কৰে আৰু বহুসংখ্যক প্ৰযোজনা প্ৰতিষ্ঠানৰ সৈতে কাম কৰে।

পৰৱৰ্তী সময়ত তেওঁ কেলিফৰ্ণিয়াৰ লছ এঞ্জেলছলৈ গুচি যায় আৰু পেছাদাৰীভাৱে চলচ্চিত্ৰ উদ্যোগত কাম অব্যাহত ৰাখে। ফৰ্চুন আলোচনীয়ে তেওঁক প্ৰাপ্তবয়স্ক চলচ্চিত্ৰ উদ্যোগৰ অন্যতম জনপ্ৰিয় অভিনেত্ৰী হিচাপে বৰ্ণনা কৰিছে।^৫ অভিনয়ৰ উপৰিও তেওঁ কিছুমান প্ৰকল্পত পৰিচালক হিচাপেও কাম কৰিছে।^৬

২০১৯ চনত ডেঞ্জাৰক মূলধাৰাৰ হলিউড অভিনেত্ৰী বেলা থৰ্ণৰ পৰিচালিত প্ৰথমখন পৰ্ণ ছবি হাৰ এণ্ড হিমত অভিনয়ৰ বাবে নিৰ্বাচন কৰা হৈছিল।^৭ এই চুটি ছবিখন 'পৰ্ণহাব'ৰদ্বাৰা প্ৰযোজিত আৰু ই কোম্পানীটোৰ 'ভিজনৰীজ ডাইৰেক্টৰছ ক্লাব' শৃংখলাৰ অংশ আছিল। ডেঞ্জাৰে এই শৃংখলাৰ আন এক ছবি আই লাভ ইউতো অভিনয় কৰিছিল।^৮

ডেঞ্জাৰে ইজৰাইলী ইডিএম (EDM) প্ৰযোজক আৰু ডিজে বৰগৰৰ দ্বিতীয়টো ষ্টুডিঅ' এলবাম দ্য আৰ্ট অৱ গৌৰৰ "৯১১" গীতটোত কণ্ঠদান কৰাৰ লগতে সংগীত ভিডিঅ'টোত অভিনয় কৰিছে।^৯ তেওঁ কিছুমান সংগীত ভিডিঅ' আৰু বিনোদনমূলক প্ৰকল্পতো অংশগ্ৰহণ কৰিছে।

ব্যক্তিগত জীৱন

ডেঞ্জাৰ গায়িকা গ্ৰেবী গেৰেকোৰ (গ্ৰেবী জি) সৈতে সম্পৰ্কত আছিল আৰু তেওঁৰ "চিটি অন ফায়াৰ" সংগীত ভিডিঅ'টোত অভিনয় কৰিছিল। তাত তেওঁ গায়িকাগৰাকীক লছ এঞ্জেলছৰ অন্ধকাৰ জগতলৈ প্ৰলোভিত কৰা এটা চৰিত্ৰত অভিনয় কৰিছিল।^১০১১