এবিঅ'ডান এছিয়েট

এবিঅ'ডুন এছিয়েট (Abiodun Essiet; জন্ম:-৩ জানুৱাৰী ১৯৮৬) এগৰাকী নাইজেৰিয়ান নাৰ্ছ, লিংগ কৰ্মী, সম্প্ৰদায় উন্নয়ন কৰ্মী আৰু ৰাজনীতিবিদ।^১ বৰ্তমান তেওঁ নাইজেৰিয়াৰ ৰাষ্ট্ৰপতি বোলা টিনুবুৰ জ্যেষ্ঠ বিশেষ সহায়িকা হিচাপে সম্প্ৰদায় সংঘবদ্ধকৰণৰ দিশত কৰ্মৰত৷^২৩৪

প্ৰাৰম্ভিক জীৱন আৰু শিক্ষা

নাইজেৰিয়াৰ অয়’ ৰাজ্যৰ অকো টাউনত জন্মগ্ৰহণ কৰা এবিঅ’ডুন এছিয়েট ইবাডানত ডাঙৰ-দীঘল হৈছিল। তেওঁ পোনপ্ৰথমে ইফেঅ’লুৱা নাৰ্চাৰী আৰু প্ৰাথমিক বিদ্যালয়ত পঢ়া-শুনা কৰে আৰু পিছলৈ ইবাদানৰ কুইন্স স্কুলত কনিষ্ঠ মাধ্যমিক শিক্ষা গ্ৰহণ কৰে। ইবাদানৰ মোলেটৰ ইউনাইটেড মিছনেৰী কম্প্ৰিহেন্সিভ কলেজত মাধ্যমিক শিক্ষা সমাপ্ত কৰি ২০০২ চনত তেওঁ ছিনিয়ৰ ছেকেণ্ডাৰী স্কুলৰ প্ৰমাণ পত্ৰ লাভ কৰে।^১

এছিয়েটে অছুন ৰাজ্যৰ অগবোমোশ্ব’ৰ লাড’ক আকিণ্টোলা ইউনিভাৰ্চিটি অৱ টেকন’লজি (LAUTECH)ৰ পৰা নাৰ্চিং বিজ্ঞানত স্নাতক (বিএনএছচি) ডিগ্ৰী লাভ কৰে। ২০১৬ চনত ইবাদান বিশ্ববিদ্যালয়ৰ চিকিৎসা মহাবিদ্যালয়ৰ পৰা জনস্বাস্থ্য বিষয়ত স্নাতকোত্তৰ ডিগ্ৰী লাভ কৰে।^১৫ ইয়াৰ উপৰিও তেওঁ কানাডাৰ ক’ডি ইণ্টাৰনেশ্যনেল ইনষ্টিটিউটৰ পৰা ডেভেলপমেণ্ট লিডাৰশ্বিপত ডিপ্লমা আৰু কমিউনিটি ডেভেলপমেণ্ট লিডাৰশ্বিপ আৰু পিছ বিল্ডিঙৰ চাৰ্টিফিকেট লাভ কৰিছে।^৬

বেইজিঙৰ আন্তঃৰাষ্ট্ৰীয় ব্যৱসায় আৰু অৰ্থনীতি বিশ্ববিদ্যালয় (ইউ আই বি ই)ত আন্তঃৰাষ্ট্ৰীয় উন্নয়নত পি এইচ ডি ডিগ্ৰী লাভ কৰি আছে।^৭৮

ৰাজনৈতিক জীৱন

ক্ষমতাত থকা আৰু স্থানীয় পৰ্যায়ত শাসিতসকলৰ মাজত থকা উল্লেখযোগ্য ব্যৱধান দূৰ কৰাৰ ইচ্ছাৰ ফলত ২০১৬ চনত এছিয়েটে নাগৰিক সমাজৰ সক্ৰিয়তাৰ পৰা পূৰ্ণকালীন ৰাজনীতিলৈ পৰিৱৰ্তিত হয়।^৯

২০১৮ চনত তেওঁ অৰোজো ৱাৰ্ডত কাউন্সিলাৰ পদৰ বাবে আবুজা পৌৰসভাৰ এলেকা পৰিষদৰ নিৰ্বাচন আৰু ২০২২ চনত এএমএচিৰ ভাইচ চেয়াৰমেন হিচাপে আবুজা পৌৰ এলেকা কাউন্সিলৰ অধ্যক্ষ পৰিষদৰ নিৰ্বাচনত প্ৰতিদ্বন্দ্বিতা কৰে।^১

২০২২ চনৰ মে' মাহত তেওঁক নিযুক্তি দিয়া হয় আৰু আবুজা পৌৰসভাৰ এলেকা পৰিষদৰ সন্মানীয় অধ্যক্ষ আব্দুল্লাহী কেণ্ডিডোৰ আইচিটি, দাতা সংস্থা আৰু অসামৰিক সমাজৰ জ্যেষ্ঠ বিশেষ সহায়িকা হিচাপে তেওঁ কাৰ্যনিৰ্বাহ কৰে৷^১০১১ এছিয়েটে তেওঁৰ ভূমিকাত চৰকাৰ আৰু বিভিন্ন সম্প্ৰদায়ৰ অংশীদাৰৰ মাজৰ সম্পৰ্ক শক্তিশালী কৰা অসংখ্য পদক্ষেপক আগুৱাই নিয়াত গুৰুত্বপূৰ্ণ ভূমিকা পালন কৰে।

২০২৪ চনত ৰাষ্ট্ৰপতি বোলা আহমেদ টিনুবুৱে (GCFR) নাইজেৰিয়াৰ উত্তৰ মধ্য অঞ্চলৰ বাবে সম্প্ৰদায়ৰ সংযোগৰ জ্যেষ্ঠ বিশেষ সহায়িকা হিচাপে এছিয়েটক নিযুক্তি দিয়ে^{১২১৩১৪}৷ সম্প্ৰদায় উন্নয়ন, শাসন ব্যৱস্থা বৃদ্ধি আৰু ফলপ্ৰসূ সেৱা প্ৰদান নিশ্চিত কৰাৰ প্ৰতি তেওঁৰ প্ৰতিশ্ৰুতিৰ অংশ হিচাপে তেওঁ নাইজেৰিয়াত উত্তৰ মধ্য অঞ্চলৰ বাবে নাগৰিক সমাবেশ স্থাপন কৰিবলৈ নিজৰ কাৰ্যালয় ব্যৱহাৰ কৰে, যাৰ বৈশিষ্ট্য হৈছে নাগৰিকৰ সংযোগ আৰু সক্ৰিয়কৰণৰ সুবিধা প্ৰদান কৰা এটা মঞ্চ শাসন প্ৰক্ৰিয়াত অংশগ্ৰহণ কৰা।^১৫