এংগুইপেড

এংগুইপেড (লেটিন: angui, 'সাপ'; ped-, 'ভৰি') এক প্ৰকাৰৰ ঐশ্বৰিক সত্তা যি গ্ৰীক-ৰোমান যুগৰ যাদুকৰী তাবিজ সমূহত প্ৰায়ে পোৱা যায়৷ এই সত্তাবোৰৰ ভৰিবোৰ সাপৰ দৰে।

আব্ৰাক্সাছ, এবিধ সাধাৰণ প্ৰকাৰৰ এংগুইপেড৷ ইহঁতৰ মূৰটো কুকুৰাৰ দৰে আৰু ভৰিবোৰ সাপ দৰে বুলি চিত্ৰিত কৰা হৈছে৷ ইহঁতৰ প্ৰতীক পাৰ্চী মূলৰ বুলি ধাৰণা হয়। কেতিয়াবা ইহুদী ধৰ্মৰ ঈশ্বৰৰ নামক প্ৰতিনিধিত্ব কৰিবলৈ ব্যৱহাৰ কৰা ‘Iao’ নামৰ (টেট্ৰাগ্ৰামেটনৰ এটা ৰূপ) চাৰিটা আখৰ তলত লিখা থাকে। এনে তাবিজৰ লগতে যাদুকৰী পেপিৰি, অভিশাপৰ ফলি, ৰত্ন আৰু অন্যান্য তাবিজত ইয়াও নামটো বাৰে বাৰে ব্যৱহাৰ কৰাটোৱে ইহুদী ধৰ্মৰ উপাদানসমূহৰ সৈতে পৌত্তলিক ধৰ্মৰ সংমিশ্ৰণ ঘটোৱা সংস্কৃতিৰ প্ৰমাণ দিয়ে। তালমুদত ইহুদী ধৰ্মৰ পৰা এনে সংস্কৃতিলৈ ঘূৰি যোৱা লোকসকলক নূন্যতম বুলি কোৱা হৈছে – ইয়াক প্ৰায়ে "পাষণ্ড" বা "ধৰ্মত্যাগী" বুলি অনুবাদ কৰা হয়।^১২৩

গ্ৰেকো-ৰোমান শিল্পত টাইফন আৰু দৈত্য দুয়োকে (খ্ৰীষ্টপূৰ্ব ৩৮০ চনৰ পিছত)^৪৫৬ প্ৰায়ে গতানুগতিকভাৱে এংগুইপেড হিচাপে চিত্ৰিত কৰা হয়। ৰোমান জাৰ্মানী আৰু পূব গলৰ এটা সাধাৰণ ধৰ্মীয় মটিফত জুপিটাৰক এংগুইপেডেল দৈত্যৰ পৰা অৱৰোহন কৰা চিত্ৰণ কৰা হৈছে।^৭