ইলেনা ফ্ৰোলোভা

ইলেনা বৰিছোভনা ফ্ৰোলোভা (ইংৰাজী ভাষা: Elena Borisovna Frolova; জন্ম: ১ অক্টোবৰ ১৯৬৯) এগৰাকী ৰুছ ভাষা গায়ক-গীতিকাৰ, সুৰকাৰ আৰু কবি। তেওঁ বিংশ শতিকাৰ ৰাছিয়ান কবিতাৰ ওপৰত ভিত্তি কৰি গীত ৰচনা কৰিছে,^১ যাৰ ভিতৰত মেৰিনা চভেটায়েভা,^২ ছফিয়া পাৰ্নোক,^৩ জোচেফ ব্ৰডস্কি,^৪ আন্না বাৰ্কোভা, আন্দ্ৰেই বেলি, ভাৰলাম শ্বালামভ, মাৰিয়া পেট্ৰোভিক,^৫ ভেনিয়ামিন ব্লাঝেনী,^৬ আৰু বুলাট ওকুদঝাভাৰ কবিতা অন্তৰ্ভুক্ত।^৭ ইয়াৰ উপৰি তেওঁ নিজৰ কবিতাৰ ওপৰতো গীত সৃষ্টি কৰিছে।^৮ ফ্ৰোলোভা হৈছে এনে এগৰাকী বিৰল পৰিৱেশনকাৰী যিয়ে সংগীতৰ সংগতৰ বাবে ধ্ৰুপদী ছয়তাঁৰী গিটাৰৰ লগতে ৰাছিয়ান লোকবাদ্য গুছলি আৰু প্ৰাচীন বীণা ব্যৱহাৰ কৰে।^৯ ২৫বছৰীয়া কৰ্মজীৱনত তেওঁ ৬৩০ টাতকৈও অধিক গীত সৃষ্টি কৰিছে^১০ আৰু ৪০খনতকৈও অধিক সংগীত এলবাম প্ৰকাশ কৰিছে।^{১১১২১৩}

জীৱনী

ৰিগাত জন্মগ্ৰহণ কৰা ফ্ৰোলোভাই ১৫ বছৰ বয়সতে তেওঁৰ প্ৰথমটো গীত ৰচনা কৰিছিল।^১৪ সেইটো আছিল মেৰিনা চভেটায়েভাৰ কবিতা "আই ৰোট অন দ্য শ্লেট"ৰ আধাৰত নিৰ্মিত এটা গীত।^১৫ তেওঁ ১৯৮৮ চনত তালিনত অনুষ্ঠিত দ্বিতীয় অল-ইউনিয়ন ফেষ্টিভেলকে ধৰি বহুতো গীত আৰু সংগীত মহোৎসৱত বিজয়ী হৈছিল।^১৬ ১৯৮৮ চনৰপৰা ইলেনাই ভেৰা এভুচকিনাৰ সৈতে "ভেৰলেন" নামৰ এক যুটীয়া শিল্পী হিচাপে পৰিৱেশন কৰি আহিছে।^১৭ তেওঁ টাটিয়ানা আলেশিনা, আলেকজেণ্ডাৰ ডেৰেভিয়াগিন আৰু নিখোলাই ইয়াকিমভৰ সৈতে "এএছআইএ" নামৰ সৃষ্টিশীল গোটটোৰ সহ-প্ৰতিষ্ঠাপক আৰু এগৰাকী সক্ৰিয় সদস্য।^১৮ তেওঁ গ্ৰুচিনস্কি মহোৎসৱকে ধৰি ৰাছিয়ান আৰ্ট চং ফেষ্টিভেলসমূহৰ বিচাৰক মণ্ডলৰ সদস্য। যোৱা কেইবছৰমানত ইলেনাই ৰাছিয়ান ৰোমাঞ্চৰ পৰিৱেশনকাৰী জুলিয়া জিগান্শিনা আৰু গায়ক-গীতিকাৰ এলমিৰা গালীভাৰ সৈতে "ট্ৰিলজি" নামৰ ত্ৰিমূৰ্তি হিচাপে কেইবাটাও ভ্ৰমণ কৰিছে।^{১৯২০২১}

১৯৮৯ চনৰপৰা ইলেনা ফ্ৰোলোভাই ইলেনা কাম্বুৰোভাৰ নিৰ্দেশনাত মস্কো থিয়েটাৰ অৱ মিউজিক এণ্ড পোৱেট্ৰীত কাম কৰি আহিছে। তেওঁ ৰাছিয়ান লেখক সংঘৰ এগৰাকী সদস্য। ১৯৯১ চনৰপৰা তেওঁ ৰাছিয়া, জাৰ্মানী, ইটালী, ফ্ৰান্স আৰু ইজৰাইলত বহুতো একক সংগীতানুষ্ঠান পৰিৱেশন কৰিছে। ৰাছিয়ান সংগীতৰ ৰূপালী যুগৰ কবিসকলৰ কবিতা আৰু তেওঁৰ নিজৰ কবিতাই তেওঁলৈ ব্যাপক স্বীকৃতি কঢ়িয়াই আনিছে। মাৰিনা গাৰ্শেনোভিচৰ মতে: "মেৰিনা চভেটায়েভাৰ কবিতাৰ ওপৰত আধাৰিত গীতৰ চক্ৰটোৱে আপোনাক পুনৰজন্মৰ ধাৰণাটোত বিশ্বাস কৰিবলৈ বাধ্য কৰে। মেৰিনাৰ প্ৰতিচ্ছবি আপোনাৰ বাস্তৱৰ ধাৰণাটোৰ দৰেই বাস্তৱিক। ইলেনাৰ সংগীত আৰু কণ্ঠৰ মাজেৰে আহি চভেটায়েভাই বিদ্ৰোহ কৰে, ভাল পায়, ভৱিষ্যদ্বাণী কৰে, ধেমালি কৰে আৰু সৃষ্টি কৰে... এজনে সঁচাকৈয়ে ভাল পোৱা কাৰোবাক মৃত্যুৰপৰা ঘূৰাই আনিব পাৰে। ইলেনা ফ্ৰোলোভাই নিজৰ গীতৰ জৰিয়তে তাকেই কৰে।" ^২২ চভেটায়েভাৰ কবিতাৰ ওপৰত ফ্ৰোলোভাৰ কামৰ বিষয়ে ইৰিনা ৰোৰিগৰদ্বাৰা এখন তথ্যচিত্ৰ নিৰ্মাণ কৰা হৈছিল।^২৩

[[চিত্ৰ:Elena Frolova playing gusli.jpg|গুছলি বজাই থকা অৱস্থাত ইলেনা ফ্ৰোলোভা (ফটো: মাৰ্গাৰিটা কাবাকোভা)]]

১৯৯৬ চনত ইলেনাই ৰাছিয়ান লোকগীত আৰু অন্যান্য গীত পৰিৱেশনৰ বাবে এটা নতুন বাদ্যযন্ত্ৰ গুছলি আয়ত্ত কৰে।

২০০২ চনৰপৰা তেওঁ ৰাছিয়া, ইউৰোপৰ বহু দেশ, ইজৰাইল, আৰ্জেণ্টিনা আৰু মেক্সিকৌত ৱৰ্ল্ড মিউজিক মহোৎসৱ আৰু কনচাৰ্টত অংশগ্ৰহণ কৰি আহিছে। তেওঁ পেৰিছৰ থিয়েটাৰ ডি লা ভিলে, মেচন ডি কালচাৰ ডু মণ্ডে আৰু থিয়েটাৰ ডেছ আব্বেছেছ, মেক্সিকোৰ টিয়েট্ৰো ডি লা ৰিপাব্লিকাৰ লগতে বাৰ্চিলোনা, মাদ্ৰিদ, ব্ৰাছেলছ আৰু এণ্টৱৰ্পত সংগীত পৰিৱেশন কৰিছে। ২০০৮ চনৰপৰা তেওঁ নাক্সোঁচৰ কলা মহোৎসৱত এগৰাকী নিয়মীয়া অতিথি হিচাপে অংশ লৈ আহিছে।

ফ্ৰোলোভাই ২০০৩ চনত মিলানত অনুষ্ঠিত "ছোভিয়েট কমিউনিষ্ট টোটেলিটেৰিয়ানৰ ঐতিহাসিক অভিজ্ঞতা: গুলাগৰ বিৰোধিতা" শীৰ্ষক কংগ্ৰেছত ভাৰলাম শ্বালামভৰ কবিতাৰ কাৰ্যসূচীৰে অংশগ্ৰহণ কৰিছিল। ২০০৪ চনৰ মাৰ্চ মাহত তেওঁ মস্কোত অনুষ্ঠিত প্ৰথম আন্তঃৰাষ্ট্ৰীয় মহোৎসৱ "ইউৰেছিয়া ডিভা"ত ৰাছিয়াক প্ৰতিনিধিত্ব কৰিছিল।^২৪

২০০৭ চনত তেওঁৰ কবিতাৰ পুথি "চং ফৰ ইউৰিডিচ" প্ৰকাশ পায়।^২৫ ফ্ৰোলোভাই এনিমেটেড চিনেমা নিৰ্মাণতো অংশগ্ৰহণ কৰে। আলেকজেণ্ডাৰ পেট্ৰোভৰ মাই লাভত (২০০৬) আফানাছি ফেটৰ শব্দৰে তেওঁ "ড’ণ্ট ৱেক হাৰ আপ এট ড’ন..." নামৰ ৰোমাঞ্চটো পৰিৱেশন কৰিছিল আৰু দ্য লেজেণ্ড অৱ লেডী গডিভাৰ এনিমেটেড সংস্কৰণৰ বাবে সংগীত ৰচনা কৰিছিল।^২৬

কবিতা

ইলেনাই নিজৰ কবিতাৰ ওপৰত বহুতো গীত ৰচনা কৰিছে, যাৰ ভিতৰত আটাইতকৈ জনপ্ৰিয় এটা হ’ল এ ষ্ট্ৰ’।^২৭ তেওঁৰ বহুতো কবিতা আৰু গীতত গভীৰ আধ্যাত্মিক আৰু খ্ৰীষ্টীয় উপাদান আছে, যেনে তেওঁৰ জাৰ্নী ইনটু ইডেন,^২৮ ফ্ৰাঞ্চিছ অৱ আচিচিলৈ উৎসৰ্গিত এটা গীত,^২৯ আৰু ডিচাইপল ডে।

বাহ্যিক সংযোগ

• Unofficial (fan) website
• Facebook page
• Page on VK
• YouTube channel
• Her site on Kroogi
• Page in project «АЗиЯ»
• Discography and publications (Russian)
• Her presentations (Russian) on September 2012 and December 2014 at Echo of Moscow, hosted by Natella Boltyanskaya
• Texts of songs by Frolova (Russian) on Anthroposophy website