আৰাশ আব্বাচী

আৰাশ আব্বাচী (ফাৰ্চী ভাষা: آرش عباسی; জন্ম ১৯৭৮, মালায়ৰ) হৈছে এজন ইৰানী চিত্ৰনাট্যকাৰ, পৰিচালক আৰু অভিনেতা।^১২

প্ৰাৰম্ভিক জীৱন

আব্বাচীয়ে ১৯৯০ চনত তেওঁৰ গৃহ চহৰৰ বিদ্যালয়ৰপৰাই কাম আৰম্ভ কৰিছিল।^৩ ১৯৯৮ চনত তেওঁ নাট্যশাস্ত্ৰ অধ্যয়ন কৰিবলৈ তেহৰানলৈ যায়।^৪ তেওঁ আজাদ কলা আৰু স্থাপত্য বিশ্ববিদ্যালয়ৰপৰা নাট্য সাহিত্য বিষয়ত স্নাতক ডিগ্ৰী লাভ কৰে।^৫ ২০১২ চনত তেওঁ বলোনিয়ালৈ যায় আৰু বলোনিয়া বিশ্ববিদ্যালয়ৰপৰা থিয়েটাৰৰ নিয়ম বিষয়ত স্নাতকোত্তৰ ডিগ্ৰী লাভ কৰে।^৬৭

কৰ্ম-তৎপৰতা

আব্বাচীয়ে ইৰান আৰু ইটালীত ২৫খন মঞ্চ নাটক ৰচনা কৰিছে আৰু ১৫খন নাটক পৰিচালনা কৰিছে। তেওঁৰ নেভিচান্দেহ মৰ্দেহ আষ্ট (দা ৰাইটাৰ ইজ ডেড) নামৰ নাটকখন জাৰ্মান আৰু ইটালীমুলীয় ভাষালৈ অনুবাদ কৰা হৈছে আৰু ইটালীৰ বিভিন্ন চহৰত ইয়াৰ মঞ্চায়ন কৰা হৈছে।^৮ তেওঁ কেইবাখনো দূৰদৰ্শন ধাৰাবাহিকৰ লেখক, যেনে ইষ্টগাহ-এ চে ৰাহী (থ্ৰী-ৱে ষ্টেচন), টিভি চলচ্চিত্ৰ গৰীবেহ (ষ্ট্ৰেঞ্জাৰ)। ইয়াৰ উপৰি তেওঁ তাজৰোবেহ (এক্সপেৰিয়েন্স) আৰু খানেহ-ঈ দৰ তাৰিকী (দা হাউচ ইন দা ডাৰ্কনেচ) আদি দূৰদৰ্শন ধাৰাবাহিকত সহকাৰী পৰিচালক হিচাপে কাম কৰিছিল।^৯১০ তেওঁ গাহী (চামটাইমচ) চলচ্চিত্ৰৰ চিত্ৰনাট্যও ৰচনা কৰিছে। তেওঁ ২০১৩ চনত জুচেপ্পে টৰ্নাটোৰেৰ পৰিচালনা কৰ্মশালাত অংশগ্ৰহণ কৰিছিল।^১১

পূৰ্বতে ২০১৬ চনত আব্বাচীক ইটালীৰ বলোনিয়া চহৰত "হাৰ্ট অৱ পাৰ্চিয়া" শীৰ্ষক এটা ইৰানী সাংস্কৃতিক উৎসৱৰ সময়ত তেওঁৰ নাটক দা লেডী মঞ্চস্থ কৰিবলৈ আমন্ত্ৰণ জনোৱা হৈছিল।^১২ বলোনিয়াৰ থিয়েটাৰ আৰু সমসাময়িক কলাৰ এটা আন্তঃৰাষ্ট্ৰীয় কেন্দ্ৰ 'তেত্ৰী দি বিতা' আছিল এই উৎসৱৰ মূল উদ্যোক্তা।^১৩ ইটালীয় ভাষাত ছনম নাদেৰিয়ে মুখ্য চৰিত্ৰত অভিনয় কৰা দা লেডী নাটকখন ইৰানতো প্ৰদৰ্শিত হৈছিল।^১৪ ২০১৭ চনৰ শৰৎকালত আব্বাচীৰ গোট 'মোজ'-এ ইটালীয় থিয়েটাৰ বিশেষজ্ঞ তথা কৰিঅ’গ্ৰাফাৰ ক্লডিয়া কাষ্টেলুচীৰ সৈতে এক যুটীয়া প্ৰদৰ্শনত সহযোগিতা কৰিছিল।^১৫

তেওঁ ২০১৬ চনত ইটালীয় থিয়েটাৰ চলচ্চিত্ৰ কৰ্মৰ পৰামৰ্শদাতা আছিল।^১৬ ২০১৮ চনত তেওঁ ৰাছিয়ান লেখক লিঅ’ টলষ্টয়ৰ বিখ্যাত উপন্যাস আন্না কাৰেনিনাৰ মুক্ত অভিযোজনৰ ওপৰত আধাৰিত আন্না কাৰেনিনা নাটকৰ বাবে ফজ্ ৰ আন্তঃৰাষ্ট্ৰীয় থিয়েটাৰ উৎসৱত শ্ৰেষ্ঠ পৰিচালক আৰু শ্ৰেষ্ঠ নাট্যকাৰ (ৰাষ্ট্ৰীয় প্ৰতিযোগিতা ক) শাখাত মনোনীত হৈছিল।^১৭ ২০১৯ চনত তেওঁ ৰিটেন বাই দা ৱিণ্ড নাটকৰ বাবে ফজ্ ৰ আন্তঃৰাষ্ট্ৰীয় থিয়েটাৰ উৎসৱত শ্ৰেষ্ঠ নাট্যকাৰ (ৰেডিঅ' নাটক প্ৰতিযোগিতা) শাখাত মনোনীত হয়।^১৮ ২০১৯ চনত তেওঁ ইটালীত অনুষ্ঠিত ১৬সংখ্যক চেডিচিকোৰ্টো আন্তঃৰাষ্ট্ৰীয় চলচ্চিত্ৰ উৎসৱৰ জুৰী হিচাপেও নিৰ্বাচিত হৈছিল।^১৯

২০১৯ চনত তেওঁ জনপ্ৰিয় দূৰদৰ্শন ধাৰাবাহিক পায়তাখত (ষষ্ঠ সংস্কৰণ) ৰ লেখক আছিল।^২০