আমিনা আজিমী

আমিনা আজিমী (Amina Azimi) আফগানিস্তানত প্ৰতিবন্ধী মহিলাৰ অধিকাৰৰ হকে কাম কৰা এগৰাকী অগ্ৰণী মহিলা। ২০১২ চনত তেওঁ এন-পিচ বঁটা লাভ কৰে।

জীৱনী

আজিমীয়ে ১৯৮০ চনত আফগানিস্তানত জন্মগ্ৰহণ কৰিছিল। আজিমীয়ে আফগান গৃহযুদ্ধৰ সময়ত তেওঁৰ ঘৰত ৰকেট চালিত গ্ৰেনেডে খুন্দা মৰাৰ ফলত ১১ বছৰ বয়সত তেওঁ সোঁ ভৰিখন হেৰুৱাই পেলায়।^১ তেওঁৰ এই আঘাতে তেওঁক এনে এখন দেশৰ অক্ষম আফগানসকলৰ বৃহৎ গোটত স্থান দিছিল যিখন দেশত জনসংখ্যাৰ হিচাপত বিশ্বৰ ভিতৰতে অক্ষম লোকৰ শতকৰা হাৰ সৰ্বাধিক।^২৩ অক্ষম ব্যক্তি হিচাপে আজিমীয়ে স্কুললৈ উভতি অহাৰ সময়ত সমস্যাৰ সন্মুখীন হয় আৰু পৰৱৰ্তী সময়ত তেওঁ কৰ্মসংস্থাপন বিচৰাৰ সময়ত বৈষম্যৰ সন্মুখীন হয়।^৪ পিছলৈ আফগানিস্তানৰ পৰা অহা প্ৰতিবন্ধী মহিলাৰ অধিকাৰৰ পোষকতাকাৰী হৈ পৰিছিল আজিমী।^২

২০০৭ চনত তেওঁ প্ৰতিবন্ধী মহিলাৰ পৰামৰ্শদাতা সমিতি (WAAC) প্ৰতিষ্ঠা কৰে। ২০১১ চনত তেওঁ এম্পাৱাৰিং উইমেন উইথ ডিচেবিলিটিজ সংস্থা (EWD) গঠন কৰে।^৫ ২০১২ চনত আজিমীক উদীয়মান শান্তি চেম্পিয়ন হিচাপে এন-পিচ বঁটাৰে সন্মানিত কৰা হয়।^৬

আজিমীয়ে কাহিৰ-ই-কোহৰামান নামৰ ৰেডিঅ’ অনুষ্ঠানৰ উপস্থাপক আৰু সাংবাদিক হিচাপে লেণ্ডমাইনৰ পৰা ৰক্ষা পোৱা লোকৰ বিৰুদ্ধে বৈষম্য দূৰ কৰাৰ পোষকতা কৰিছিল। এই কাৰ্যসূচী প্ৰথমে ইউএনডিপিৰ নেচনেল প্ৰগ্ৰেম ফৰ একচন অন ডিচেবিলিটি আৰু তাৰ পিছত ৰাষ্ট্ৰসংঘৰ মাইন একচন চেণ্টাৰ ফৰ আফগানিস্তান আৰু ইণ্টাৰনিউজে সমৰ্থন কৰিছিল।^৪ আমিনা আজিমীয়ে আফগান লেণ্ডমাইন ছাৰভাইভাৰ্ছ অৰ্গেনাইজেচন (ALSO) নামৰ সংস্থাটোৰ বাবেও কাম কৰে।