আনুষঙ্গিক স্তন

আনুষঙ্গিক স্তন, যাক পলিমাষ্টিয়া, অতিৰিক্ত স্তন, বা মামাই এৰাটিকাই বুলিও কোৱা হয়, হৈছে অতিৰিক্ত স্তন থকাৰ অৱস্থা। এই অতিৰিক্ত স্তনবোৰ স্তনাগ্ৰ বা স্তনবৃন্তৰ সৈতে বা অবিহনেও দেখা দিব পাৰে। এই অৱস্থা, যি পূৰ্বপুৰুষীয় বৈশিষ্ট্যৰ এক প্ৰকাৰ, সাধাৰণতে পুৰুষৰ ক্ষেত্ৰত বেছিকৈ দেখা যায় আৰু সাধাৰণতে ই নিৰীহ, প্ৰায়ে চিকিৎসা নোহোৱাকৈয়ে থাকে। কিন্তু, শেহতীয়া বছৰবোৰত, বহুতো প্ৰভাৱিত মহিলাই অতিৰিক্ত স্তনবোৰ আঁতৰোৱাৰ বাবে প্লাষ্টিক শল্যচিকিৎসা কৰোৱাইছে, সম্পূৰ্ণ নান্দনিক কাৰণত।

প্ৰায় একে ধৰণৰ অৱস্থা, য'ত অতিৰিক্ত স্তনবৃন্ত গঠন হয়, তাক "অতিৰিক্ত স্তনবৃন্ত" বা "পলিথেলিয়া" বুলি কোৱা হয়।

ক’ত দেখা দিয়ে

কিছুমান ক্ষেত্ৰত, আনুষঙ্গিক স্তন পৃষ্ঠত দৃশ্যমান নহ'বও পাৰে। এনে ক্ষেত্ৰত, এমআৰআইৰ জৰিয়তে স্বাভাৱিক স্তন কলাৰপৰা সিহঁতৰ উপস্থিতি পৃথক কৰা সম্ভৱ হ'ব পাৰে।^১ আন কিছুমান ক্ষেত্ৰত, আনুষঙ্গিক স্তনে গাখীৰ উৎপাদন কৰা দেখা গৈছে, যাৰ উদাহৰণ পাব পাৰি কাষৰ ছবিত য'ত এটি শিশুৱে ঊৰুৰ পাৰ্শ্বীয় অংশৰ বিকট স্তন কলাৰপৰা (Ectopic breast tissue) গাখীৰ খাই থকা দেখুওৱা হৈছে।^২

এই অৱস্থা আমেৰিকাৰ থলুৱা জনসংখ্যাৰ মাজত বেছি সাধাৰণ হ'ব পাৰে বুলি কিছু প্ৰমাণ আছে।^৩

কাৰণ

পলিমাষ্টিয়া সাধাৰণতে গৰ্ভাৱস্থাত বিকাশৰ সময়ত হয়। স্বাভাৱিক বিকাশৰ সময়ত, স্তন কলা গাখীৰ ৰেখাৰ সমান বিকশিত হয়, আৰু অতিৰিক্ত কলা ভাঙি গৈ শৰীৰত শোষিত হয়। পলিমাষ্টিয়া তেতিয়া হয় যেতিয়া অতিৰিক্ত কলা জন্মৰ আগতে ভাঙি নাযায়। এই অৱস্থা বংশগত হ'ব পাৰে।

তথ্যসূত্ৰ

• A Paper on the Appearance of Multiple Mammaries in Humans, R. Eghardt, Oxford University Press (1923)
• Weird Diseases, B. Hargreaves and M. Wallette, Emu Publishing (2007)