আকবৰী মহল

আকবৰী মহল আগ্ৰা দুৰ্গৰ জেনানা (হাৰেম কোৱাৰ্টাৰ)ত অৱস্থিত এটা ৰাজপ্ৰাসাদ। ই সম্ৰাটৰ অধীনৰ হাৰেমৰ মহিলাসকলৰ বাসগৃহ হিচাপে ব্যৱহৃত হৈছিল আৰু সম্ৰাটৰ বাবে জিৰণি লোৱাৰ ঠাই হিচাপে ব্যৱহাৰ কৰা হৈছিল।

ইতিহাস

১৫৬৫ চনৰ আশে-পাশে নিৰ্মিত আকবৰী মহল হাৰেমৰ দক্ষিণ-পূব অংশত অৱস্থিত আৰু ই ৰাজপৰিয়ালৰ পত্নীসকলৰ অন্যতম ৰাজপ্ৰসাদ হিচাপে ব্যৱহৃত হৈছিল।^১ জাহাংগীৰি মহল, বাংলা বুৰ্জ আৰু খাছ মহলৰ মাজত অৱস্থিত ইয়াৰ এটা বৃহৎ শিলৰ পকী চোতাল আছে আৰু ইয়াৰ চাৰিওফালে বিভিন্ন কোঠা আৰু ছুইট আছে।^২ ইয়াৰ পশ্চিম দিশৰ গেটৱেৰ মাজেৰে এটা প্ৰৱেশদ্বাৰ আছে, যিটো এনেদৰে ডিজাইন কৰা হৈছে যাতে ই হাৰেমৰ মহিলাসকলৰ বাবে পৰ্দা বা আঁৰ-বেৰ নিশ্চিত কৰে।^৩ তলৰ মহলাত ওখ চিলিং থকা বৃহৎ বিশাল হলটোৱে মহিলা আৰু সম্ৰাটৰ সভাস্থলী হিচাপে কাম কৰিছিল।^৪ ইয়াৰ বিপৰীত ফালে বাঙালী বুৰ্জৰ ওচৰত আকবৰী বাওলি (কুঁৱা) আছে।