ৰোমিনা ৰেছিয়া

ৰোমিনা ৰেছিয়া ( Romina Ressia), জন্ম: ১১ মাৰ্চ, ১৯৮১, বুয়েনছ আয়াৰ্ছৰ আজুলত। সমসাময়িক বস্তুৰ সৈতে সংযুক্ত শক্তিশালী ৰেনেছাঁ প্ৰভাৱৰ ছবিত প্ৰয়োগ কৰা এনাক্ৰ’নিজমৰ ব্যৱহাৰৰ পথ প্ৰদৰ্শক হিচাপে তেওঁ স্বীকৃতি লাভ কৰিছে।

তেওঁৰ যিবোৰ বিষয় সম্পূৰ্ণ ধ্ৰুপদী নান্দনিকতাৰ দৃশ্যবোৰত সন্নিৱিষ্ট কৰা হৈছে, মহান মাষ্টৰসকলৰ চিত্ৰকলাৰ প্ৰতি সন্মান জনাই এক বিৰতিৰ সৃষ্টি কৰিছে। তেওঁৰ আটাইতকৈ চিনাকি কামৰ ভিতৰত পপকৰ্ণ, চ্যুইংগাম, হেমবাৰ্গাৰ, চোডা, এটা স্পেগেটি, দন্ত চিকিৎসাৰ আনুষংগিক সামগ্ৰী আদি বস্তু। তেওঁৰ ৰচনাসমূহ দ্য হাফিংটন পোষ্ট, ইন্টাৰভিউ, ভেনিটি ফেয়াৰ, ভোগ ইটালিয়া আৰু দ্য ৱাইল্ড মেগাজিন আদিয়ে প্ৰকাশ কৰিছে।[1]^১

জীৱন আৰু কেৰিয়াৰ

১৯৮১ চনৰ ১১ মাৰ্চত আৰ্জেণ্টিনাৰ বুয়েনছ আয়াৰ্ছৰ আজুলত জন্ম লাভ কৰিছিল ৰেছিয়াই। ১৯ বছৰ বয়সত তেওঁ অধ্যয়নৰ বাবে কেপিটেল ফেডাৰেললৈ গুচি যায় আৰু তাৰ পৰাই বুয়েনছ আয়াৰ্ছ বিশ্ববিদ্যালয়ৰ পৰা বিজনেচ এডমিনিষ্ট্ৰেশ্যনত স্নাতক ডিগ্ৰী লাভ কৰে। পিছলৈ তেওঁ একাউণ্টিং এৰি ফটোগ্ৰাফীত নিজকে মনপ্ৰাণ সঁপি দিয়ে, যিটো তেওঁ টিয়েট্ৰ' কলনত কলা পৰিচালনা আৰু দৃশ্যপটৰ লগতে অধ্যয়ন কৰিছিল। ফেশ্বন ফটোগ্ৰাফীত আৰম্ভ কৰিছিল যদিও সূক্ষ্ম কলালৈ পৰিৱৰ্তিত হৈছিল, ফটোগ্ৰাফীৰ বাহিৰলৈ গৈ মিক্সড মিডিয়ালৈ আগবাঢ়িছিল। দ্ৰুতগতিত শিল্পীজনে কলা জগতত জনপ্ৰিয়তা লাভ কৰিছিল। ২০১৭ চনত দ্য উইমেন’ছ ফ’ৰাম ফৰ দ্য ইকনমি এণ্ড ছ’চাইটিয়ে তেওঁক বিশ্বৰ আটাইতকৈ প্ৰভাৱশালী ব্যক্তিত্ব হোৱাৰ পথত আগবাঢ়ি থকা সোতৰগৰাকী যুৱতীৰ ভিতৰত এগৰাকী হিচাপে নিৰ্বাচিত কৰে।^২ তেওঁৰ কৰ্মৰাজি লণ্ডন,^৩ এডিনবাৰ্গ,^৪ বুয়েনছ আয়াৰ্ছ, কৰ্ডোবা,^৫ বাৰ্চিলোনা,^৬ নৰৱে,^৭ পেৰিছ, জুৰিখ, মিলান, নিউয়ৰ্ক, লছ এঞ্জেলছ, ব্ৰাছেলছ আদি চহৰত প্ৰদৰ্শিত হৈছে।