ৰেমি লাক্ৰ'ইছ

ৰেমি লাক্ৰ'ইছ (ইংৰাজী: Remy LaCroix) এগৰাকী আমেৰিকান পৰ্ণগ্ৰাফিক চলচ্চিত্ৰৰ অভিনেত্ৰী। তেওঁ ২০১৩ চনত শ্ৰেষ্ঠ নতুন ষ্টাৰলেটৰ AVN বঁটা লাভ কৰে। তাৰ পিছত ২০১৪ চনত শ্ৰেষ্ঠ অভিনেত্ৰীৰ খিতাপৰ লগতে বছৰটোৰ শ্ৰেষ্ঠ মহিলা প্ৰদৰ্শনকাৰীৰ হিচাপে ২০১৪ চনৰ XRCO বঁটা লাভ কৰে।^১

প্ৰাথমিক জীৱন

প্ৰাপ্তবয়স্ক মনোৰঞ্জন উদ্যোগত প্ৰৱেশ কৰাৰ আগতে লাক্ৰ'ইছ কেইবাটাও সংগীত উৎসৱ আৰু বাৰ্নিং মেনৰ বাবে বিশেষ নৃত্যশিল্পী আছিল। তেওঁৰ অভিনয়ৰ ভিতৰত আছিল জুইৰ নৃত্য, আকাশী ৰেচম আৰু হুলা-হুপিং।^২

কেৰিয়াৰ

লাক্ৰ'ইছে ২০১১ চনৰ ডিচেম্বৰ মাহত Kink.com-ৰ বাবে এটা গেং বেং দৃশ্যৰ জৰিয়তে প্ৰাপ্তবয়স্ক চলচ্চিত্ৰ উদ্যোগত প্ৰৱেশ কৰে,^৩ যিখনৰ বিষয়ে জেমছ ফ্ৰাংকো প্ৰযোজিত তথ্যচিত্ৰ চলচ্চিত্ৰ কিংকত আলোচনা কৰা হৈছিল।^৪ তেওঁ প্ৰায় ছয় মাহ কাম কৰাৰ পাছত অশ্লীল চলচ্চিত্ৰ জগত ত্যাগ কৰাৰ কথা ঘোষণা কৰে।^৫ মানসিক আৰু শাৰীৰিক ক্লান্তিৰ কথা উল্লেখ কৰি তেওঁ পূৰ্বতে লোৱা প্ৰতিশ্ৰুতিসমূহ পূৰণ কৰে, Kink.com-ৰ টেলেণ্ট বিভাগত কাম কৰে আৰু মুক্তি নোপোৱা চলচ্চিত্ৰসমূহৰ প্ৰচাৰ চলাই যায়। অৱশেষত ২০১২ চনৰ নৱেম্বৰ মাহত তেওঁ পুনৰ অভিনয়ত ঘূৰি আহে।^৬৭

২০১৩ চনত LA Weekly আলোচনীখনৰ ‘জেনা জেমছনৰ পাছৰ তাৰকা হ’ব পৰা ১০ জন অশ্লীল চলচ্চিত্ৰ অভিনেত্ৰীৰ তালিকাত তেওঁ দশম স্থান লাভ কৰে। সেই বছৰেই আৰু ২০১৪ চনত তেওঁ CNBCৰ বাৰ্ষিক ‘The Dirty Dozen: Porn's Most Popular Stars’ তালিকাতো অন্তৰ্ভুক্ত হৈছিল।^৫৮

২০১৪ চনৰ ডিচেম্বৰ মাহত ৰেমি লাক্ৰ'ইছে ArchAngel Productions-ৰ সৈতে চুক্তিবদ্ধ তাৰকা হিচাপে স্বাক্ষৰ কৰাৰ কথা ঘোষণা কৰা হৈছিল,^৯ যদিও চুক্তি আৰম্ভ হোৱাৰ তিনি মাহো নোহোৱাত তেওঁ প্ৰযোজনা সংস্থাটোৰ সৈতে সম্পৰ্ক সমাপ্ত কৰে।^১০

২০১৬ চনত তেওঁ ৱেবভিত্তিক ৰিয়েলিটি শ্ব’ দ্য ছেক্স ফেক্টৰৰ বিচাৰক হিচাপে অংশগ্ৰহণ কৰে, যি দ্য এক্স ফেক্টৰৰ এক অশ্লীল সংস্কৰণ।^১১১

গৰ্ভাৱস্থাৰ কাৰণে ২০১৬ চনত তেওঁ পেছাগত অভিনয়ৰ পৰা অৱসৰ গ্ৰহণ কৰে; কিন্তু ২০২০ চনত তেওঁ পুনৰ অশ্লীল চলচ্চিত্ৰ উদ্যোগলৈ ঘূৰি অহাৰ কথা ঘোষণা কৰে।^১২ বেলেছা ষ্টুডিঅ’ৰ বাবে তেওঁৰ ঘূৰি অহাৰ দৃশ্য ২০২২ চনৰ জুলাই মাহত শ্বুট কৰা হয় আৰু ছেপ্টেম্বৰ মাহত মুক্তি পায়।^১৩