সগোত্ৰতা

সগোত্ৰতা বা একমূলতা (Consanguinity) হৈছে তেজৰ সম্পৰ্কৰ জৰিয়তে দুজন ব্যক্তিৰ মাজত প্ৰতিষ্ঠা হোৱা এক আত্মীয় সম্পৰ্ক। ভাই-ভনী, পিতৃ-মাতৃ আৰু সন্তানৰ মাজৰ সম্পৰ্কটো এনে আত্মীয়তাৰ উদাহৰণ। বহুতো ন্যায়িক অধিকাৰক্ষেত্ৰত তেজৰ সম্পৰ্ক থকা লোকসকলে ইজনে সিজনৰ লগতবিবাহ বা যৌন সম্পৰ্ক স্থাপন কৰাত নিষেধাজ্ঞা আৰোপ কৰা আইন আছে। এই নিষেধাজ্ঞাৰ জন্ম দিয়া সাংস্কৃতিকতাৰ মাত্ৰা ঠাইভেদে বেলেগ বেলেগ।^১ এনে নিয়মসমূহ উইলবিহীন উত্তৰাধিকাৰ নিয়ন্ত্ৰণ কৰা বিধি অনুসৰি কোনো সম্পত্তিৰ উত্তৰাধিকাৰী নিৰ্ধাৰণ কৰিবলৈও ব্যৱহাৰ কৰা হয়, যিবোৰো বিচাৰক্ষেত্ৰভেদে ভিন্ন হয়।^২ কিছুমান ঠাইত আৰু সময়ত একে পৰিয়ালৰ সম্পৰ্কীয় লোক সকলৰ সন্তান-সন্ততিৰ মাজত বিবাহৰ অনুমতি দিয়া হয় বা আনকি উৎসাহিত কৰা হয়; আন কিছুমানত ই নিষিদ্ধ, আৰু অনাচাৰ বুলি গণ্য কৰা হয়।

আপেক্ষিক কনচেংগুইনিটিৰ মাত্ৰাক এক ৰৈখিক চিত্ৰৰ সহায়ত দেখুৱাব পাৰি য'ত ৰৈখিক কনচেংগুইনিটিৰ প্ৰতিটো স্তৰ (প্ৰজন্ম) এটা শাৰী হিচাপে দেখা যায়, আৰু সমান্তৰালভাবে সংগত সম্পৰ্কযুক্ত ব্যক্তি সকল একেটা শাৰীতে থাকে।^৩ ইয়াত বান্ধোন ব্যৱস্থা হৈছে এটা সংখ্যাগত সংকেত যিয়ে পূৰ্বপুৰুষৰ ভাগ সমূহৰ সমগোত্ৰীয় সম্বন্ধ বৰ্ণনা কৰে।^৪